¹ Au si'ata e rawa ni mutou vosoti au e na so na'a lialia au ca'ava. E dina ga ni mutou sa duavata 'ei au. ² Me bau niu sa vuvuta'ini i'o, na noqu vuvu me baleti i'o e va-Alou; me mte'ivu mai na gauna au ma yalata'ina 'ina vei i'o, i na siga ni va'amau. Vei 'oya na wa timu tagane, au ma yalata'ina me'u soli i'o me bau e dua na yalewa Savasava vei Karisito. ³ Au ma qai rere de ma ni la'ola'o ena tautauvata na nono ma va'acalai Ivi na gara ei na nona yalo qaseqase, qai yadia va'a yawa na nomu va'anananu, mai na dina 'ei na savasava ni lotu va'a-Karisito. ⁴ Aya mada me dua e la'o mai qai mai vunauta'ina e dua tani viro na Jisu, mai na Jisu datou vunauta'ina. Se 'o rawata e duatani nayalo mai na ena 'o ma rawata. Se' ebau e vunauta'ina e duatani na Kosipeli me bau o dau vunata'ina. Sa rauta va'asia na nomu tara ca'e ti'o na vei'a eni. ⁵ Niu sa nanuma niu sa maqa ni uasivi sobu vei 'edra na i Apositolo. ⁶ Ia, 'e bau au maqa ni va'avulici ena vosa, au maqa ni maqa ni va'avulici i na 'ila. I na veisalevu yadua 'ei na vei'a tauco'o e datou sa ca'ava 'o sa 'ila. ⁷ Au ma i valavala ca, ena noqu ma vaimalumalumuta'ini au me rawa ni mutou laveti cae. Niu ma minauta'ina walega na kosipeli ni Alou vei mutou. ⁸ Au me buta'o mai vei edra na i veicoqosoqo lotu eso ena noqu ciqoma na nodra veito'oni eso me'u rawa ni qaravi mutou. ⁹ Niu ma se ti'o vata 'ei 'emutou au qai si'ata na veivu'e, au ma maqa ni va'aogai dua. Me bau ni dratou ma sa sotava na noqu gagadre 'o dratou na taciqu dratou ma la'o mai Masitonia. I na vei'a tauco'o au ma maroroi au me'u 'uwa ni va'a oga e dua, au na ca'ava ti'oga bau 'a rai. ¹⁰ Me bau ni sa ti'o veiau na dina i Karisito, na veiva'alevulevui me baleti au ena maqa ni galu i na vei yasai Akaia. ¹¹ Baleta na cava? Baleta n'iu maqa ni lomani mutou? E 'ila ga na Alou. ¹² E i na 'a au sa calava, au na ca'ava ti'oga me rawa ni yadia tani na nodra galala 'o 'edra, 'edra si'ata na galala, medra raici ni dra tautauvata 'ei 'eda i na vei'a 'edra va'alevulevuya. ¹³ O 'edra na tamata eni 'edra i aipositolo daudaci qai dauveiva'aisini. E dra va'alecaleca tu ni dra i apositolo nei Karisito. ¹⁴ I e e maqa ni veiva'urabuita'i, ni 'o setani mada ga ma va'alecaleca tu ni agilosi ni rarama. ¹⁵ E maqa viro ga ni veiva'urabuitai e bau e'dra va'alecaleca 'o 'edra na nona i talatala me dra i talatala ni yalododonu. Na dodia i otioti e na rauta ga na nodra i valavala. ¹⁶ Au sa 'aya viro : "Uwa ni dua e nanuma ni'u lialia. Io, e bau o nanuma, ciqomi au me bau e dua na lialia me rwa niu va'alevulevu i va'aqisi. ¹⁷ Na 'a au tovola ti'o me va'eta na veiva'alevulevui e ni, au maqa ni vosa ti'o me tautauvata na nona vosa na Turaga- au sa vosa ti'o me bau na lialia. ¹⁸ Me bau le levu na tamata edra veiva'alevulevui ti'o va'ayago, au na veiva'alevulevui viro ga. ¹⁹ Ni mutou sa vei'ilai vata 'ei 'edra na lialia, 'o mutou, mutou sa vu'u tu. ²⁰ Ni 'o sa vei'ilai vata 'ei dua, 'e bau sa va'a bobolata'ini i'o, e bau sa lawa'ita'ini i'o, e bau sa va'adravudravuataini io, e bau sa va'acerecerei oya, se 'e bau sa roba na matamu; ²¹ Au na 'aya ena neitou madua, ni 'eitou ma sa rui malumalumu me eitou ca'ava na a rai. Ia e dua sa doudou - au vosa ti'o me bau e dua na lialia 0- 'o au viroga au na doudou. ²² Edra 'a i Ipiriu? 'O au viro ga. Edra Isireli? 'O au viro ga. Edra 'awa nei Eparaama? 'O au viro ga? ²³ E dra nona i talatala na Karisito? (Au vosa ti;o me bau na lialia) E a va'alevu ca'e na noqu dau ca'aca'a, levu noqu tu i vale ni veivesu, levu noqu rubila'i, dau vole'a sara ni'u mate. ²⁴ E dra sa rubila'ini au va'alima na Jiu, na i Kuita e tau va'a tolusagavulu a ciwa. ²⁵ Au ma warola'i va'atolu e na 'acu. Dua na gauna 'edra ma va'avirila'ini au i na vatu. Va'atolu na noqu nma 'asa voli i na waqa. Au ma bogi dua siga dua i loma ni waitui levu. ²⁶ Au sa dau veila'oya'i va'alevu, sotava na vei'a re reva'i i na veidre'e ni wai sotava na rereva'i mai vei'edra na daubuta'o, dredre mai vei 'edra na noqu tamata, sotava na dredre mai vei 'edra na 'a i matanitu tani, na dredre i na vei'oro lelevu, dredre i na loma ni 'aaulau, dredre mai waitui, sotava viroga na dredre mai vei 'edra na taciqu daudaci. ²⁷ Au dau 'oca ena ca'aca'a 'ei na veiqaravi, levu na bogi maqa na moce, e na dau dei 'ana ei na dei unu, levu na gauna ni lolo, na maqa ni sulu 'ei na liwaliwa. ²⁸ Maqa ni wili na vei'a sa vo, sa qai ti'o na bibi ni noqu va'ananuma na vei soqosoqo lotu tauco'o. ²⁹ 'O cei e malumalumu? Au qai maqa ni malumalumu. 'O cei sa va'atarabeta'i Au maqa ni yaloyalo 'ata'ata 'ina. ³⁰ E bau me'u veiva'alevulevui, au na va'alevulevuya na vei'a me baleta na noqu malumalumu. ³¹ Na Alou 'eina tama i Jisu Karisito, 'o 'oya me va'aro'oro'ota'i me tawa mudu, e 'ila niu maqa ni daci ti'o. ³² Mai Tamasiko ma Kovana ti'o 'ina na tui 'o Arita, ma va'atawana ti'o na 'oro levu 'o Tamasiko me vesu'i au. ³³ Ia, au ma qai va'alilili sobu i na dua na loma ni sova i na dre'e ni ta'ari le'a i na lalaga, au sa qai vuli bula mai ligana.