¹ 'O i au 'o Paula, au sa va'amasuti mutou e na yalomalumalumu 'ei na yalo malua i Karisito. Au dau malumalumu ni'u dau ti'o vata 'ei mutou, ia, au dau doudou vei mutou niu dau ti'o tani. ² Au sa 'erei mutou va'abibi, ni'u dau ti'o vata ei mutou, a maqa ni yaga ne'u doudou, ni'u sa nuidei. 'O 'oya au nanuma niu sa siata me'u doudou niu sa saqati edra edra nanuma ni da la'o tio ena vei'a va'ayago. ³ E dina ga ni da la'o ti'o i na vei'a va'ayago, eda maqa ni veivala tio va'ayago. ⁴ Niyaragi eda vala ti'o ina, e maqa ni va'ayago. Ia, e tu vei 'edra na kaukauwa va-Alou, me dra va'arusa na veibai kaukauwa. Edra yadia mai na veiba veiva'acalai maqa na betena. ⁵ Eda va'arusa viroga na vei'a cecere eso e e basia mai e veisaqasaqa e'i na lewa ni Alou. Eitou tara na veiva'asama me vorati ina na talaidredre vei Karisito. ⁶ Eitou sa tu va'arau me 'eitou totogita'ina na veica'aca'a ni talaidredre e na gauna ga sa tauco'o 'ina na nomutou talairawarawa. ⁷ Raica va'asia sara na'a sa tu e matamu. 'E dua sa soli 'oya me nei Karisito, biuta me va'ananumi 'oya ni sa nei Karisito, 'i 'eda viro ga 'e da sa nei Karisito. ⁸ E bau mada ga au sa doudouta'ina ca'e va'aqisi na noda i tutu, o 'oya e solia na Alou me da tarai i'o ca'e qai maqa ni va'acacani i'o, au na maqa ni na madua. ⁹ Au maqa ni si'ata me 'ilai niu va'arereo io i na noqu i vola. ¹⁰ Eso na tamata 'edra 'aya, "Na nona i vola e rui bibi qai kaukauwa, ia, na nona bula va'ayago e malumalumu. Na nona vosa e maqa ni yaga me va'arogoci. ¹¹ Laiva na mataqali bau ena me va'ila ni noda bula e na vosa ni noda i vola ni da leva, e na tautauvata viro ga 'ei na noda i tovo ni da ti'o i 'ara i. ¹² E da maqa soti ni doudou me da wasei 'eda se va'a tautauvatata'ini 'eda vata 'ei 'edra, 'edra dau va'acerecerei 'edra. Ia ni, da va'avauta'ini 'edra va'a i 'edra, qai va'atautauvata'ini 'e dra va ai eda e da maqa ni vu'u. ¹³ 'o 'oya 'ina 'eitou sa maqa ni va'acerecerei eitou va'asivia. Ia 'eitou na ca'ava ga me rauta na vei'a sa va'arauta'ina vei eitou na Alou, na i yalayala eda rawa ni yacova tauco'o. ¹⁴ Eitou sa maqa ni biubiuti 'eitou ca'e va'asivia me 'eitou maqa ni yacovi i'o. Eitou ma'e na i matai me eitou yacova na vanua 'o sa yacova me baleta na kosipeli nei Karisito. ¹⁵ Eitou maqa ni sisivia na i yalayala me baleta na nodra ca'aca'a na tani. Ia na neitou i nuinui, e bau sa tubu, tioga na nomutou va'abauta, na neitou ca'aca'a ena emutou maliwa ena tubu sara va'alevu. ¹⁶ Me rawa 'ina me ''eitou vunauta'ina na kosipeli me rawa ni sivita na nomutou i yalayala, me eitou 'uwa ni do'ado'ai 'eitou 'ena vu'u ni ca'aca'a sa ca'a oti ena veivanua viro eso. ¹⁷ Laivi 'edra na va'acereceroi 'edra me dra vaicerecerei 'edra 'ena vu'u ni Turaga. ¹⁸ E maqa ni 'o 'oya e va'adonui 'oya va'ai 'oya e va'adonui, la, 'o oya ga e va'adonuya na Alou.