¹ E dodonu me'u va'alevulevui au, ia e dina ga ni maqa na betena. Ia, au na la'o ga i na raivotu 'ei na va'atailaila mai vei 'oya na Alou. ² Au ila e dua na tamata sa tu vata 'ei Karisito-o 'oya ena tini'ava na yaba'i sa oti se ma ti'o va'ayago se maqa, au maqa ni 'ila, e 'ila ga na Alou-ma yadi ca'e i na i a tolu ni lomalagi. ³ Au qai 'ila ni tamata eni- se ma ti'o va'ayago se maqa, au maqa ni 'ila, e 'ila ga na Alou ⁴ ma yadi ca'e ina parataisi qai rogoca e so na vosa maqa ni va'amacalata'i rawa, o 'oya e maqa ni va'atarai e dua na tamata me cavuta. ⁵ E na vu'una na mataqali tamata bau'arai, au na veiva'alevulevui. Ia, ena vu'uqu au na maqa ni veiva'alevulevu'i, va'avo ga me baleta na noqu malumalumu. ⁶ E bau au digiti'ina me'u va'alevulevui, au na maqa ni lialia, baleta au na vosataina ti'o na 'a dina. Au sa na maqa ni vei va'alevulevui, me rawa ni 'uwa ni dua e nanuma le levu na'a baleti au e na 'a e raica vei au se rogoca mai vei au. ⁷ Me'u maroroi au mai na va'alevulevui 'au baleta na veiva'alevulevui 'ei na i va'ataibila, e dua na voto ni acu e ti'o e na lewe ma soli vei au, ma yadia mai e dua na i talai nei Setani me va'ararawata'ina au me rawa ni'u 'uwa ni va'alevulevu'i au. ⁸ Au ma masula'ina va'atolu me baleta na'a e ni vei'oya na Turaga me yadia tani vei au. ⁹ Ia ma 'aya vei au, "Sa rauti io na noqu loloma ni kaukauwa e dau yaco ni da sa dau malumalumu." ¹⁰ 'O 'oya eni au sa si'ata ena bu'u i Karisito na malumalumu, na veiva'asae wasewani, na veiva'acacani, 'ei na veiva'ararawatai ena vu'u i Karisito - ia, niu sa malumalumu au sa qai qaqa. ¹¹ Au sa yaco meu lialia, ia mutou sa va'avuna, ni dodonu me mutou ma va'acerecerei au. Niu sa maqa ni uasivi sobu vei 'edra na i apositolo, e dina ga niu sa 'a walega. ¹² Na i va'araita'i dina ni apositolo mutou ma va'araita'ina e na 'emutou maliwa 'ena dau vosota tauco'o na vei'a mana 'ei na vei'a ve'i vaurabuita'i. ¹³ Na cava mutou s auasivi sobu 'ina mai vei 'edra na i soqosoqo lewe ni lotu eso va'a vo ni'u ma maqa ni va'aicolacola vei mutou. Mutou vosoti au i na noqu cala. ¹⁴ Raica au sa va'arau la'o mai vei mutou i na i a tolu ni gauna. Au sa maqa ni va'ai colacola vei mutou ni'u na maqa ni va'araica na'a e nomutou. Au siati mutou - o'edra na yaqiti me dra 'uwa ni va'aogai 'edra na nodra i tubutubu, ia, 'o 'edra na i tubutubu me dra va'aogai 'edra vei 'edra na luvedra. ¹⁵ Au na marau va'alevu me'u solia ga na 'a sa tu vei au, ena vu'u ni yalomutou. E u sa lomani mutou va'alevu, au na lomani be'a va'aqisi? ¹⁶ Ia, me bau ga eni, Au ma maqa ni va'a'ogai mutou. Ia baleta niu sa yalo matumatua au ma rawai mutou e na noqu i lawai. ¹⁷ Au ma rawata, li e dua na'a vei dua au ma tala ya'e? ¹⁸ Au ma va'amasuti Taito me la'atu vei mutou; au ma tala viro ga na tacina me draru la'atu vata. 'Ma rawa 'a mai vei mutou 'o Taito? E da ma maqa ni la'o ena yalo e tautauvata? E da ma maqa ni la'o e na iva'arau e tautauvata? ¹⁹ Mutou nanuma i na gauna tauco'o eni eitou taqoma'ini eitou ti'o vei mutou? I na mata ni Alou 'eitou sa vosa ena vu'u i Karisito 'ei na 'a tauco'o baleta na nomutou kaukauwa na dau lomani. ²⁰ Niu sa rere e bau au na la'o mai, au qai maqa ni raici mutou me bau na'a au si'ata. Au rere de mutou na maqa ni raici au me bau na a mutou siata. Au rere de sa ti'o na veiba, na vuvu, nenene va'alialia, veileti, na aase, na do'ado'a 'ei na va'aveitalia. ²¹ Au rere e bau au na lesu mai, ena va'a malumalumuta'ini au vei mutou na noqu Alou. Au rere deu na tagica mai vei 'edra e le levu 'edra sa valavala ca oti ei 'edra, 'edra maqa ni veivutunita'ina na dukaduka 'ei na dauyalewa ei na daudara edra dau ca'ava.