¹ Nbamba mponyina, ino Leza wakabakaka bantu bakwe? Takwe niciyochitika. Pesi amibo ndili mu Isaleli, mukowa wa Abrahamu, o musyobo wa Benjamini. ² Leza takwe nakabakaka bantu bakwe, abo mbazi. Tamuzi mbwamba magwalo amba zya Elijah, mbuli mbwakakombelezya oleza ali bana Isaleli? ³ "Mwami, bakajaya basinsimi bako, bakatatola zipallilo chako. Ndime edike ndasyala, ape bayandola bumi bwangu." ⁴ Kono ino chinzi kutaba kwa Leza kwambazi kuli nguwe?"Ndakalibambila ndemukamweni bantu bazyulu li tosanwe otubili abo bataka fungamina Baal." ⁵ Nikuba kuti mponyina, kuli chino chindi chesunu amumo muli chisyalizyo kaambo kokusalwa koluzyalo. ⁶ Kono kuti choluzyalo, kokuti tachinsi che mimilo. Ati mwendi luzyalo talukozeki kuba luzyalo. Kono kuti kwe milimo ponyina takukwe luzyalo; Ati mwendi mulimo takukwe mulimo. ⁷ Ninzi mponyina ? Zintu ezyo ba Isaleli zibali kuyandola, tabachijene, kono basalwe bali balchijene nchicho, ape ababasyende baliyumidwe. ⁸ Kuli buyo mbuli mbokulembendwe: "Leza wakabapa muya engonzi, meso kokuti batano bone, amatwi kokuti kabatamwi, kusika kubuzu bwesunu." ⁹ Ponyina Davida wamba, tebule lyabo libe anga chiteizyo a kakole, chilebyo olukomyo kuli mbabo. ¹⁰ Meso abo asisingwe kokuti batabe nibabona okongomana masulu abo kutolelele." ¹¹ Ndamba mponyina, "Bakalebwa kokuwa?"Kunabi nichiyochitika kwinda kuti, kunonta kwabo, lufutuko lwakasika kuli basi, kuti babapatokile kumunyono. ¹² Ino na kunonta kwabo mbobuvubi bwe nyika oswekelwa kwabo mbobuvubi bwa bamasi, nkokuti kunoli kupati buti ku zuzikizigwa kwabo? ¹³ Kono ino ndambola kuli nwebo no basimasi, pele kube kuti nkechili mutumwa kuli bamasi, ndila lindunda mu mulimo wangu. ¹⁴ Mwendi ndila sumuna abo kuba omunyono abo be nyame yangu. Mwendi tuyo futa bamwi. ¹⁵ Pele kutina ku kakwa kwabo chamba ku mvwana kwe nyika, ino ku tambulwa kwabo kuyoba buye kono bumi kuzwa ku lufu ¹⁶ Kuti michelo yo kusanguna ila salala, nko kuti Namu yanda ula salala, emitabi bwibede. ¹⁷ Kono kuti ntabi zya tyolwa, kuti yebo, omu tabi wo tyolwa, kuti yebo, omu tabi wo mu olwe wesaka, wa vwanizigwa akati kawo, ape na musamu wo mu olive, ¹⁸ uta lidundi kambo ke mitabi. Kono kuti wa lindunda, tinsi yebo u jatilila muyanda, kono muyanda ngu jatilita yebo. ¹⁹ Mponya uyo amba kuti, "Intabi zyaka tyolwa kuti mebo ndi vwanizigwe." ²⁰ Echo kasimpe. Kambo yebo ulaima chenguzu kambo ko lushomo lwako. Utali yeyeli kuba mujulu, kono yowa. ²¹ Kambo Leza takwe naka siya ntabi zye saka, aibo tayo kusiyi. ²² Langa, ino, luzyalo obuyumu bwa Leza buyumu bwa kaza ama Juda ba kawa, kono luzyalo lwa Leza luza ali nwebo, kuti na mwa indilizya mu luse lwakwe. Pele anwibo muyo temwa. ²³ Ape ambabo, kuti na taba indilizyi mukuta shoma kwabo, bayo vwanizigwa. Kambo Leza ula konzya kuba vwanya ape. ²⁴ Kuti na mwaka temwa kuzwa ku mu samu wesaka wo mu olive, ape kwindana mwaka uwanizigwa mu olive bu mutu, ino chiyoba buti kuli ezi, ntabi buyo, ku vwanizigwa ape mu mu sana wo mu olive? ²⁵ Kambo siyandi kuti mukale ka mutazi, no bazyalwanma, changa ma seseke, kuti mutabi basongo mu miyeyo yenu: Ku yumya myoyo kunini kwa sika abana Isilali kusikila ku vula kwa basimasi ba njile. ²⁶ Mpawo yonse Isilaili ezo futulwa, mbuli mbu chilembidwe: "Kuzwa mu ziyoni kulaza mufutuli. Oyo gwisya bubi kuzwa ku Jacobo, ²⁷ ape echi chiyoba chizuminano changu ambabo, awo nda zogwisya zibi zyabo." ²⁸ Kwindi mu mulumbe, mba sinkondo. Kambo kenu. Ko kwinda ku kusalwa, mba yandwa nkambo ka maisi. ²⁹ Kambo kako, zipo okwitwa kwa Leza tazi chinchwa. ³⁰ Kambo kako awo nimwatali ku mvwinda Leza, ino mwa tambula luse kambo ko ku mvwida kwabo. ³¹ Mu nzila eyi aba ma Juda tibali ku mvwida. Chitondezyo chali choku ti kambo ko luse lwa ka tondwe zigwa kuli nwebo abo ba tambule luse. ³² Kambo Leza wa jala kuta mvwida kuti atondezye luse kuli bonse. ³³ Ha, bulamfu lwa bo buvubi obusongo ape uluzibo buta goli Leza! Mbuti ku siswa ko lubetesi lwakwe, ape enzila zyakwe tazi yubuniki! ³⁴ "Ino ngwani wa kaziba miyeyo yo Mwami na ngwani unga waba siku mulayilila? ³⁵ Na ngwani waka sanguna kupa zintu kuli Leza, Kuti leza amu badele?" ³⁶ Kambo kuzwa kuli nguwe o kwindila muli nguwe mo muli zintu zyonse. Bulemu bube kuli nguwe kutamani. Amen