¹ Nobana kuliswe, nceyanda kumoyo wangu ape ncebambilila kuli Leza ncokuti bomusyobo wangu bafutuke. ² Ndazumina kambo kabo kuti mbasungu kuli zyaleza, pele busungu bwabo kabutalondokide. ³ Kambo, balakacilwa kumvwisisya bululami buzwa kuli Leza, okulangola kuzwidilizya bululami bwabo beni, takwe nibali kulimbya kubululami bwa Leza. ⁴ Kambo kilisitu nguzuzikizya mulawo wobululami kuli ni oni oyo usyoma. ⁵ Kambo musa ulalemba mbuli bululami buzwa kumulawo: '' mwalumi oyo ucita bululami bo mulawo uyopona obumi bobululami.'' ⁶ Pele ino bululami obo buzwa kulusyomo bwamba namu; '' utambi mumoyo wako, ngwani uyotanta kwinka kujulu?( nkokuti, kweta kilisitu ansi) ; ⁷ Ambi utambi kuti, ngwani uyoselela kucikalilo cabafu? (nkokuti, nkweta kilisitu kufwa muli bafwide). ⁸ Pele ino eci camba nzi? ''ibbala lila afwifwi abo, mumulomo o mumoyo esako.'' Elyo ndifwi lyo lusyomo nditukamboka. ⁹ Kuti na cili kumilomo yenu kuti Jesu ngo mwami, okusyoma mumyoyo yenu kuti Leza wakamubusya kuzwa kuli bafwide , muyofutulwa . ¹⁰ Kambo komoyo umwi ulasyoma okuba obululami, omulomo umwi ulalilekelela okufutulwa. ¹¹ Malembo amba kuti,'' kufumbwa oyo umusyoma tayomusyi nsoni .'' ¹² Kambo takwe lwindano akati kama Juda ama Giliki. Kambo ngwenyina mwami ngomwami wabonseneni ambi ulivubide kuli abo bamwita. ¹³ Kambo kufumbwa oyo uita zina lyo mwami uyofutulwa. ¹⁴ Ino inga bamwita buti ngubatasyomi? ambi inga bamusyoma buti ngubatana kumvwa? ino inga bamvwa buti kuti kakutakwe mukambausi? ¹⁵ Mponya ino inga bakambauka buti , ati kuti batumwa? mbonya buyo mbucilembidwe kuti abota loko maulu abo bakamboka mulumbe mubotu!'' ¹⁶ Pele kono tainsi bonseneni bazumina mulumbe mubotu. Isaya wamba kuti, mwami , ino ngwani wasyoma mukwamba kwesu? ¹⁷ Nkokuti lusyomo luzwa mukuswilila, ambi kuswilila kwindila kujwi lya kilisitu. ¹⁸ Pele ndamba kuti, '' nkokuti tabana kumvwa? iiyi, bakamvwa .'' majwi abo akamvwigwa munyika yonse, ambi makani abo akasika kumagolelo enyika.'' ¹⁹ Mukuyungizizya , ndamba kuti, '' nkokuti bana isilayili tabakazibide mulumbe oyu? kusanguna musa wamba kuti, '' mebo ndifomuzomufubazya mukunyonekela citainsi cisi . Mukuba ecisi citaswilili, ndizokunyemya. ²⁰ Mponya isaya waliongedwe nali kwamba kuti '' ndakajanwa abo batali kundilangola. Ndakaboneka kuli abo batali kundibuzya buzya zyangu.'' ²¹ Pele kuli isilayeli Leza wamba kuti, '' buzuba bonse ndatandabika manza angu kuli basicinguni okubantu batamvwi bazangide.