¹ Disi du, Kristu nde icandi ru ge, anyisa anyo'ba ru baba lara'di ani ri si. A'dusiku mo'di icandi ndere andaa ruge rarie'beenjira ² 'Di a vuga, Mo'di ovi ileni ile diadu adi lidi andaadi ovi ru disi ku, olu lidi andaa di niga vico injwi ''ba diri ani ku, ki kadi le Rubanga di ni. ³ Nyenji saa karako nga juru a lele edele ri ni ederega, oluka mi mgba aga, vico injwi rii, emerika ira si anjoanji di, lemu injwi o'ja'ja dii, pi nga injwi ri ppi ni edeka ovidu eno ruka ani, ⁴ Diadu kurakii ''di nga a'ule a'u rii de anyemuru a'ito ku ovi injwi ileni ri pi ni ga, ayosi kulu'jokii anya ru injwi. ⁵ Ki vo kukekii le'jo Andaani baba le'jo lalire ga' ba lidi pi 'ba kpo ri aruge rii. ⁶ Le'jo 'disi e'be ange ofu loso ri 'ba odaka ra rini, dudu, kesu alali le'jo a'i a ru ge ra ruge kende 'ba ani sa, kadikii du endi geraovi Rubanga a oluzo ri ani. ⁷ Nga 'ba ati a lokoka ni esa ire 'Disi kulee olu lara anda ri to ongu olu lara anda to elegi si, ⁸ Ambamba ri olu leto ambamba anya lelega, a'dusiku le kaku enji karako. ⁹ Anya 'i'ba luzuka ako. ¹⁰ 10 Ovi du de mo'di alu anyalele ga esu nga keleke andaa ni ri ra, kulee ke'bu 'ba zi'ba ekonyi zo, ke'bu asi igenidisi kiza Rubanga di ewo mgbimgbi si. ¹¹ De mo'di alu alu kolo'joru, kolee kolu le'jo Rubanga di ni aga. De mo'di alu alu kede i'bu 'ba zini, kulee kude mori Rubanga di ni. De mo'di alu alu kede i'ba 'ba zini, kulee kede mori Rubanga a keleri si. Anyede nga 'dipi duku leti mgbimgbi ge si akuke ayayi Rubanga ni Yesu Kristu si. Yesu Kristu ni kolu yayi opko to tadu tadu.Amen. ¹² Ba maa lele ndo ri, anya'u ku lu'bilu'bi asi emure anya ruge risi, kende nga zi mgbi ri kederu anyini ni, ¹³ Rari, de kesu anyesu icandi karako Yesu si saa, anyanjoru, dudu anyolu anjo to pi asi i'bweto Andaa yayi lende nga. ¹⁴ De alu'da anyi Kristu si, anyi anda loso to, a'dusiku Endi yayi di pi Endi Rubanga di kolu anyi to. ¹⁵ Ti kulee mo'di alu sa anya lelega kunde candi ku ba'di kasi, kusa ogusi, ovi ni injwi si, deku lurusuka 'ba zi ni le'jo gasi. ¹⁶ Ti kulee mo'di candi andaa oluka Kristiani si, dinja kuko andaa ni ku, rari kulee kuke yayi Rbanga ni ru ile si. ¹⁷ A'dusiku saa esara le'jo lalika ni re'dozo Rubanga di zo ga. De ke'doru ama si na, 'ba ofu loso Rubanga di ni erika ku ri vo kolu ingoni? ¹⁸ Ongu de kolu opko 'ba anda ri ni lararizo na kumu kolu ingoni 'ba Rubanga ako pi enji'ba ni? ¹⁹ Disi du kulee a'i candi nde'ba le Rubanga di si ri kazikii a'ia endi Andaa ni loso ri ni edeka to.