¹ Ovi di si, anyi uku ruduka ra ri kaziru mburu du anya ogoo ni. Anyede dini, de tebe ago zipi adi kolu okpo lejo jole rini ga saa i, eta a’i lojojo ako ni wa, uku aidi a olu ni ovi si. ² Adusi, kesua nde kii anya olu ni ovi gba ri ra laru to. ³ Nga di kede ru ru egiri kaa si ku; ovi si du dibi cwakaa, mula lui kaa kusaaa bangu ni ovi eco kaa si ku. ⁴ Ki, kulee kederu lejo aside ge risi, ongu pelere endi olure di, weli na okpo rubanga a anda ga ri si. ⁵ Adusi ku di ovi uku okole naninga eze Rubanga ni egeni kaa ra ri a ovi oluzo rii, razi kaa aia agoo ni si. ⁶ Leti alun risi, sarah ke laru Abramo ni ra, ongu lungwe Abramo ni andaa amba i. de anyede nga loso rii, ongu de anyori icandi si ku, anyi diaa Sarah banzii. ⁷ Leti alua risi, anyi ago kulee anyolu anya uku to ovi rerika di si, adusikaizi ni riru okozo mori oko ri to vi. Anyike ai ni laru kelende ba kiza lidi di esu kaa ri piadiani anyede nga di, dudu ilegi anyidi kuki di ku. ⁸ Nga nit i ni lokojo, anyolu ra alu risi, anyede kiza anyini anyanga si le adunzi di to, ongu rumuka’a to onyolu. ⁹ Akolokwe nga inwi ri ati injwi si ku kusaa lada nit i lada siku. Ra rii, anyi ro anda ga tutu keka’a to i, adusi di ra anyi lungwe jo rii, ausi anyolu du ba tutu dii. ¹⁰ Modi lidi lere ra ongu lere andaa kunde odu loso rii, kulee kumba andaa leda ni ta nga injwi ri ni ga si ongu enjo lujo kaa nit i cwi kuga ¹¹ Kecoru pi nga injwi rini ga si, ongu kede nga loso rii. Kulee kundu ibwe ongu koko vuna i. ¹² Opi a mi ba anda ri aru ga, ongu adaa bi keri aia owu. Ki opi keco anda ba enzi edekaa rii di si pi.” ¹³ Deanyede nga loso ri ayo na, adi kakda anyi ni? ¹⁴ Ki de anye candi ru nga anda ri ni ede kaa si, anya anda loso. Anyori nga aia ovi le ri ku. Anya asi kalajwa ku. ¹⁵ Ki anya i opi Christo ni anya aside ge okole. Tesaa anyolu baba lazi ai zo de modi zi kuzi anyi dia anya asi okpo Rubanga si adusi na i. anyede nga di laru si. ¹⁶ Anyolu lara loso ri to ayosi du dinja kuko ba anyi ludaka anya olu loso kristo niaga cwi adusi ku kulujo kii nga anya rug e kelende ba enzi edekaa ri ani. ¹⁷ Andaa ni duba si loso, de Rubanga ‘a le si anye candiru nga loso ri ni ede kaa si, zwa enzi edekaa ra. ¹⁸ Kristo isaa ecandiru Vu alu enzi nii i. modi anda di ri ecandi ru ama enzi ba rini ra, ayosi du andaa kezi ba du Rubanga di. Adi anda’a ni kpo ru si, ki endi si nga lidi. ¹⁹ Endi si, Yesu nge ofu endi ziba’a diadu mabusi aga ripi ni ra. ²⁰ Ri kii olure lara ako lele Rubanga a nga mika ri nga lutere nuwa ni nga, sa’a ibo bi zo ri ni nga, ango Rubanga lari bani weli ga angwadu-baaro, ovi iyi di si. ²¹ Di ovi batisimu ama lari re diadu ri di I kujwe du andi amani rug e rip ii ku, ki ketede do ovi loso ri Rubanga anda ga Yesu Kristo enji ka’a daga ra si. ²² Kristo ni anda Rubanga di ni ga. Andaa ki rubu ge. Anjeli, okpo, ongo mori to kolu andaa ni.