¹ Ma menna ri d’uki ne khristho ninah (ra), ma amwaku, azze kiru yeye (ud’ud’u) ma na kolow karariy ma ro oyuru naggwy ninah wo, ² Eya ma oggo ma rina ne medubo towe wo azza ro ma ri asidio ead’we d’oku. ³ Ko’bwo ma acho andu meyeye ri ddo ma ma ri ruw ‘se eleh andu ogow ma ne ogow azze oleh ma ne kale khristho ra lele ‘se wo ko’bwo addiimaa ri kiw ‘se, eleki ma ri kakah kede esu ruw manane nini. ⁴ Lob’a Israele ri b’anny. Akkah lob’a ‘bwo, kakaku wo, rethothob’olo ro, okwe kakoko rinaru (kokwe kakoko ne okwe), kidilo idilo bouwa orri ni (kosa anya ne oso bouwa orri ni), angwi kakkah ri akkah. ⁵ Khristho keaki lichoo apika kaki ra lele ‘se arow roruw nil ago awe orri leebith rina. Oggo ib’uruki ri lago ne nyonyo wo. Amen. ⁶ Ama achobo easu awe neyeyezo nini orri ri rakkah napa oggo assee d’okwo. Ko’bwo aka Israele niah na b’anny d’ehd’eh alobe alobe Israele rikaku d’o thoki. ⁷ Lichoo aburamu rika leebithi awery erebiku d’o thoki, “ama, awe achobo kiru lichoo meka eleh andu ungweri ungwe Isaako ‘se wo.” ⁸ Oddo eleki, erebi ruw rikaku eleki orri ri erebi. Ama acho erebi kapa akkah kanaka eleki kiru olwa lichoo niki wo. ⁹ Ko’bwo ari napa akkah kana ne awe ileh; “lao napa eleni ra kiru eleh andu ma meakeaki wo, azze kiru eleh andu okwe sarah ni ngwango ni anyo wo.” ¹⁰ Eleni d’uleku tee, ama bubuna wo azze angwi rebekah kokoh aha ne wo ago alobe ‘se, aary atha Isaako ra ¹¹ Ko’bwo andda ogona erebi kapa adi otheeku angwi adi owe nga nintha allaku eyebo nga ninjwi allaku, eleni anyi beya kathothoro orri rina easu reapehzo nini oggo keddeh tho wo, ko’bwo eab’u kapa ‘seku, ama ko’bwo awe oloro ongwe ri ini ‘se ¹² Awe kiru o’jo nena napa ni anyo oddo, “ngwa nagwi eleh andu konga eab’b’u ne ningwa ne ni anyo.” ¹³ Easu oggo andda awe niwerozo nini: “oggo ma miyie yakobo anyo ama ma mothy Esau ne asidi.” ¹⁴ Ya kiru eleh andu aah ako’jo ad’u anyo koy? Ya nguna thokithoki orri ra keway? Awe kodo olow ilehku anyo! ¹⁵ Ko’bwo ko’jo mo’se ni oddo, “ma eleh andu mad’uta ad’uta od’ub’a ma eleh andu mad’uta ad’uta api ‘seka eleki ni anyo, angwi ma eleh andu me’ba ri i'ba od’ub’a eleh andu me’ba ri i'ba api nika eleki ni.” ¹⁶ Eleni kiru, ko’bwo awe lago ‘seku oloro reyeye ri eleni, angwi ko’bwo awe oloro ommu kale nane ‘seku, ama ko’bwo orri rina ‘se, oloro ad’uta nenena r inane. ¹⁷ Ko’bwo ari napa iwru kana booku niah r inane ko’jo faroh ni oddo, “ko’bwo kathothoro no ouh napa ini ‘se ma menga me orou, anyi beya oggo ma menna ma ri ambamba napa me ‘se, angwi eleni anyi beya oggo ma ri ru ob’b’eh bou pye d’ehd’eh.” ¹⁸ Eleni ra raw o kiru, orri kad’uta ad’uta lago oloro awe kekeye ri eyeye eleni (nane) ra wo, angwi oloro lago ri eyeye kana nanelge keyeye ri eyeye eleni, lagokokwe kozozyi. ¹⁹ Ammi kiru eleh andu ge no’jo ma ni oddo, “anyi kiru gel ago adi keassu ri apapab’a kaki ne ad’u da? Adi nguna andu kocheh awery yeye napa nane ne nereta?” ²⁰ Mod’i agona, eab’u rina ne, anyi me ad’i da koy oloro kinyopa ri orri ne na ini? Ya nga od’we kana ko’jo o’jo oloro awe nod’we ri ini ne oddo, “me nod’we ma ne wi ad’u da? ²¹ Ya kiru eaja ri aregi ri d’uki ludia keway re anyi beya kowe ubee alobe nga nobazo azze kiru ubee alla alobe nga nob’azo inee leebithi? ²² Anyi kiru eya orri, oloro kondu kenna ri awery otha ne wo angwi anyi kob’a awery ambamba napa onneleh wo, eabee rebebee adaly ab’iru towe ngaly d’ini otha ri ubee kapa kaki niah ib’ehb’ehtha iranyaleh? ²³ Ya kiru eleni ad’unga eya lago owe anyo ib’etha ib’atha anyi beya lago oggo kob’a awery akku napa ri arinya kapa ad’uta ri ubbyi kapa nidi anyo, oloro lago andda ib’etha akku napa ni anyo athii da? ²⁴ Anyi ad’unga da koy eya lago awe eleni aah ni oho na, ad’ub’a angwi gel ago ri ungwe kanaka kaki ni, Jew ri agaga niah d’uleku tee, ama angwi ge mawawe (nyigoo) kapa eleki ri agaga niah? ²⁵ Esu lago ri o’jozo nini angwi hosea niah na: “oddo, b’anny od’ub’a ma riku kiru eleh andu ma mungwe ma ri b’anny i wo, azze kiru nena napa oloro iyiekuna eleni acho kiru eleh andu ma mungwe ri iyie manaru anyo wo. ²⁶ Kiru eleni eleh andu awe kolow ofo oloro o’jo api ni aka oddo, ammi ma ri b’annyku, kiru ofo napa ra na wo eleh andu ungwe ri api ne orri lidy ri erebi nagoo i wo.” ²⁷ Azze Isaiah kobbu putheh ne wo kiru Israele ri kiw’se oddo, “ju eyeye oddo Israele ri erebi kapa ri laked’eh kede esu mearyi ri ching’e niki, achobo eleh andu awe nimbe kassa ne tee wo anyi beya andu iruruka, ²⁸ Ko’bwo eleh andu kawowo natha keagu ri awery ari ninyopa ne bouwa anyo wo, anyi koko kale angwi oggo ilulud’iku.” ²⁹ Esu Isaiah ri ozozo nini andda athii oddo, “eya andda adi kawowo natha ogutha nulii rina (rulii rina) oyee aah ni liechoo kapaku, acho so aah esu sodomo niki wo, azze kiru aah akolow esu Gomorro niki wo.” ³⁰ Ya kiru eleh andu aah ako’jo ad’unga ne koy? Bo mawaway kapa, od’ub’a ole thokithoki nowe kuka kaki, a iy thokithoki napa kale ‘bwo na, achobo a iy thokithoki napa nane regeny ‘se, ³¹ Ama Iraelego, oloro kowe kakoko thokithoki rina ne anyo nane, acho adi eassa kakoko napa raku. ³² Anyi ad’u reta? Acho ko’bwo adi lob’a owe kakoko napa regeny seku, ama owe eab’u ‘se anyo. Lob’a iremo ony andda iremo kana nane anyo, ³³ Esu andda riwrozo nini oddo; “inddeh, ma ala ony ziona niah ony napa reremozo azze kiru lapa od’ehzo, lago oloro eawo aka awera anyo eleh andu dinja oruuku.”