¹ Ilia wo, eleni raw o ilenini ilia muwo keyowo b’anny od’ub’a khristho yesu raka eleki ni. ² Ko’bwo kakoko oyuru rina adyzo khristho yesu ra nane kiru oleh ammi kalla kale ‘bwo kakoko rossu rina ra lele ‘se odda rina ro. ³ Ko’bwo nga oloro kakoko owe d’oku, ko’bwo owe amud’we na (earena) ruwo, eleni orri owe ne; lago eab’b’u awery nywago kede esu ruw kapa rossub’a eleki niki anyi beya kolow okweru rossu ri kiw ‘se, azze kiru lago imuwo rossu napa kale wo ruw niah na. ⁴ Lago owe eleni oggo kiru ib’etha ib’etha anyi beya oggo nga kakoko ri ondu kanaka kaki koga aah ni thoo, aah od’ub’a akawaway esu ruw kapa nikikuka eleki, ama acho akawaway esu oyuru nini anyo. ⁵ Ko’bwo api od’ub’a kolow esu ruw kapa nikika eleki kiremo ri nga ruw rika ne anyo, ama api od’ub’a kolow esu oyuru ri olowzo ninika eleki kiremo ri nga oyuru rika ne anyo. ⁶ Ko’bwo eya niremo ri ruw ne anyo na nodda kale wo, ama eya niremo ri oyuru ne anyo na nadady nagwi nolow motho ‘se. ⁷ Ko’bwo eya niremo ri ruw ne anyo na eleni orri ri erego i wo; ko’bwo ozze awe orri ni ikokole quwo, ko’bwo oddo awe owe intha d’ouwo. ⁸ Api od’ub’a ruw rika eleki orri ri lonyi aka keway. ⁹ Achobo, ammi rikoki ruwoku ama oyuru niah anyo wo, eya sona awe thoki orri ri oyuru napa nane kololow ammi niah anyo wo na. ama eya oloro khristho ri oyuru awe ra keway na, kuse awe lago riku. ¹⁰ Eya khristho ammi ra ana, kiru ju ruw napa kodda ko’bwo rossu napa ri kiw ‘se ama oyuru rina kadady ko’bwo thokithoki ri kiw ‘se. ¹¹ Eya lago oloro andda oyuru na inji yesu odda ri lele sena nane kololow ammi ra wo, lago oloro inji khristo odda ri lele ‘se nane angwi eleh andu kokwe ammi ri ruw kapa udd’ab’a eleki kadady lago ri oyuru ‘se, oloro kololow ammi ra eleni. ¹² O’suna i acho, adiimaa, aah ndekeh, ama ndekeh ruw rikaku anyi beya ruw kapa kolow esu ruw kapa ri olowzo niki, ¹³ Ko’bwo eya ammi nolow esu ruw kapa niki na, acho kuse kiru andu nudda kale wo, ama eya oyuru ‘se na ammi nob’a eab’u ruw rika kaki ne odda kale anyo wo, azze kiru eleh andu nady wo. ¹⁴ Ko’bwo esu ab’ika kaki niki esu orri ri oyuru ri olehzo nini, acho eleki orri ri erebi nagoo i wo. ¹⁵ Ammi andda ady na iy oyuru nane anyi beya kokwe amii nolow nyaaruku, anyi beya angwi nolow arrow ‘se, ama achobo andda ammi na iy oyuru rakkah rina anyo wo, oloro andda aah akochu kuku d’ise nane, akuzwa oddo, “Baba ye, athema nazo!” ¹⁶ Oyuru napa awery ruw’se koryi aary oyuru ne anyo wo oddo aah orri ri onyod’u. ¹⁷ Eya kiru aah onyod’u I wo na, ku’se kiru angwi aah akangangwi wo, akongwi orri ne. azze kiru aah akebeh ri angwia khristho ro, eya aah akamud’we eab’u ‘se lago ro oho acho anyi beya angwi ge ikku aah ikku lago ro. ¹⁸ Ko’bwo ma meyeye ri oddo amud’we kapa lao elenini rika eleki eajo ilulud’i-le akku napa oloro eleh andu quetechina kolow aah n inane roku. ¹⁹ Ko’bwo iffu kanaka eleki ri od’ia kondu kotheah orri ri erebi nagoo ri quetechi ne anyo wo. ²⁰ Ko’bwo kapa iffu kanaka eleki ob’a kolow nyokoru wo, yeye apina seku, ama ko’bwo lago ‘se oloro ob’a awe ne nane, aside ningwi alla ‘se wo. ²¹ Oddo napa iffu kana awery ruw’se eleni eleh andu iloka ri iloka thunyanya ri lele ‘se walewale ‘se, azze kiru eleh andu eazee ri awe ne orri ri onyud’u ri akku ri kala niah wo. ²² Ko’bwo acho elenini aah akonone wo oddo kapa iffu kanaka eleki pye kafud’a afud’a wo angwi keabeabi ri othee ri azza ne d’ehd’eh ju elenini. ²³ Eleni d’uleku, ama ju aah aary ruw ‘se achobo akafund’a aary agaga niah ilia, akotheah aah nakkah ne anyo, arry ruw nirurukazo. ²⁴ Ko’bwo asidi ningwi alla ini ‘se acho iruruka aah kale oho. Ko’bwo asidi ningwi onddeh kana nane asidi ningwiku. Ko’bwo oloro kingwi ri asidi ne na ko’bwo ad’u nga oloro awe kondondeh anyo da? ²⁵ Ama eyebo aah asidi ningwi alla ro nga oloro aah akonddeh d’oku nane ri kiw ‘se, aah akotheah awe anyo te d’eh d’ini. ²⁶ Leathy napa nane ra, oyuru napa angwi ge king’ara ri aah ne amud’we ‘se. ko’bwo aah akonneku eya aah akomyiry adad’u na, ama oyuru napa awery ruw ‘se kuly ri aah ni ne ofud’a ako. ²⁷ Lago oloro kundu ri asidi kapa ne eleni onne oyuru napari ud’ud’u oho, ko’bwo lago kuly ri b’anny agagwy b’aki ri kiw’se esu yeye orri rina nini. ²⁸ Aah akonone oddo ko’bwo oloro kiyie ri orrine iyie na, lago konga nga kapa ri eab’u ne leebithi d’ehd’eh ko’bwo intha, ko’bwo esu api kapa od’ub’a ungwe nalugolu awena nane raka eleki niki. ²⁹ Ko’bwo eleki api od’ub’a andda athii na lago konone, angwi kiru lago ufu anyi beya ipinya ovwi awery ngwago rina aka anyo, oddo oggo anyi lago kolow ngwa othee kana athii rinaru anyo wo adii nab’i kapa eleki ri agaga niah ilia. ³⁰ Api od’ub’a lago ufu ohoka eleki, angwi lago lago ungwe oho. Angwi api od’ub’a lago ri ungwe kanaka eleki, kiru angwi lago ithethena lob’a teer wol thoki wo; kiru api od’ub’a lago ithethena lob’a thokika eleki, angwi lago ikku lob’a kale ‘bwo. ³¹ Ya kiru eleh andu aah ako’jo ad’unga ne koy nga kapa eleki ri kiw ‘se? eya kiru orri aah ni wo na, ya kiru adi kimang’a ri aah ne ne? ³² Lago oloro adi od’iy awery ngwago ajju ‘sekuna nane ama kiru ifuthuki lago anyo wo aah ni leebithi aary kiw ‘se, ya kiru eleh andu awe pi lago ro okwe nga kapa aah ni kala leebithiku adad’u da koy? ³³ Ya kiru eleh andu adi ad’i keazee ri reali kapa ri alla nimang’a ne ne od’ub’a orri ri eapeh kanaka eleki ni? Orri alobe oloro uthuw (ithethena) api ne anyo wo teer. ³⁴ Ad’i alobe nguna oloro andu kimuwo ri api ne kale ne re ta? Khristho yesu alobe oloro ododa opeh eleni towe, lago eanji odda ri lele’se lago oriy orri ri de nintha, azze kiru angwi lago konga eab’u kapa ne aah ni wo. ³⁵ Ya kiru eleh andu adi ad’i kapee ri aah ne kale ne da riyie khristho rina ra lele ‘se? ya nguna kakah pi Kathy kakah ro re deh tocheh, deh thoyembeyembe, deh yoyo (vi), deh tholundu, deh thuababi, deh balumeh (pala)? ³⁶ Kiru oggo esu awe niwrozo nini oddo, “ko’bwo me rim ii longwe napa ri kiw ‘se acho kiru idida ri amma ne ithuw leebithi wo (ithuwta wo). Ob’a amma billu ri kuthi nini anyo wo oliile kale.” ³⁷ Kiru nga kapa eleki ra leebithi amma oggo mitella ri itella ne kopopeh ne toh awe alobe oloro amma niyie ri nane ‘se. ³⁸ Ko’bwo achobo utha ma oddo odda ku, lidyku, anjiluji ku opopiku nga elenini anda ilia ka elekiku nga eavvob’a kakiku ambamba ku. ³⁹ Owiku, alinaku, nga iffu kana ri allaku, oloro eleh andu kapee ri amma ne kale orri ri riyie lele ‘se, oloro khristho yesu arry kawowo natha ra. (oloro arry kawowo natha khristho yesu ra)