¹ Adiimaa, od’ia ma ri asidio angwi ma mozi orri ne ko’bwo lob’a ni, ko’bwo api nirurukazo. ² Ko’bwo acho okka ma lob’a ri kiw’se oddo achobo lob’a ri od’ia orri ra, ama deya ronnezoku. ³ Ko’bwo adi lob’a onne orri ri thokithoki napaku, azze kiru lob’a kondu thokithoki apina nipipila ne anyo d’ule wo. Kiru lob’a adi eazee thokithoki orri rina ra anyo quwo. ⁴ Ko’bwo khristho kiko ri kakoko thokithoki rina ne ne b’anny ni alobe alobe od’ub’a keawewoka eleki. Ko’bwo mo’se iwuwuro thokithoki napa nane ri kiw oho oddo keaki kakoko ri lele’se: “mod’i agona oloro owe kakoko ri thokithoki anyone eleh andu kadady thokithoki napa eleni ‘se.” ⁵ Not there. ⁶ Ama thokithoki napa oloro keaki regeny ri lele ‘sena eleni ‘jo awe onyo, “nodo o’jo me ri asidioku oddo, anyi eleh andu ad’I eazwer ri ruthu ri lele ‘se anyo reta? (nane, anyi beya keazee khristho bouwa re ta), ⁷ Angwi nodo o’jo ku oddo, ‘anyi eleh andu ad’i ozwe anyo bou ri bubu na reta?’ (nane, anyi beya keazee khristho orou adda ri lele’se). ⁸ Ama anyi awe ko’jo ad’u ne re ta? “achobo ari napa me ri agah ileh, me ri thyeo angwi me ri asidio.” Nane regeny ri ari, oloro arry ob’b’eh kana nane. ⁹ Ko’bwo eya me nenna ri me ri thye’se oddo, yesu kawowo natha, angwi bo me ri asidi niah na neawo oddo, orri inji lago odda ri lele’se oho, acho kiru eleh andu iruruka me kale ‘bwo yo. ¹⁰ Ko’bwo mod’i agona keawo thokithoki asidi ‘se, angwi lago kenna ri thye’se anyi beya iruruka iruruka. ¹¹ Ko’bwo booku ko’jo oddo, “leebithi d’id’i alobe oloro keawewo lago ra eleh andu dinja oruuku.” ¹² Ko’bwo Jew pi Geregi ro d’ule d’uleku. Ko’bwo kakwowo natha eleni kawowo natha leebithi rina, angwi lago arinya od’ub’a awe nungweb’aka eleki ni leebithi. ¹³ Ko’bwo leebithi d’id’i alobe oloro kungwe ri kawowo natha ri ru ne eleh andu iruruka ri iruruka wo. ¹⁴ Ya kiru lob’a kungwe ri lago ne adad’u da koy bo lob’a adi eawo lago rakuna? Ya lob’a kiru keawo lago ra adad’u koy bo lob’a adi eri lagokuna? Ya kiru lob’a keri ri adad’u koy bo ravwi natha keway na? ¹⁵ Kiru lob’a kovwi ri adad’u koy, eya adi eab’b’u lob’akuna? Esu ri wrozo nini, “api od’ub’a nga nintha kapa kaki ri lonyi kapa ri lolokwe nob’b’ehba kaki ri pa kapa kaggwy adad’u!” ¹⁶ Ama acho lob’a leebithi deya adi eri lolokwe napaku. Ko’bwo Isaiah ko’jo oddo, “kawowo natha, adi nguna eawo aary reab’b’uwo anyo oho ne?” ¹⁷ Achobo regeny keaki reari ri lele’se, azze reari keaki khristho ri ari ‘se. ¹⁸ Ama achobo ma mo’jo oddo, “andda adi lob’a eari ku re? eyo, achobo ab’ika slokwa eari oho. “acho api ri oli angwy ‘bwo bouwa leebithi, angwi api ri arari ossa milili ri asaeele na oho” ¹⁹ Angwi mo’jo, kopopeh ne toh, “ya israele andda adi onne kure?” andda athii mo’se ko’jo oddo, ma eleh andu mokwe ammi nothotha nga oloro nyigokuna eleni ‘se. oddo nyigo oloro kakokoro ako, ma eleh andu mokwe notha d’i ‘se wo. ²⁰ Kiru ilia wo Isaiah ifufura towe wok use lago ke’je’jo, “oddo, acho od’ub’a andda api oleh ma nondu ku ka iki easu ma kale ‘bwo. Kiru ma mefu api od’ub’a andda oleh ma nozikuka iki ni kale oho.” ²¹ Ama azze kiru lago ko’jo israele ni oddo, “ithuu nazo eleki leebithi ma mid’anya ma ri de iki angwy agagab’a embeka eleki ni b’anny ngayaka ri olow rika eleki ro.