¹ Ma kiru mojo oddo, ya andda orri oga awery bany kappa embeh oho re? Acho keaway. Kobwo angwi ma Israele go, Aburamu ri licho, Beajeaminio ri kakah. ² Achobo orri andda adi oga awery banny embeku, oduba andda lago kononeka kaki adi ammi inne nga booku ri ojokanaka Eliya ri kiw sena nan eku re, lago ojo orri ni adau da Israele ri kiw se? ³ Oddo, kawowo natha, achobo oba idida me ri mia ri banny kappa kale bwo, loba ongongo thaka meka ramomyizo kaki bouwa kale bwo. Oyee kiru ma anyo alobe dule wo azze kiru loba kondu lidy ma na ne ni anyo wo” ya kir orri inyopa lago ojo adadu? ⁴ “oddo, acho ma ma ri rom se aba ma ni nalu golu agoo mudi mudury mudury twodiery (7,000) aduba adi osso anya bou-wa baala niku ⁵ Ju kiru kede ileh wo, lao napa ini ra angwi ge acho assa oho kobwo quii ri reapeh se. ⁶ Ama eya awe quii se anyo, acho kobwo adi eapeh awe eabu kappa seku. Kobwo quii napa andu olow quiiku. ⁷ Ya kiru adunga da koy? Nga napa Israele ri andda ondu kana nane, achobo andda adi awe eassuku, ama achobo andda eapeh kanaka kaki eassu nga napa oho, azze kiru alokwa kaki ri kaki ozyi ambagogokaru. ⁸ Oggo kede easu riwrozo nini: oddo, orri okwe loba ni oyuru onnu nokozo muwon, angwi okwe loba ni mii oduba anddehku anyo anyi beya kodo anddehku, angwi okwe loba ni be oduba eari nga doku anyo anyi beya kodo nga neariku, inee no ouh ini rat owe.” ⁹ Azze kiru Dabide kojo oddo, “kwe thy thaka apika kufuri kuthuru anyo angwi rimbaru anyo, itecha ludy olee kana azze ingwi ri apee ri loba ni anyo. ¹⁰ Kwe lobar i mii konee kale anyi beya kodo nga nonddehku, angwi anyi beya api kufu ogu munyieru anyo wo” ¹¹ Kiru ma mojo oddo, “ya kiru itecha loba anyi beya kod-deh kale wo re?” oggo bo awe kodo olow ilehku anyo. Achobo kiru, oddeh apina nane se, loka eaki maw awe kappa ni kale oho, anyi beya kokwe loba koba ngu anyo. ¹² Elenini eya api ri oddeh napa kolo milili ri arinyaru anyo wo, angwi eya api ri eagwe napa kolow mawawe kappa ri anyaru anyo wo, ya eleh andu api ri riko napa thumogoru kopoeh ne toh adadu? ¹³ Ama elenini ma mong a ari ne ammi mawawe eleki ni, azze ma mawawe kappa ri eab ebu kana wo mololow lao azoru, achobo kiru ma mozee akku napa ne ma ri theeree niah wo. ¹⁴ Anyi beya ma ele andu akwe api kappa oduba ma ri kakahka eleki koba ngu anyo wo. Anyi beya eleh andu aah akirusuka api ri alokwa iruruka. ¹⁵ Kobwo eya api noga embe nane kenna ri oddo eleni milili ri rou nithobolozo, ya kiru eleh andu akkah api ne adado am abo lidy napa adda ri lele sena? ¹⁶ Eya kiru okah kappa athii rika kaki nalugolu na, kololow ir akasa ri idiru. Eya quelela nalugolu, kiru apeykapa kololow. ¹⁷ Ama eya apey kappa ri alokwa ongo kale, eya ammi kujoto ri olive napana ya naba apey ne oba ya angi aka apiri agaga niah, azze eya ammi ningara olive ri queh ri quelela namba napa lobar oho na, ¹⁸ Nodo rou niwa quelela kappa seku. Ama eya niwa ri rou ne dise, acho ammi nitheapy ri quelela napa ammiku, ama quelela napa awe kitheapy ri ammi ne ne. ¹⁹ Kiru eleh andu ammi nojo oddo, quelela kapa ongo kale anyi beya andu ongi ma aka anyo wo. ²⁰ 20. Eleni thoki kobwo adi api eawoku kiru ongo loba kale wo, ama eddeh ta tho irow nga arrow kobwo regeny ammina se. ²¹ nodo ammi ri rou neyeye anyo towe ambaruku, ama irow nga orow. ²² Inddeh ta aka anyo wo, kiru, modi ri kakah ri eabu kappa orri ri eabu no ouh ro: eabu no ouh eaki jewba oduba oddehba eleki se, ama achobo orri ri kakah eaki ammi ra kale oho, eya sona ammi nolow munieru kakah awena ra. Acho kuse eleh andu angwi agar i ammi ne kale wo. ²³ Angwi ju loba, eya api ge ole eawoku api kolow munieru owowe ninjwi eleki ra anyo, eleh andu azze kiru angi aka anyo wo. Kobwo orri oggo kongi loba ne ongi aka yo angwi. ²⁴ Kobwo eya oga ammi kale angweh nga oloro iffu kana ra lele se oloro kujoto ri olive ri queh (kwy), azze bo idedenya ri riffu napa ra oloro ongi olive ri queh nintha napa niah, ya kiru eleh andu jew ri banaka eleki aduba da, oduba ongi bule api ri olive ri queh napa nane raka kaki? ²⁵ Kobwo ma ale anyi odo enna ammi nikuku yo, adiimaa, rambwe napa eleni, eleni anyi beya ammi eleh andu nodo olow miilombaku ye ammina eleni ra: Rambwe napa eleni addo namba oloro onagri aka Israele na, tokojo mawawe ri eavvole azze kiru koga thoo akana. ²⁶ Azee kiru eleh andu Israele iloka ri leebithi wo, esu riworozo andda: “oddo, eleh andu loka natha keakeaki angweh zion ra lele se. lago elech andu konnu owowe ninjwi orri nogizo embeh kaki ne onnu yakobo ra lele se, ²⁷ Azze kiru eleni eleh andu kolow rakkah manaru wo lobar o, lao oloro eleh andu ma monna api ri rossosu ne kale nan era” ²⁸ Kiru andda esu lolokwe neyeyezo nini loba earoo ammi ri kiw se ama kiru andda esu rotwe napa neyeyezo nini, azze iyie ri loba ne wo kobwo atheeh apika andda athii rika kaki ri kiwse. ²⁹ Kobwo okwe kappa angwi orri ri ongwe napa iwicha ri doku. ³⁰ Kobwo achobo andda athiina ammi iga orri embe, ama kiru elenini wo ammi na iy aduta kale oho kobwo andda api aga ne embe. ³¹ Kiru angwi leathy napa ra elenini wo angwi Jewba kappa eleki ogoga ne embe wo. Eleni kiru enna oddo aduta napa enna kana ammi nina nane se achobo elenini angwi ge lob aka iy ri aduta napa ne iy wo. ³² Kobwo orri iloka loka leebithi ogaba embe eleki niah wo, anyi beya oggo lago kenna aduta napa nane anyo wo banny ni leebith. ³³ Ah, alikithy napa arinya rika miilomba rina ro azze orri ri rinne! Lago ri lokiko kappa ondu adadu da angwi lago ri leathy kappa eassu ri adau da! ³⁴ Kobwo ya eleh nguna adi konne kawowo natha ri ududu ne onne ne da deh adi nguna andu kolow awery kakoko natharu ne da? ³⁵ Deh adi nyuna okwe orri ni nga alla oho ne athii da, anyi beya orri andu kingwi awe ni? ³⁶ Kobwo lago ra lele se angwi awe se angwi nga leebithi awe ni. Akku kolow lago ni wo nyonyo. Amen. (kolowle)