¹ Ma mondu ammi ra ilia athii titi, adiimaa, akaku orri rika se, anyi beya ikwe ruw ammika eleki lidya arowru, kaggwy, anyi beya orri kakah. Eleni eabu ammina anya nossozo bouwa ² Nodo milili ini nidid iko anyoku ama iwicha ruw kalen ammi ri udu du ningeah se anyo unowekaru. Iweta eleni anyo anyi beya inone oddo adunga inthana ne, akkah ri akkah anyo, korory yeye orri rina ra. ³ Kobwo ma mojo oddo, kobwo quii oloro andda okwe kana ma n inane se, oddo didi alobe oloro ammi ri agaga niah ilia eleh andu kodo ruw apika neyeye loweku oddo api onne yeye towe opoeh toh. Kolu sona, loba keyeye ri miilomba ri leathy ne anyo, easu orri ri regeny ri lok edeh alla nokwezo nini didi ni alobe alobe. ⁴ Kobwo aary ruw napa nalobe eleni bulukaka aka abiru, ama buluka kappa eleki anga eabu napa nalobe eleni anyoku. ⁵ Kiru leathy nalobe napa eleni ra, aah nabi eleki aary ruw alobe khristho ra, azze kiru didi ri ruw ri buluka aka dule dule. ⁶ Kiru okwe kappa okwe kanaka aah nika eleki okwe dule dule thomia, ikweta owe anyo easu awery regeny napa ri onduzo nini. ⁷ Kiru eya okwe napa alobe eabu nonga na, ikwe lago konga eabu napa koy anyi kiru eya alobe ni okwe rinne rina aka anyone, kwe lago kinne rinne koy. ⁸ Anyi kiru eya alobe ni okwe okwe rutha rina anyone, kwe lago kutha ruth koy. Anyi kiru eya alobe ni okokwe na, kwe lago kowe odia awe se koy anyi kiru eya alobe ni okwe dii notuu na, kwe kowe awe konddeh nga tho (kwe kotuu dii napa konddeh nga tho). Anyi kiru eya alobe ni okwe okwe oloro kenna ri aduta anyone, kwe kowe awe lonya se anyo wo. ⁹ Kwe riyie kolow muruthu ako. Ga nga ninjwi embe (thyi ngo ninjwi asidio); run nga oloro inthana anyo. ¹⁰ Eyeyeta riyie adadi rina eyeye, ingata eabu oyo nalobe nonga alla rina ne azze angwi nonga alla rina ne. eyeyeta thobuluku eyeye,, alla korow alla angwi alla korow alla. ¹¹ Eyeyeta thubate eyeye, nodo eabu ronjonjo rika nowe anyoku, eyeyeta oyuru eyeye, olowta odia ro. Eyeyeta kawowo natha eyeye, ingata eabu lago ni anyo. ¹² Inyonyorta lonya aside ningwi rina se anyo, olowta aside ri ead’w se anyo amud we napa eleni ra olowta regeny se anyo romio. ¹³ Ingarata nga oduba aggwy ribanny kondonduka eleki ingara. Indu ta leathy kappa anyo anyi beya nenna athu ri ofo. ¹⁴ Iburukita oduba kichachandi ri ammi neka eleki, iburuki ta azze nodo loba noguku. ¹⁵ Inyonyorita oduba kinyonyori inyonyorika eleki se, ichuta kuku oduba kuku nochuba eleki ro. ¹⁶ Olowta ududu alobe se did inane kede ileh angwi didi nani ra kede ileh. Nodo ruw niwa ri leathy neyeyeku, ama a iy banny oduba yembeyembe eleki a iy. Nodo olow milomba yeye ammika rina seku. ¹⁷ Nodo injwi alobe rina ningwi injwi seku. Weh nga nintha azze banny leebithi kondondeh. ¹⁸ Eya sona korory, easu ammi onduzo nini, olowta motho se banny ro leebithi. ¹⁹ Ammi iyie kanaka eleki, eya modi alla ossurossu ammi ni oho nodo ingwi akaku, ama ikwele leathy anyo orri ri otha ni. Kobwo iwro awe oddo, “Ringwi ma ri eleh andu mingwi ri ma, eleki kawowo natha kojo ne.” ²⁰ Ama eya me ri erego vi row o, kiru eanya lago. Eya lago iyi vi ro, kwe lago ni kombombu. Kobwo eya me iwe ileh oho, kuse eleh andu me nutow ri assi ri nyomo ne lago ri diio wo.” ²¹ Nodo okwe injwi kodo ammi nitellaka, ama itellata inijwi anyo intha se.