¹ Inddeh ta Atha okwe aah ni riyie ingone ri ovuwi anyo, anyi beya andu ungwe aah orri re erebi, azze eleni nga oloro aah aka wo. Kobwo kiw napa eleni se, milili kiru adi onne aah quwo, kobwo awe adi onne lagoku. ² Ammi iyie kanaka eleki, achobo elenini aah orri ri erebi i wo, azze achobo adi enna awery auwku ya eleh andu aah akolow adadu. Aah akonone oddo eya Kristho keafefu wo, azze aah eleh andu akede easu lago nini wo, kobwo eleh andu aah akonddeh lago ne oggo kede easu awery edezo nini. ³ Banny leebithi oduba aside ningwi napa eleni aka kibbeh ri ruw ne lago ra kujwe ri awery ri ruw ne oggo easu lago ri aggwyzo nini. ⁴ Banny leebithi oduba kowe rossosu neka eleki kongo kakoko kale, kobwo rossu kakoko nongozo kale. ⁵ Achobo ammi nonone oddo Kristho eaffu anyi beya kozee rossosu kapa kale, angwi awe ra rossosu kapa keway. ⁶ Modi alla alobe oloro awe ra eleh andu anyi ka see rossosuwa keway. Modi oloro kossurossu ne munyieru onddeh lagoku eyabo onne lagoku. ⁷ Ma ri erebi, Nodo okwe modi alla kodo ammi nole anyi beya ile ri kaleku. Modi oloro kowe thoki-thoki ne anyo awe thoki newo, oggo easu Kristho nini thoki. ⁸ Modi olorokossurossu ne eleni injwina(modi ninjwi ri lele se), kobwo modi ninjwi napa ossurossu andda idala ri lele se. Orri ri ngwago kiru eafu andda kiw napa eleni se wo, anyi beya kimuwo modi ninjwi napa ri eabu kapa eleki ro kale wo. ⁹ Modi oloro othee orri ra lele se owe rossu munyieru kobwo orri ri orie assee lago ra. Lago owe rossu munyieru quwo orri othee lago ne. ¹⁰ Eleni ra wo kiru orri ri erebi pi modi ninjwi napa ri erebi r eafu di se: modi oloro oggo owe nga thokiku, angwi oloro iyie awery adingaku eleni orri ra lele seku. ¹¹ Kobwo eleni rezwe oloro andda ammi ri eari kana idala ri lele se nane: oddo sona aah akiyieta ruw. ¹² Sona aah akodo olow easu kaina niniku, oloro modi ninjwi ra lele se nane azze kidda ri awery adinga ne kale wo. Anyi lago ne adu da? Acho kobwo lago kunga ri eabu ninjwi ne do azze kiru awery adinga rika thoki. ¹³ Ammi ri ruw kodo ake nuchuku, adimaa, eya milili kapa kothi ammi ne assidio na. ¹⁴ Achobo aah akonone oddo aah akozwa odda kale bwo lidy niah wo, kobwo aah akiyie ri adii ne iyie. Modi oloro iyie riyieku kodda nyonyo wo. ¹⁵ Modi oloro kothyi awery adding a ne asidio eleni ridda ri modi . Ammi nonone oddo ridda ri modi lidy assee lago raku. ¹⁶ Eleni se achobo aah akonne riyie ne onne wo, kobwo Kristho olla awery lidy bouwa aary kiw se. Angwi aah akogata lidy aahna eambe anyi beya akolla bouwa adii ri kiw se. ¹⁷ Ama modi oloro milili ri wonyo ro, kiru konddeh awery adding a ne kondondu, azze asidina kossu ri lago ole okwe akau, ya kiru orri riyie kassee lago ra adado? ¹⁸ Ma rierebi, aah akodo ari niyie anyoku leada niyie anyoku, ama iyieta eabu anyo thokithoki ro. ¹⁹ Awe eleni se aah akonone oddo aah thokithoki ra lele se, azze kiru aah akuthata aary asidi lago ri andanda wo. ²⁰ Kobwo eya aary aside kapa imuwo aah ro kale oho, achobo orri thumogona kopeh aary aside kapa ne, angwi lago konne nga ne leebithi. ²¹ Ammi iyie kanaka eleki, eya sugo aary aside papa imuwo aah rokuna, sugo aah akebeh ri aside ne eabeh orri ra. ²² Nga oloro aah akozi lago ra eleh andu aah aka-iy ri a iy lago ra lele se wo,kobwo acho aah akiruruka ri awery kayuyuko kapa iruruka angwi bo akowe nga oduba lonya rika ne lago ri anda anyo. ²³ Awery kayuyuko ini no oddo: sona aah akeawo awery Ngwago Yesu Kristho ri ruwo anyo angwi akiyie ri aary ruw ne anyo, oggo easu andda awery aah ni kayuyuko napa eleni nokwezo nini. ²⁴ Modi oloro kiruruka ri orri ri kayuyuko kapa ne iruruka kasasee awe ra, angwi orri kasasee awera. Eleni se aah akonone oddo lago kasasee aah ra, oyuru oloro andda lago ri okwe kana aah n inane se.