¹ Mari erebi, ma miwro ri nga iki ni ammi ni anyi beya nodo rossuku. Ama eya alla ossurossu oho, aary kakuko natha neetheh ra, Yesu Kristho, alobe oloro thokithiki ri mod’i. ² Lago kid’we ri aary rossosu kapa eleki ne towee bot, angwu aahka d’uleku tw, ama angwi to milili eleni ro pye. ³ acho aah akonone oddo akeavvo lago nonne, eya nguna akiruruka lago ri kayuyuko kapa oho na anyie. ⁴ Modi oloro kojo oddo, “ma monne orri ne onne eleni, “ ama adi iruruka lago ri kayuyuko kapaku, eleni lodo ri modi, angwi thokithoki lago ra keway. ⁵ Ama modi oloro kiruruka ri riyie lago ra lago ri ari ne iruruka eleni, thoki, orri ri riyie lago ra thoki asidina kagagwy. Eleni se aah akonone oddo aah awe ra wo: ⁶ Modi oloro kojo oddo awe kassee orri ra anyo angwi sona awery ruw napa aggo kaway easu lago ri awayzo nini. ⁷ Ammi iyie kanaka eleki, ma miwro ri kayuyuko nonwe ne anyo ammi niku, ama ini kayuyuko nandi andda ammi ri eari kana idala ri lele se nane. Kayuyuko nandi nane awe ari andda ammi ri eari kana ne. ⁸ Adi kiru ma miwro ri ammi ni kayuyuko nonwe ne wo, oloro thoki Kristho ra angwi ammi ra kobwo ofo ne namumu kozwa kale wo, azze kiru offo ne thoki koi e koffo b’it b’uka dini wo. ⁹ Modi oloro kojo oddo awe offo niah wo azze kothy awery adinga ne asidio anyi kibwoka kale eleni ofo ne namumu niah wo tokojo elenini. ¹⁰ Modi oloro kiyie ri awery adinga ne iyie eleni kassee Offo niah anyo azze kiru Romia ri ofo lago ri ruw oliaku. ¹¹ Ama modi oloro kothy awery adinga ne asidio eleni ofo ne namumu niah angwi kawaway ofo ne namumu niah; Lago onneku eya awe koki ingoliana, kobwo ofo naneethe ree okwe lago ri mii kapa kolow mududworu wo. ¹² Ma miwro ria mmi ni, mari erebi, kobwo oyee ammi nimbe kale oho rossosu ammika eleki ra kobwo awery ru ri kiw se. ¹³ Ma miwrori ammi ni, ammi Athemaa, kobwo ammi nonne modi oloro andda idala ri lele se nane ne onne. Ma miwro ri ammi ni, ammi teto nichiri, kobwo ammi netella injwena eleni kale oho. Ma miwro ammi ni, lufunderu, inne Atha oho. ¹⁴ Ma miwro ammi ni, Athaa, kobwo ammi nonne modi, oloro andda idala ri lele se nane ne onne. Ma miwro ni, teto nichiri, kobwo ammi ambaka, angwi orri ri ari assee ammi ra, angwi ammi netella injwina eleni kale oho. ¹⁵ Nodo milili niyie anyoku nga oduba milili rika eleki pi ri ro nodo iyieku. Eya modi oloro kiyie ri milili ne anyo, Atheh ri riyie awe ra kewaay. ¹⁶ Kobwo nga leebithi oduba mililio wa- injwi ruw rika, injwi mii rika, azze anganga olow rina – Atha ra lele seku ama milili ri lele se. ¹⁷ Milili awery odia napa kovovo kale. Ama oloro kowe orri ri yeye ne anyo eleh andu kassee nyonyo wo. ¹⁸ Ammi lufunderu, ini lao bule rina wo. Oggo easu ammi ri rearizo nini oddo Kristho ri eroo nabi kapa easa bwo. Eleni se wo aah akonne oho oddo eleni lau bule rina wo. ¹⁹ Acho loba ovvo aah ra lele se kale oho, am loba aah ra lele seku. Kobwo eya so lobar aah ra lele sena so loba kasasee aah ra. Ama kiru loba ovvo angweh bwo, eleni enna oddo loba aah ra lele seku. ²⁰ Ama achoba iboro ammi rikaki aggwy ri modi ra lele se wo, angwi ammi leebithi nonne thokithoki ne onne. ²¹ Ma andda adi miwro ammi kobwo adi ammi inne thokithoki, ama kobwo ammi inne thokithoki napa oho angwi kobwo lodo napa thokithoki ri lele seku. ²² Adi Lodo ri modi neda, ya nguna modi oloro apeh Yesu kale oddo Kristho nane? Modi napa nane acho deya Kristho ri erego, achobo lago apeh Atha pi Ngwago ro kale bwo. ²³ Modi oloro kapeh ri Ngwago ne Atheh na keway. Oloro konne Ngwago ne onne angwi Athar o. ²⁴ Easu ammi niki, nga oduba andda ammi ri eari kana idala ri lele seka kaki kwe kassee ammi. Eya nga andda ammi ri eari kana idala ri lele seka kaki assee ammi ra, kiru angwi elehandu kasasee ngwago ra angwi Athar a. ²⁵ Eleni rakkah oloro andda lago okwe aah ni anyo Lidya nyonyo. ²⁶ Ma miwro nga iki ammi ni pi oduba kole ammi ne wolowoloka eleki ri kiw se. ²⁷ Kobwo easu ammi niki, riboro napa andda ammi ri aiy kana lago ra lele se nane kassee ammi ra nyo wo, azze kiru ammi indu nga alla quwo anyi inne ammi ni. Ama easu awery riboro ria mmi nga ninnezo nini leebithi angwi thoki angwi lodoku, angwi oggo easu andda rinne napa ninnezo nini ammi ni, kiru assee lago wo. ²⁸ Elenini wo, ammi mari erebi, asseeta lago ra nyo wo, anyi beya eya obuna lago eafu oho, aah akebeh ri aside ne eabeh angwi dinja kodo aah noruuku lago anda Lao awery eakizo nane ra. ²⁹ Eya nonone oddo lago thoki, ammi nonone oddo banny leebithi oduba kowe nga ne thokika eleki eathee ri lago ra lele se.