¹ Ammi iyie kanaka eleki, nodo eawo oyuru kapa ra leebithiku. Kombo, ikata oyuru kapa oka anyo da anyi beya inddeh eya loba orri ra lele sena, kobwo mia riba lodo rikaki leebithi eleh arra milili niah wo. ² Eleni se kiru eleh andu ammi nonne orri ri oyuru ne onne wo -oyuru leebithi oduba konone oddo Yesu Kristho keaki ruwoka eleki orri ra lele se, ³ Azze oyuru leebithi oduba adi ononeku oddo Yesu orri ra lele seka eleki. Eleki oyuru oduba Kristho re eroo, oloro ammi ri eari kana oddo eleh keakikeaki eleni, azze kiru elenini achobo milili nia wo buka. ⁴ Achobo ammi rikaki orri ra lele se, ammi ma ri erebi, angwi boa mmi acho nitella loba kale bwo, kobwo modi oloro ammi ra eleni thumogona kopeh modi oloro milili niah ri eleni ne. ⁵ Loba rikaki milili ri lele se; kiru nga api ri ojo kana eleni milili rika, azze kiru milili kapa keari ri api ne anyo wo. ⁶ Kiru aah rikaki orri ra lele se. modi oloro konne orri ne onne keari ria ah ne eari. Lago oloro orri ra lele seku eari aahku. Eleni se kiru aah akonne oyuru thokithoki rina ne onne wo oyuru lodo rina ro. ⁷ Ammi iyie kanaka eleki, ikwe aah akiyie ruw, kobwo riyie orri ra lele se, azze banny leebithi oduba riyie ribaka eleki othee orri ra lele se angwi konne orri ne onne. ⁸ Modi oloro riyie ako onne orriku, kobwo orri riyie. ⁹ Kobwo eleni se wo orri ri kiru eafu aah niah wo, orri eabbu te awery Ngwago milili niah wo kobwo anyi beya aah akady lago ri kiw se. ¹⁰ Eleni ra riyie, kenna ri oddo adi aah akiyie orriku amawe iyie aah ne, azze kiru lago keabbu ri awery Ngwago napa ne wo anyi beya akathu aary rossosu kapa se. ¹¹ Ammi iyie kanaka eleki, eya kiru orri iyie aah bwo na, acho sona thi akiyie ta aary ruw iyie anyo wo. ¹² Modi alla alobe oggo adi onddeh orriku towe quwak. Eya nguna aah akiyie aary ruw oho na, orri kasasee aah ra anyo wo. ¹⁴ Eleni se aah akonone oddo aah akassee lago ra angwi lago aah ra, kobwo lago eakwe awery oyuru kapa ri alokwa aah ni oho. ¹³ Angwi, aah akonddeh oho angwi akoryi oddo Ath eabbu Ngwago anyi kolow milili ri karuruka Natharu anyo wo. ¹⁵ Modi oloro konone oddo Yesu orri ri Ngwago, orii kasasee awe ra angwi awe orri ra wo. ¹⁶ Angwi, aah akonone angwi akeawo oho oddo orri kiyie ri aah ne. Orri riyie, azze kiru modi oloro assee riyie napa eleni ra anyo kassee orri ra, angwi orri kassee awe ra anyo. ¹⁷ Kobwo eleni se wo, kiru riyie napa eleni andu kolow aary agaga wo aggwy se, anyi beya andu aah akebeh aside inee lokiko noliizo nan era, kobwo easu lago ri olowzo nini, achobo aah akolow milili milili eleni niah wo. ¹⁸ Arow riyie niah keway. Kombo, aggwy riyie rina kowa arrow ne kale angweh, kobwo aro kowe awowe kong ong o rika ne anyo. Ama modi oloro korow ngane olow aggwy seku riyie niah. ¹⁹ Aah akiyie ri iyie kobwo andda athii orri iyie aah oho. ²⁰ Eya modi oloro kojo oddo, “ma miyie ri orri ne iyie” azze kothi awery ading a asidio, awe lodo ri modi. Kobwo modi oloro iyie ading a, oloro awery onddeh kana eleniku, iyie orri oloro adi awe onddehku naneku. ²¹ Angwi, kakoko iki aah aka iy ri lago ra lele se odd: modi oloro kiyie ri orri ne iyie oggo angwi kiyie ri awery ading a ne iyie.