¹ Kaka amuze, atwiimbe kuli Jehova; atwiimbe chakukondwa kumwaala walufutuko lwesu. ² Atunjile mubube bwakwe akulumba; atwiimbe kulinguwe antembawuzyo zyakusumpula. ³ Nkaambo Jehova ngu Leza mupati mpawo Mwami mupati wiinda tuleza toonse. ⁴ Mujanza lyakwe mobubede bulamfu bwanyika; bulamfu bwazilundu mbubwakwe. ⁵ Lwizi ndulwakwe nkaambo nguwakalupanga, alimwi maanza aakwe ngaakachita nyika njumu. ⁶ Kaka amuze, atukombe akuvundama ansi; atufugame kunembo lya Jehova, Mulengi wesu: ⁷ Nkaambo nguLeza wesu, alimwi tulibantu bamachezezyo aakwe ambelele zyajanza lyakwe. Sunu - kaka, kuti mukakonzye kumvwa ijwi lyakwe! ⁸ ''Mutayumyi moyo wanu, mbuli ku Melibba, na mbuli mubuzuba bwaMasa munkanda, ⁹ ooko bamataata benu nkubakandisunka akundeezya, nekuba bakali babona nchito zyangu. ¹⁰ Kwaminyaka ili makkumi wone ndakalinyemede azyalane eeliya akwaamba kuti, 'Aba mbantu bamyoyo yeempela chakusweeka; tabanaakuziba nzila zyangu.' ¹¹ Nkinkaako ndakakonka mukunyema kwangu kuti tabakoyoonjila mubusena bwakulyookezya kwangu.''