¹ Ooyo ukkede muchiyubilo cha Mupati kampatila uyokkala muchenzule cha Singuzu zyoonse. ² Ndikaambe a Jehova kuti, machijilo angu nchikwabilizyo changu, Leza wangu, mulinguwe mundisyoma.'' ³ Nkaambo uyokuvuna kuzwa kukakkole kamuvwimi akuzwa kubulwazi bujaya. ⁴ Uyokuvumba amabaaba aakwe, alimwi kunsi lyamabaaba nkoyojana chiyubilo. Kusyomeka kwakwe nintobo achikwabilizyo. ⁵ Takwe noyoyowa pe ziyoosyo zyamansiku, niiba ivwi eeyo iwuluka isikati, ⁶ na bulwazi oobo bwenda mumudima, neluba lunyonyooko oolo lunyonyoona akalangabwaseeme. ⁷ Chuulu chikonzya kuwa kumbali lyako akkumi lyachuulu kujanza lyako lyakululyo, pesi tachikoyo kusikila pe. ⁸ Uyolanga biyo akubona chisubulo chabasizibi. Nkaambo Jehova machijilo angu! alimwi chita mupati kampatila abe machijilo aako. ¹⁰ Takwepe bubi buyokusikila; naba mapenzi ayoosika afwifwi kumunzi wako. ¹¹ Nkambo ulalayilila bangelo bakwe kuti bakukwabilile, akukubamba munzila zyako zyonse. ¹² Bayokunyampula ajanza lyabo kuti utawuminini abbwe achituta chako. ¹³ Uyolyatuula balavu abachipile ansi akuulu kwako; uyolyatuula bana babalavu abanzoka. ¹⁴ Nkambo ulipedelede kuli ndime, Ndiyomuvuna. Ndiyomukwabilila nkambo ulasyomeka kuli ndime. ¹⁵ Nayita kuli ndime, ndiyomusandula. Ndiyoba anguwe mumapenzi; ndiyomupa luzundo akuyolemekwa. ¹⁶ Ndiyomukkutya abulamfu bwamazuba aakwe, alimwi akuyomutondezya lufutuko lwangu. ¹⁷ Kansinga Jehova takali mugwasyi wangu, ndali kunofwambana koona ansi mubusena bwakwe bwalumuno. ¹⁸ Nindakaamba kuti, ''Kuulu kwangu kulokutyezemuka,'' Chizuminano chako nchisyomesi, Jehova, wakandijata. ¹⁹ Eelyo makatazyo navula mukati kangu, kuumbulizya kwako kulandibotezya. ²⁰ Sena chuuno chalunyonyooko chilajana anduwe, webo nobumba milawu yakutalulama? ²¹ Balabungana kukubweza buumi bwabaluleme akupa mulandu kubalulami kuti bafwe. ²² Pesi Jehova nchikwabilizyo changu a Leza wangu ndibbwe lyamachijilo angu. ²³ Uyoleta alimbabo bubi boonse akubagwisya kuzwa mububi bwabo. Jehova Leza wesu uyobanyonyoona.