Lwiimbo lwaEtani muEzilahiti. ¹ Ndiyooyimba nchito zyabusyomesi bwachikonke chaJehova kwalyoonse. Ndiyoowamba simpe lyako kumazyalane aajunza. ² Nkaambo ndaamba kuti, ''Busyomesi bwachikonke bwasimpwa kwalyoonse; simpe lyako lyasimpwa kumajulu.'' ³ ''Ndachita chizuminano amusale wangu, ndachita chikonke kuliDevidi mulanda wangu. ⁴ Ndiyooyimika lunyungu lwako kwalyoonse, alimwi ndiyooyima chuuno chako chabwami kumazyalane woonse.'' Sela ⁵ Majulu alatembawula zigambyo zyako, Jehova; simpe lyako lilatembawulika mumbungano yabasalali. ⁶ Nkaambo ngwani kumajulu ukonzya kweezyanisigwa aaJehova? Ngwani aakati kabana babaleza ulimbuli Jehova? ⁷ NguLeza uulemerkeka kapati munkuta yabasalali alimwi ulagambya aakati kabaabo bamuzyungulukide. ⁸ Jehova Leza wamakamu, ngwani uli aamanguzu mbuli nduwe, Jehova? Simpe lyako lilikuzyungulukide. ⁹ Uleendelezya lwizi luvuta; mayuwe naanyampuka, ulaatontobeka. ¹⁰ Wakapwanda Lahabbu mbuli wajayigwa. Wakamwayuula basinkondonyokwe ajaanza lyako lili enguzu. ¹¹ Majulu ngaako, anyika alimwi. Wakalenga nyika azyoonse zili mulinjiyo. ¹² Wakabumba kunyika akumusanza. Tebba aHemoni balabotelwa muzina lyako. ¹³ Uli aakuboko kuli aamanguzu ajaanza lisimide; jaanza lyako lyalulyo lili aajulu. ¹⁴ Busalali abululami nintalisyo zyachuuno chako chabwami. Luyando lwiimvwi nji akusyomesi bulikunembo lyako. ¹⁵ Balilongezegelwe bantu bakukomba! Jehova, baleenda mumumuni wakumenso ako. ¹⁶ Balabotelwa muzina lyako buzuba boonse, alimwi mubululami bwako balakusumpula. ¹⁷ Nduwe nguzu zyabo mpati, aluzyalo lwako tulibazundi. ¹⁸ Nkaambo ntobo yesu izwa kulinduwe Jehova; mwami wesu uzwa kuliUumwi Uusalala waIzilayeli. ¹⁹ Chiindi wakalikwaambuula muchilengano kubasyomekede bako; wakati, ''Ndabika musini aalisinguzu.'' Ndabusya uumwi musale kuzwa aakati kabantu. ²⁰ Ndasala Devidi mulanda wangu; ndamunanika amafunta angu aasalala. ²¹ Jaanza lyangu liyoomugwasya; kuboko kwangu kuyoomusimya. ²² Takwe sinkondonyina utakamweene; takwe mwana wabubi uutakamusyonsye. ²³ Ndiyoopwayuula basinkondonyina kunembo lyakwe; ndiyoojaya aabo bamusula. ²⁴ Simpe lyangu abusyomesi bwachizuminano changu buyooba anguwe; azina lyangu uyooba muzundi. ²⁵ Ndiyoobika jaanza lyakwe ataala aalwizi ajaanza lyakwe lyalulyo ataala aamilonga. ²⁶ Uyooyita kulindime, 'Nduwe Taata wangu, Leza wangu, alimwi bbwe lyalufutuko lwangu.' ²⁷ Alubo ndiyoomubika kuba mbuli mwana wangu mulombe mutaanzi, uusumpwidwe kapati kubami benyika. ²⁸ Ndiyooyindilizya busyomesi bwachizuminano changu kulinguwe kwalyoonse; achizuminano changu kulinguwe chiyoobambikana. ²⁹ Ndiyoochita lunyungu lwakwe kuti lukakkale kwalyoonse alimwi chuuno chakwe chabwami chikakkalilile mbuli julu kumajulu. ³⁰ Na bana bakwe basiya mulawu wangu akuteenda mumalayilile angu, ³¹ na batyola milawu yangu akutabamba milawu yangu, ³² mpawo ndiyolaya bupapi bwabo ansamu abubi bwabo akubawuma. ³³ Pesi nsikoyoogwisya pe luyando lwangu kuzwa kulinguwe nikuba kubasyomeka kuchisyomezyo changu. ³⁴ Nsikoyootyola chizuminano changu nikuba kuchincha majwi aamilomo yangu. ³⁵ Lomwe kwalyoonse ndakonkezya abusalali bwangu - nsikoyoobeja kuliDevidi: ³⁶ lunyungu lwakwe luyookkala kwalyoonse achuuno chakwe chabwami mbuli zuba kunembo lyangu. ³⁷ Chiyooyimikizigwa kwalyoonse mbuli mwezi, kamboni uusyomekede kujulu.'' Sela ³⁸ Pesi wakakkaka; wakanyemena mwami wako wakananikwa. ³⁹ Wakasansa chizuminano chamulanda wako. Wakasowela aansi musini wakwe. ⁴⁰ Wakawisizya aansi malambo akwe woonse. Wakamwaka ziyubilo zyakwe. ⁴¹ Boonse bayinda aalinguwe bakamubbida. Wakaba chintu chakuseka kulibasimabambanwa bakwe. ⁴² Wakanyampula jaanza lyalulyo lyabasinkondonyina bakwe; wakachita basinkondonyina kuti babotelwe. ⁴³ Wakachita panga lyakwe kuti libule mulimu alimwi tewakamugwasya pe munkondo. ⁴⁴ Wakamaninsya buvubi bwakwe; wakawisizya aansi musini wakwe. ⁴⁵ Wakafwiinsya mazuba akwe abukubusi bwakwe. Wakamuvumba aabweeme. Sela ⁴⁶ Kukabe lili, Jehova? Uyoolisisa na kwalyoonse? Lunyemo lwako luyooyaka mbuli mulilo kuyoosika lili? ⁴⁷ O, yeeya kuti nchifwiifwi buti chiindi changu, alimwi wakalenga bantu kukubula mupundulo uulibuti! ⁴⁸ Ngwani uupona akutafwa, na kuvuna buumi bwakwe mwini kuzwa kujaanza lyaSyiyoli? Sela ⁴⁹ Mwami ilikuli milimu yako mitaanzi yabusyomesi bwachizuminano chako njiwakakonkezya kuliDevidi musimpe lyako? ⁵⁰ Koyeeya, Mwami, kuniakwa kwabalanda bako alimwi ambwebweza zisampi zyiingi kuzwa kumanyika. ⁵¹ Basinkondonyokwe balawaala zisampi, Jehova; baniaka ntaamo zyabananike bako. ⁵² Ngalongezegwe Jehova kwalyoonse. Ameni aAmeni.