¹ Kuli silutwe wabasikwiimba. Intembawuzyo ya Deviti. Ndiyoopa kulumba kuli Jehova amoyo wangu woonse; ndiyolumba nchito zyoonse zigambya. ² Ndiyokondwa akubotelwa muli nduwe; Nosumpukide Kwindilila! ³ Basinkondoma nibachebuka, balalebwa akuloba kunembo lyako. ⁴ Nkaambo wakwabilila kaambo kangu kaluleme; ukkala aachuno chako chabwami, mubetesi ululeme! ⁵ Wakakkalalila manyika; wabanyonyoona babi; walobya zina lyabo mane kukabe kutamani. ⁶ Sinkondo wakakkolomoka mbuuli matongo awo niwakazunda magunzi aabo. Kuyeyegwa kwabo koonse kwaloba. ⁷ Pesi Jehova mpali lyoonse; wakasimya bwami bwakwe mubululami. ⁸ Uyoyibeteka nyika abululami, alimwi uyobakosweda milandu yamanyika mukweelanisya kubotu. ⁹ Alimwi Jehova uyoba mpembezyo yabaabo badyamizigwa impembezyo muzyiindi zyamakatazyo. ¹⁰ Aabo balizi izina lyako balasyoma muli nduwe, nkaambo webo Jehova, tobatantamuki pe abo bakuyanduula. ¹¹ Amwiimbe ntembawuzyo kuli Jehova, oowo weendelezya mu Ziyoni; Mwambile manyika eezyo nzyakachita. ¹² Nkaambo Leza ulakkwichizya kutila kwabulowa ulayeeya; talubi pe kulila kwabaabo badyamizigwa. ¹³ Kondifwida luzyalo, Jehova bona mbendi dyamizigwa abaabo bandisula, webo nokonzya kundikwempa kumilyango yalufu. ¹⁴ Ikaaka, nindakonzya kwambilizya intembawuzyo yako yoonse. Mumilyango yamwana mwanakazi wa Ziyoni ndiyobotelwa mulufutuko lwako! ¹⁵ Inyika zyabbila ansi mudindi nzilyakasya; mawulu aabo ajatwa mukansabwe nkbakasisa. ¹⁶ Jehova walipa kuzibinkana; wabeteka; imubi weneenwa enchito zyakwe mwini. Selah ¹⁷ Ibabi balabwedezegwa akutolwa kuGehena, zyoonse nyika ziluba Leza. ¹⁸ Nkaambo babulide tabakoyolubwa pe lyoonse, nibuba bulangizi bwabaabo badyamizigwa tabukoyoopuuntwa pe kwalyoonse. ¹⁹ Buka, Jehova; utazumizyi muntu kuti akuzunde; inyika ngazibetekwe kunembo lyako. ²⁰ Bayoosye, Jehova; inyika ngazizibe kuti nga mbantu biyo. Selah