Kuli silutwe wabasikwiimba. Intembawuzyo ya Deviti. ¹ Jehova Mwami wesu, ino kubota zina lyako munyika yoonse mbizulwa. ebo nuyubununa bulemu bwako mumajulu aatala. ² Kuzwa mumubono wabana abavwanda wakasimya intembawuzyo nkaambo kabasinkondonyokwe, kuchitila kuti uwumuzye boonse basinkondo asikukkwichizya. ³ Nendilanga kujulu kumajulu aako, aayo aakachitwa aminwe yako, mwezi anyenyezi, nziwakabika muzilawo, ⁴ mbupatiinzi buli mubantu nobayeeya, niinzi loko nchobapeda? ⁵ Asi wakabaselezya bunini loko munsi lyabantu bakujulu alimwi wakabasamika bulemu abulumbu. ⁶ Umuchita kuti ayendelezye aatala azintu zyoonse munsi amawulu aakwe: ⁷ mbelele zyoonse abasune, alimwi nibaba banyama bamusokwe, ⁸ bayuni ba,mujulu, alimwi abaswi bamulwizi, zyoonse zyiinda mukukunka kwalwizi. ⁹ Jehova Mwami wesu, mbweebesiinzi oobu bwezina lyako munyika yoonse!