¹ Lwiimbo Deviti ndwakafula, oolo ndwakayimbila Jehova, akambo kamajwi aa Kkusyi mu Bbenjamayiti. Jehova Leza wangu, ndiyuba mulinduwe! Kondivuna kuli boonse banditandania, alimwi undiyokole. ² Kwataba boobo, balandijata balandikwamuna mbuli mulavu mbwachita, kundizapula mutumpanzi tumpanzi kakutakwe sikundeeta mubulondozi. ³ Jehova Leza wangu, na ndachita eechi, alimwi maboko aangu kajiisi mulandu - ⁴ na ndamuchitila bubi oyo wakkede muluumuno andime, na kumuchija sinkondoma, kataakwe kaambo, awo mvwa majwi aangu. ⁵ Mpawo leka sinkondoma andilyide buumi bwangu mane andiinde; ngalyatuuke buumi bwangu mulusuko. Selah ⁶ Nyampuka, Jehova, mubunyeme bwako; nyampuka uyimikizyanie abunyemi bwaba sinkondoma; buka nkambo kangu uchite twambo tululeme ooto ntuwakalayilila akambo kabo. ⁷ Inyika zyakubunganina; bweza alimwi lomwe biyo busena bwako mbubwelede kubiinda. ⁸ Jehova kozibeteka nyika; kondilwanina, Jehova, nkaambo ndiluleme alimwi nsikwe mulandu, Nosumpukide Kwiinda. ⁹ Inchito imbi zyabasizibi ngazisike kumamanino, pesi kobayaka bantu baluleme, Leza uululeme, iwebo nuusenuuka myoyo amiyeeyo. ¹⁰ Intobo yangu izwa kuli Leza, ooyo uvuna baluleme mumyoyo. ¹¹ Leza mubetesi ululeme, ngu Leza ubanyemenede babi buzuba abuzuba. ¹² Kuti muntu kateempwi, Leza ulanona ipanga lyakwe alimwi ulabaambila buta bwakwe inkondo. ¹³ Ubambila kubelesya zilwanisyo kumulwana; uchita kuti tuvwi twakwe tube tuvwi twandabi zyamulilo. ¹⁴ Koyeeya oyo uuminsi busofwazi, uuminta mabambe aabunyonyooni, uutumbuka bubeji buchisa. ¹⁵ Uusya dindi, linikide, mpawo awide mudindi ndyaasya. ¹⁶ Mabambe aakwe abunyoonyoni abweda kumutwe wakwe, nkaambo buluti bwakwe buboola amutwe wakwe mwini. ¹⁷ Ndiyoopa kulumba kuli Jehova nkaambo kakubeteka kwakwe kululeme; ndiyoyimba ntembawuzyo kuli Jehova Uusumpukide Kwinda.