Kumupati wabasikwimba. Intembawuzyo ya Devidi. ¹ Komvwa ijwi lyangu, Leza, swilila mukutongawuka kwangu; bamba buumi bwangu kuzwa kuli basinkondoma. ² Kondiyubika kuzwa kubuvwiyi bwabasizibi, kuzwa kulu pyopyongano lwabaabo bachita zibi. ³ Banona indimi zyabo mbuli mapanga; bafusa imivwi yabo; amajwi mabi, ⁴ kuchitila kuti bafuse baluleme kuzwa kumasena asisikene aabo; nkabela balafusa kuli nguwe alimwi tabayoowi chintu. ⁵ Balalisungwazya beeni mumakanze mabi; balawambuula chensiswa antomwe kuchitila kuti bateye tukole; balamba, ''Ngwani utakatubone?'' ⁶ Balavwima makanze mabi; ''Twamaninsya,'' balaamba,'' amuzezo uchenjede.'' Miyeeyo yamukati kamuntu amoyo ilinikide.'' ⁷ Pesi Leza ulobafusa mivwi yakwe; nkabela bayoyaswa amivwi yakwe. ⁸ Bayochitwa kuti bakalebwe, lino indimi zyabo beeni ziyobabukila; boonse batakababone bayobachija. ⁹ Boonse bantu bayoyoowa alimwi bayoluula milimo ya Leza. Bayoyeeya chakuchenjela atala anzyakachita. ¹⁰ Bululami kuyoba kusekelela atala a Jehova akuyuba muli nguwe; boonse baluleme mumyoyo bayolikkankayizya muli nguwe.