Kumupati wabasikwimba. Intembawuzyo ya Devidi. ¹ Nkambo lwako, Leza ulimu Ziyoni, intembawuzyo yesu ilakulindila; zikonkezyo zyesu ziyozuzikizigwa anduwe. ² Webo noswilila zikombyo, bantu boonse bayosika kulinduwe. ³ Zibi zyatuzunda; mbuli ndeyo zyesu, nduwe uyobalelekelela. ⁴ Uuli achoolwe muntu ngosala ngoyeta kuli nduwe kuchitila kuti akonzye kupona mumabuwa ako. Tuyokkutisikana abubotu bwang'anda yako, ntempele yako isalalisya. ⁵ Mubululami uyotuvwiila akuchita zintu zigambya, Leza walufutuko lwesu; nduwe bulangizi bwamagolelo woonse anyika aababo bali mutala lyalwizi. ⁶ Nkambo nduwe wakachita malundu asimpikizigwe, nduwe nosamide nguzu. ⁷ Nduwe nowumuzya kuvuluma kwalwizi, akuvuluma kwamayuuwe, aa lupyopyongano lwa bantu. ⁸ Abo bakkala kumagolelo aanyika balayowa nkambo kazitondezyo zyamilimo yako; Nduwe nochita kujwe akumbo kusekelela. ⁹ Ulaswaya kuzogwasya nyiika; nduwe notilila nyika; ulibotya loko; mulonga wa Leza ulizwide amanzi; ulabapa zilyo elyo ngwakayibamba nyiika. ¹⁰ Nduwe notilila minkononomba chakwindilila; ulachita ansi munkononomba yamibundo; nduwe uyibombya akuuwa kwemvula; ulayipa choolwe akusyuusya akkati kayo. ¹¹ Ulazwatika munsini munyaka abubotu bwako, a ngoolo zilakunka chakufwasuka. ¹² Machelelo amunkanda alaswenka luume, azilundu zilasamikwa alukondo. ¹³ Machelelo alisamikidwe abutanga; amimpata ayilayo ilivumbidwe amayila; alompololo chalukondo alimwi akwimba.