Chaandano 47
Yamupati wabasikwiimba. Intembawuzyo yabana balombe baKkola.
1
Amukambilile maboko enu, moonse nobantu; amoompolole kuli Leza amusindo wakuzunda.
2
Nkaambo Jehova Simajulu ulayoosya; Mwami mupati aatala aanyika yoonse.
3
Ulazunda bantu bali aansi lyesu amasi aansi lyamwulu eesu.
4
Ulatusalila lukono lwesu, bulemu bwaJakkobbu ooyo ngwakayanda. Sela
5
Leza wayinka kujulu aloompololo, Jehova amusindo wamweembo.
6
Mwiimbe ntembawuzyo kuliLeza, mwiimbe ntembawuzyo kuMwami wesu, mwiimbe ntembawuzyo.
7
Nkaambo Leza Mwami aatala lyanyika yoonse; mwiimbe ntembawuzyo akumvwisisisya.
8
Leza uleendelezya aajulu lyamanyika woonse; Leza ulikkede aachuuno chakwe chisalala.
9
Bami babantu balibungene antoomwe kunembo lyabantu kuliLeza waAbbulahamu; nkaambo ntibi zyanyika zizwa kuliLeza; ulisumpwidwe kapati.