Yamupati wabasikwiimba. Intembawuzyo yabana balombe baKkola; kuli Alamoth. Lwiimbo. ¹ Leza nchiyubilo anguzu zyesu, lugwasyo luliwo muchiindi chamapenzi. ² Aboobo tatukoyooyowa, nikuba nyika yasanduka, nikuba zilundu zyazungaanisigilwa aakati kalwizi, ³ nikuba maanzi aalo avuuma akukopana, alimwi nikuba zilundu zyateketa akufutumuka kwazyo. Sela ⁴ Kuli mulonga uuli aatulonga tubotezya dolopo lyaLeza, busena busalala ooko Simajulu nkwakkala. ⁵ Leza uli aakati kawo; tuukoyoozunganisigwa pe; Leza uyowugwasya alimwi uyozichita eezyo kumachedo. ⁶ Masi akateketa alimwi maami akazungaanisigwa; wakanyampula jwi lyakwe, alimwi nyika yakayeemuka. ⁷ Jehova wamakkamu uli aandiswe; Leza waJakkobu nchiyubilo chesu. Sela ⁸ Muboole, mubone nchito zyaJehova, lunyonyooko ndwaachita aanyika. ⁹ Uchita kuti nkondo imane kusikila kumamanino aanyika; ulatyola kavwi akutyoloola sumu muzibbimfu; ulatenta ntibi. ¹⁰ Amuumune muzibe kuti ndime Leza; ndiyoonyampulwa aakati kamanyika; ndiyoonyampulwa aanyika. ¹¹ Jehova wamakkamu uli aandiswe; Leza waJakkobu nchiyubilo chesu. Sela