Yamupati wabasikwiimba. Intembawuzyo yabana balombe baKkola. Malembe. Lwiimbo lwa luyando. ¹ Moyo wangu ulafwasuka amakani mabotu; ndiyoobala chakoompolola majwi angu ngindakabambila aatala amwami; lulimi lwangu nchilembyo chamulembi uulibambilide. ² Uleebeka kwiinda bana bamisyobo yoonse; luzyalo lulitilidwe amilomo yako; abobo tulizi kuti Leza wakakulongezya kwalyoonse. ³ Bika panga lyako kulubazu, sintaze, mubulemu amubupati bwako. ⁴ Munguzu zyako koyabuzunda akaambo kakusyomeka kwako, kulibombya amubululami; janza lyako lyalulyo liyooyisya zintu ziyoosya. ⁵ Tuvwi twako tulabosya; bantu balawa munsi lyako; tuvwi twako tuli mumyooyo yabasinkondonyina bamwami. ⁶ Chuuno chako, Leza, nchalyoonse alyoonse; mufunko wabululami mufunko wabwami bwako. ⁷ Wayanda bululami alimwi wasula bubi; aboobo Leza, Leza wako, wakunanika amafuta aalukondo kwiinda benzinyokwe. ⁸ Zikobela zyako zyoonse zinunkilila mu mili, ma alo ama akkasiya; kuzwa mumaanda abwami bwa ayivoli, tuntimbwa twakubotezya. ⁹ Bana basimbi baBami bali aakati kabanazi balemekeka; kujanza lyako lyalulyo kuliimvwi mwami mwanakazi uuzweete ngolide yaOfe. ¹⁰ Swiilila, yomwana musimbi, langisisya akuchenjekezya kutwi kwako; koluba bantu bakulindinywe aluzubo lwawuso. ¹¹ Mulieeyi nzila mwami uyoyandisya kweeba bubotu bwako; ngusimalelo wako; mulemeke. ¹² Mwana musimbi mwaTaya unoliwo azipo; bavubi aakati kabantu bayookumbila luzyalo lwako. ¹³ Mwana musimbi wamwami mung'anda yamwami wazula bulemu; zizwaato zyakwe zyakachitwa angolide. ¹⁴ Uyotolwa kumwami kali muchizwaato cheebesi chamibala iisiyene; banakalindu beezinyina bamutobela, bayoyetwa kulinduwe. ¹⁵ Bayozulwidwa alukondo akubotelwa; bayoonjila mung'anda yamwami. ¹⁶ Mubusena bwamawuso kuyooba bana bako, aabo mbotakachite bana babami mjunyika yoonse. ¹⁷ Ndiyoochita zina lyako kuti likayeeyegwe kumazyalani woonse; aboobo bantu bayokupa kulumba lyoonse alyoonse.