Yamupati wabasikwiimba, yaJedutani. Intembawuzyo yaDeviti. ¹ Ndakasala, ''Ndiyoolangisisya eezyo nzyewamba kuchitila kuti nsikabisyi alulimi lwangu. Ndiyoojala mulomo wangu nensinooli aakati kabantu bantu.'' ² Ndakuumuna; ndkalondola majwi angu nikuba kukwaamba chintu chibotu, alimwi machise angu akakomenesya. ³ Moyo wangu wakapya; nindakayeeya aatala azintu eezi, wakayaka mbuli mulilo. Mpawo kumamanino ndakaambuula. ⁴ ''Jehova, ndizibye kuti ndiilili nikuyooba mamanino abuumi bwangu amweelwe wamazuba angu. Nditondeezye mbweli muteteete. ⁵ Bona, wachita mazuba angu buyo busasa bwajaanza lyangu, alimwi chiindi chabuumi bwangu chili mbuli chintu chabuyo kunembo lyako. Nchobeni muntu woonse ngwabuyo. Sela. ⁶ Nchbeni muntu woonse uleendenda mbuli mweenzule. Nchobeni muntu woonse ulafwambaana kubungika buvubi nikuba kuti tabazi ooyo utakazitambule. ⁷ Lino, Mwami, ndilindideenzi? Nduwe kulangilila kwangu luzutu. ⁸ Kondivuna kuzwa kuzibi zyangu; undandichiti nsesya yabafubafuba. ⁹ Ndiluumwide alimwi tandikonzyi kujula mulomo wangu, akaambo kakuti nduwe wazichita. ¹⁰ Koyimikila kundichita zilonda; ndakataazigwa azyuumyo zyajaanza lyako. ¹¹ Eelyo nolulamika bantu akaambo kachibi, ulalya zintu nzibayanda mbuli pempe; nchobeni boonse bantu balichintu chitawo pe pesi busi. Sela ¹² Komvwa nkombyo yangu, Jehova, alimwi koswiilila kulindime; swiilila kukulila kwangu! Utabi chuungutwi kulindime, nkaambo ndili mbuli muzwakule, simutuntuli mbuli kwakali boonse basinsiku bangu. ¹³ Utandilangisisyi nkokuti ndikamwemwetele limbi nkesinaafwa.''