Intembwuzyo yaDeviti, yakweeta chiyeezyo. ¹ Jehova, utandilayi mukunyema kwako; utandisubuli mubukali bwako. ² Nkaambo mivwi yako ilandiyasa, akuboko kwako kunditontela aansi. ³ Mubili wangu woonse ulachiswa akaambo kakunyema kwako; takwe kupona kabotu mumafuwa aangu akaambo kachibi changu. ⁴ Nkaambo zibi zyangu zyandibbizya; mutolo mulemu loko kulindime. ⁵ Zilonda zyangu zyatabukilwa alimwi zyanunka akaambo kazibi zyangu zyabufubafuba. ⁶ Ndoongomene loko alimwi ndafwisigwa nsoni mazuba woonse; ndalila buzuba boonse. ⁷ Nkaambo mukati kangu, ndilikupya akukankama; takw kupona kabotu munyama yangu. ⁸ Ndili aachinywi alimwi ndilipwachwiidwe; ndilamimila akaambo kakulila kwamoyo wangu. ⁹ Mwami, ulamvwisisisya njandisyo zinikide zyamoyo wangu, akumimila kwangu ndakusisidwe pe kuzwa kulinduwe. ¹⁰ Moyo wangu uluumisya, nguzu zyangu zilamana, alimwi kubona kwamenso aangu kuladimaana. ¹¹ Beenzuma ambeenda aabo balanduusa akaambo kachiimo changu; basimayakilane bangu balandisosoloka. ¹² Aabo bayanduula buumi bwangu banditeya tukkole. Aabo bayanduula kundichisa baambuula majwi aalunyonyoono akwaamba majwi aalweeno buzuba boonse. ¹³ Pesi mebo, ndili mbuli muntu uutamvwi kumatwi akutamvwa chintu; ndili mbuli muntu uutambuuli utakwenchawamba. ¹⁴ Ndili mbuli muntu uutamvwi alimwi uutakwe nsandulo. ¹⁵ Kasimpe ndilakulindila webo, Jehova; ulasandula, Mwami Leza wangu. ¹⁶ Ndamba eechi kuti basinkondoma batandiseki. Na kuulu kwangu kwayadalika, bayochita zintu zibi kulindime. ¹⁷ Nkaambo ndaamba kuligubbula, alimwi ndili mumachise lyoonse. ¹⁸ Ndilazumina bubi bwangu; ndalikataazya achibi changu. ¹⁹ Pesi basinkondoma mbiingi loko; aabo bandisula chakubisya mbiingi loko. ²⁰ Bandiboozezya bubi kububotu; banditamikizya milandu nikuba ndakatobela zibotu. ²¹ Utandisiyi, Jehova; Leza wangu, utakkali kule kuzwa kulindime. ²² Sika kufwambaana uzondigwasye, Mwami, lufutuko lwangu.