Intembawuzyo yaDeviti. ¹ Mutalipenzyi akaambo kabasimuchitazibi; mutabi ebbivwe akaambo kababo bachita zitaluleme. ² Nkaambo balapusama kufwambana mbuli masokwe alimwim balayuma mbuli mweemvwe. ³ Syoma muliJehova alimwi uchite zibotu; kkala munyika alimwi ukachele mukusyomeka. ⁴ Mpawo ukalibotezye muliJehova, alimwi uyookupa chiyandisyo chamoyo wako. ⁵ Peda nzila zyako uliJeova; syoma kulinguwe alimwi uyoochita kayiminina nduwe. ⁶ Uyooyubununa bululami bwak mbuli mumuni wasikati akoololoka kwako mbuli aakalangabwaasame. ⁷ Libatamike kunembo lyaJehova akumulindila chakulibatamika. Utanyemi na umwi wazwidilila kulinzyachita, na nakanza milimu mibi. ⁸ Utanyemi akuba aabukali. Utalikataazyi. Eechi chichita biyo penzi. ⁹ Basimuchita zibi bayonyonyoonwa, pesi aabo balindila Jehova bayookona nyika. ¹⁰ Muchiindi chiniini sizibi uyobulika; uyolanga kunyika yakwe, pesi unoli wiinka. ¹¹ Pesi babombe bayookona nyika alimwi bayobotelwa mukuzwidilila kuati. ¹² Sizibi ukanza bubi aatala awululeme alimwi umulumina ntwino mubukali atala anguwe. ¹³ Mwami ulamuseka, nkaambo ulibwene kuti buzuba bwakwe buyobuza. ¹⁴ Basizibi basomona mapanga aabo alimwi bateya tuvwi kuti bawisizye aansi badyaamizigilwe ababula, kujaya aabo baluleme. ¹⁵ Mapanga aabo ayooyasa myoyo yabo beni, alimwi tuvwi twabo tuyootyoka. ¹⁶ Nzibotu ziche uululeme nzyali aazyo kwiinda zyiingi basizibi nzibali aazyo. ¹⁷ Nkaambo maboko aabasizibi ayootyololwa, pesi Jehova ulakwabilila bantu baluleme. ¹⁸ Jehova ulabalingula baluleme buzuba abuzuba, alukono lwabo luyooba lyoonse. ¹⁹ Tabakoyowusigwa nsoni muzyiindi zibi. Eelyo nikuyooba bbalangwe, banooli aachakulya chiingi. ²⁰ Pesi bantu babi bayooloba. Basinkondonyina baJehova bayooba mbuli bulemu bwamachezezyo; bayooloba akumaninina mubusi. ²¹ Muntu mubi ulakweleta pesi taboozyi pe, pesi muntu uululeme ngusiluzyalo alimwi ulapa. ²² Aabo bakalongezegwa aLeza bayookona nyika; aabo bakatukwa anguwe bayoonyonyoonwa. ²³ NguJehova uyimika ntaamo zyamuntu, muntu ooyo wenzila zibotezya kunembo lyaLeza. ²⁴ Nikuba waligubbula, takoyoowida aansi pe, nkaambo Jehova ulimujisis aluboko lwakwe. ²⁵ Ndakali muniini lino ndakomena; nsinaabona muntu uululeme kasiigwa na bana bakwe kabakumbila chinkwa. ²⁶ Zuba lyoonse ngusiluzyalo alimwi ulakweletisya, abana bakwe baba chilongezyo. ²⁷ Zwa kuchibi alimwi uchite bubotu; mpawo uyoobambikana lyoonse. ²⁸ Nkaambo Jehova uyanda bubotu alimwi tabasiyi basyomekede bakwe. Balibambidwe lyoonse, pesi lunyungu lwababi luyoonyonyooka. ²⁹ Baluleme bayookona nyika akuyookkala mulinjiyo kwalyoonse. ³⁰ Mulomo wamuntu uululeme waambbula busongo akuyungizya kululama. ³¹ Mulawu waLeza wakwe uli mumulomo wakwe; mawulu akwe takwe mutezi. ³² Muntu mubi uyubilila uululeme akuyanduula kumujaya. ³³ Jehova takoyoomusiya pe muluboko lwasizibi na kumupa mulandu aawo nayobetekwa. ³⁴ Lindila Jehova akubamba nzila yakwe, alimwi uyokunyampula kuti akakupe nyika. Uyoobona aawo basizibi nibatakanyonyooke. ³⁵ Ndabona basizibi amuntu uyoosya nkayanzabuka mbuli musamu wakamweemvwe uuli mumuseele wawo . ³⁶ Pesi nindakazoyinda lubo, takaliwo pe. Ndakamuyanduula pesi takali kujanika pe. ³⁷ Langisisya muntu uulemekeka, alimwi langa baluleme; kuli lyejunza bbotu kumuntu waluumuno. ³⁸ Basizibi bayonyonyoonwa chakumaninina; lyejunza lyamuntu mubi lyagozegwa. ³⁹ Lufutuko lwabaluleme luzwa kuliJehova; ulabakwabilila muzyiindi zyamapenzi. ⁴⁰ Jehova ulabagwasya akubavuna. Ulabavuna kuzwa kubantu babi akubafutula akaambo kakuti bakayuba mulinguwe.