Kumupati wabasikwiimba. Intembawuzyo yaDeviti mulanda waJehova. ¹ Muntu mubi waambuula kubisya kwake kuzwa mukati kamoyo wakwe, takwe kuyowa Leza mumenso akwe. ² Nkaambo ulalyuumbulizya mwini, nkayeya kuti kubisya kwakwe takukoyooboneka akuyoosulwa. ³ Majwi akwe alisofweede alimwi alimwi aleeneena; tayandi kuba musongo akuchita zibotu. ⁴ Aawo nalede aabulo ubamba nzila zyakubisya; ulalibambila nzila mbi; takakili chibi. ⁵ Busyomesi bwachizuminano chako, Jehova, bulasika kumajulu; kusyomeka kwako kulasika kumayoba. ⁶ Buliulami bwako buli mbuli zilundu zyaLeza; kubeteka kwako kuli mbuli kunika kupati. Jehova, ulakwabilila bantu abanyama. ⁷ Mbubotu biyeni busyomesi bwachizuminano chako, Leza! Bantu bajan lukwabililo munsi lyacheenzule chamababa aako. ⁸ Balalya kuzwa mubwiingi bwang'anda yako; ulabaleka kuti banywe kuzwa kumulonga walukondo lwako. ⁹ Nkaambo kulinduwe kulikasensa kabuumi; mumumuni wako tuyoobona mumuni. ¹⁰ Yungizya busyomesi bwachizuminano chako mubuzule kuli baabo bakwizi, lukwabililo lwako kubaluleme myoyo. ¹¹ Utalekeli kuulu kwasilupyopyongano kusike afwifwi andime. Utalekeli kuboko kwawusofweede kunditole kule. ¹² Mutala eeliya busimuchita zibi bawa; bawuminwa aansi alimwi tabakonzyi kuyoobuka.