¹ Intembawuzyo ya Davida. Nkalizyo. Uli achoolwe ulekelelwa milandu yakwe, uvumbilwa zibi zyakwe. ² Uli achoolwe oyo muntu Jehova ngwatabiki kaambo alimwi utajisi lweeno mumuuya wakwe. ³ Nindaka wumwide biyo, mafuwa angu akali kuya bumana ndakali kutongela buzuba boonse. ⁴ Nkambo isikati amansiku janza lyako lyakandilemena. Mubili wangu wakayuminina mbuli chilimo chanzala. Sela ⁵ Elyo ndakalyambwida chibi changu kuli nduwe, tendakasisa bubi bwangu. Ndakati, ''Nkondyambawide milandu yangu kuli Jehova,'' Elyo wakandilekelela milandu yangu. Sela ⁶ Nkambo kazezi baluleme boonse bakombe kulinduwe. Chiindi chamapenzi. Nayopaya manzi manji, matakoyosika kuli mbabo. ⁷ Nduwe mayubilo angu; uyondivuna kumapenzi. Ulandizyungulusya anyimbo zyalufutuko. Sela ⁸ Njokulaya akukutondezya nzila njoyelede kutola. Njokulaya akukubikka linso lyangu alinduwe. ⁹ Mutabi mbuli ndonki pe naa imbongolo, itamvwisisisyi pe; zyelede kubikilwa tuzumbo kumulomo akuuma kuti zilulame akwinka nkoyanda kuti ziye. ¹⁰ Basizibi balijisi mapenzi manji, pele Jehova muchizuminano akusyomeka uyozyunguluka abo basyoma mulinguwe. ¹¹ Amukondwe muli Jehova, akubotelwa, inywebo nobaluleme; amupululuzizye kubotelwa, nyoonse nomululememumyoyo.