Intembawuzyo; lwimbo lwakusalazya ntempele. Intembawuzyo ya Davida. ¹ Njokusumpula, Jehova, nkambo wandinyampula akutazumizya basinkondoma kundisekelela. ² Jehova Leza wangu, ndakkwilila nduwe kuti undigwasye, elyo wakandiponia. ³ Jehova wagwisya muuya wangu kuzwa mukabanda; wandibamba akupona kuzwa kukwinka mukabanda. ⁴ Amutembawule Jehova, nywebo nobasyomesi bakwe! Amupe kulumba nomwibaluka busalali bwakwe. ⁵ Nkambo bukali bwakwe mbwakayindi buyo; pele luse lwakwe talweli mazuba woonse. Mansiku kolikukwila pele kukondwa kulaza chifumo. ⁶ Mukulyiiba ndakati, ''Nsikoyo sunszulusigwa.'' ⁷ Jehova, muluse lwako wandimukizya achilundu chiyumu; pele mwakasisa busyu bwako, ndakapenga. ⁸ Ndakakwilila nduwe, Jehova, akuli kumbilila luse kuzwa kumwami wangu! ⁹ Nimpinduunzi ili mulufu lwangu, kuti ndayinka ansi mukabanda? Sa bulongo bukonzya kukutembawula? Sa bulakonzya kwaamba kusyomeka kwako? ¹⁰ Swilila, Jehova, alimwi kondifwida luzyalo mebo! Jehova, ube mugwasyi wangu. ¹¹ Wasandula kukwila kwangu kuba kuzyana; wagwisya zyakusama zyamasaka akundisamika lukondo. ¹² Lino bulemu bwangu buyoyimba ntembawuzyo kuli nduwe akutaleka; Jehova, Leza wangu, ndiyopa kulumba kwalyoonse!