Intembawuzyo ya Davida. ¹ Amupe Jehova, nywebo nobana ba Leza, amupe Jehova bulemu a nguzu! ² Amupe Jehova bulemu bwelede zina lyakwe. Amukotamine Jehova mubwebesi busalalisya! ³ Ijwi lya Jehova lyamvwigwa atala amanzi; Leza wabulemu ulandindiima, Jehova wandindima atala amanzi manji. ⁴ Ijwi lya Jehova lilanguzu; ijwi lya Jehova lili abulemu. ⁵ Ijwi lya Jehova lilatyolola ma sidazi a Lebbanoni. ⁶ Ulasotosya chilundu cha Lebbanoni mbuli munamani antomwe a Siliyoni mbuli munkabe munini. ⁷ Ijwi lya Jehova lilatuma mulilo. ⁸ Ijwi lya Jehova lilazungania inkanda; Jehova ulazungania inkanda ya Kkadesyi. ⁹ Ijwi lya Jehova lilatyuolola mibanga akuzungania lusaka. Muntempele yakwe boonse bati, ''Alemekwe!'' ¹⁰ Jehova ulakkala mbuli mwami atala azambangulwe; Jehova ulakkala mbuli mwami kwalyoonse. ¹¹ Jehova ulapa nguzu kubantu bakwe; Jehova ulalongezya bantu bakwe aluumununo.