Intembawuzyo ya Davida. ¹ Kulinduwe, Jehova, Ndakwilila; mwaala wangu, utandifutatili. Kuti tewandivwiila, ndiyotobela aabo baya ansi mukabanda. ² Swilila ijwi lyakukumbila kwangu nenjiita akukumbila lugwasyo kuli nduwe, nentambika maanza aangu kubusena bwako busalalisya! ³ Utandikweli antomwe abasizibi, aabo bachita bubi, baamba chaluumuno kubeenzinyina pesi balijisi bubi mumyoyo yabo. ⁴ Kobapa bulumbu bwelede milimu yabo alimwi kababwedezya bubi bwelede nchito zyabo; kobabwedezya mbubonya mbuli milimu yamaanza aabo alimwi ubabwedezye nchibelede. ⁵ Nkaambo taba mvwisisisyi milimo ya Jehova na milimo yamanza akwe, ulabanyonyoona alimwi takwepe nayobayakulula. ⁶ Alumbwe Jehova nkambo wamvwa ijwi lyakukumbila kwangu! ⁷ Jehova ninguzu zyangu alimwi nintobo yangu; moyo wangu usyoma mulinguwe, abobo ndagwasigwa. Aboobo moyo wangu wakondwa kapati, aboobo ndamutembvawula akwiimba. ⁸ Jehova ninguzu zyabantu bakwe, alimwi ndufutuko lwamayubilo amunanike wakwe. ⁹ Futula bantu bako alimwi longezya lukono lwako. Ba mwembeli wabo akubabukata lyoonse.