Intembawuzyo ya Devidi. ¹ Ndibeteka Jehova, nkambo ndakenda mukululama; Ndasyoma muli nduwe Jehova chakumaninina. ² Kondilanga langa, Jehova, alimwi undisunke; sunka busalali bwazizo zyangu zyamukati amoyo wangu! ³ Nkambo kakusyomeka kwachizuminano chako chilikunembo amenso aangu lyoonse, alimwi ndayenda mukusyomeka kwako. ⁴ Nsivwelani abasilweeno, nikuba kunjilaana abantu batasyomeki. ⁵ Ndilasula mbunga zyaba simuchita zibi, alimwi nsikkali abasizibi. ⁶ Ndasamba maanza angu mukutaba amulandu, alimwi ndazyunguluka chipayililo chako, Jehova, ⁷ Kwiimbisya inyimbo zyantembawuzyo akwamba milimo yako yoonse igambya mipati. ⁸ Jehova, Ndilayanda ng'anda njokkala, mbusena oko bulemu bwako nkobukkala! ⁹ Utandikukuli antomwe abasizibi nikuba buumi bwangu abantu batila bulowa, ¹⁰ mumaanza aabo kuli mabambe alimwi, alimwi mujanza lyalulyo kuzwide nsinkamulomo. ¹¹ Pesi mebo, Ndiyoyenda mukululama; ndinuna akuba abuuya kuli ndime. ¹² Kuulu kwangu kwimvwi abusena butandabete; Mumbunga Ndiyolongezya Jehova!