¹ Mutembawule Jehova. Mupe kulumba kuliJehova, nkaambo mubotu, `nkaambo busyomesi bwachizuminano chakwe mbwalyoonse. ² Ngwani ukonzya kubala lubo milimu mipati yaJehova na kwaamba mubuzule milimu yakwe yentembawuzyo? ² Jehova uyojata musako wabwami bwamanguzu ako kuzwa ku Ziyoni; yendelezya akati kaba sinkondonyokwe. ³ Bantu bako bayokutobela muzikobela zisalala mukuyanda kwabo mubuzuba bwamanguzu aako; kuzwa mwida lyakubuchedo bakubusi bako bayoba mbuli lume. ³ Balilongezegelwe aabo bachita zilikabotu, aabo bali aanchito ziluleme lyoonse. ⁴ Amukandiyeeye, Jehova, aawo noyoobafwida nsoni bantu bako; ndigwasye aawo noyoobafutula. ⁵ Mpawo ndiyoobona kuzwidilila kwabasale bako, botelwa mulukondo lwenyika yako, alomwi ulemekwe alukono lwako. ⁴ Jehova wakonkezya, alimwi takosanduka; ''Ulimupayizi kwalyoonse, mbubonya mbuli Melekizedeki.'' ⁵ Leza ulikujanza lyako lyaku chilisyo. Uyojana baami mubuzuba bwabukkali bwakwe. ⁶ Uyobeteka zisi; uyozuzya masena akulwanina amitunta; uyojaya bazululi mumanyika manji. ⁶ Twakabisya mbuli basikale besu; twakabisya, alimwi twakachita bubi. ⁷ Bamataata tebakalumba pe milimu yako mibotu muIjipiti; bakawunduuzya kumilimu yako myiingi yabusyomesi bwachizuminano chako; bakakupapa kulwizi, Lwizi lwaMatete. ⁷ Unoyonywa mukalonga kumbali amugwagwa alimwi uyonyampula mutwe wakwe kujulu azwa kuzunda. ⁸ Nikubaboobo, wakabafutula akaambo kazina lyakwe kuchitila kuti atondeezye manguzu akwe. ⁹ Wakakalila Lwizi lwaMatete, alimwi lwakayuminina. Mpawo wakabazulwida mulindulo, mbuli muchimpayuma. ¹⁰ Wakabafutula kujaanza lyabaabo bakali kubasula, alimwi wakabawunununa kuzwa kujaanza lyasinkondo. ¹¹ Pesi maanzi akavumba basinkondonyina babo; takwe naba womwe wakapona. ¹² Mpawo bakasyoma majwi akwe, alimwi bakayimba ntembawuzyo yakwe. ¹³ Pesi chakufwambana bakaluba nzyakachita; tebakalindila malayilile akwe. ¹⁴ bakaba enkosya mpati muchimpayuma, alimwi bakasunka Leza munkanda. ¹⁵ Aboobo wakabapa nchibakali bakumbila, pesi wakatuma chilwazi chikali aalimbabo. ¹⁶ Kumusasa bakaba ebbivwe kuliMozesi aAloni, bapayizi basalala baJehova. ¹⁷ Nyika yakajulika yamena Datani alimwi yavumba batobeli baAbbilamu. ¹⁸ Mulilo wakatenta aakati kabo; mulilo wakamena basizibi. ¹⁹ Bakachita ching'ombe kuHolebbu alimwi bakomba chitombe chabutale chakabumbidwe. ²⁰ Bakawuzya bulemu bwaLeza kuchikozyanio chamupule uulya masokwe. ²¹ Bakaluba Leza Mufutuli wabo, wakachita milimu mipati muIjipiti. ²² Wakachita zintu zigambya munyika yaHemu amilimu yanguzu kuLwizi lyaMatete. ²³ Aboobo wakatedi uyakubanyonyoona - kakutali kuti Mozesi, musale wakwe, wakiimikila kunembo lyakwe, kugwisya lunyemo lwakwe kukubanyonyoona. ²⁴ Mpawo bakasampawula nyika iizyalisya; tebakasyoma chisyomezyo chakwe, ²⁵ pesi bakang'ung'una mumatente aabo, alimwi tebakalemeka Jehova. ²⁶ Nkinkaako wakabusya jaanza lyakwe alimwi wakonka kulimbabo kuti uyoobaleka kuti bakafwe munkanda, ²⁷ akamwaye lunyungu lwabo aakati kamanyika, akabamwaye mumanyika aabamazwakule. ²⁸ Bakakomba Bbaalu waPiyo alimwi bakalya zipayizyo zyakapayililidwe kubafu. ²⁹ Bakamubusizya kunyema kubukali anchito zyabo, alimwi dwazi lyakaba aakati kabo. ³⁰ Mpawo Finihasi wakabuka wanjilila, alimwi dwazi lyakamana. ³¹ Zyakabalwa kulinguwe kayili nchito iisalala kumazyalane woonse kwalyoonse. ³² Alubo bakanyemya Jehova kumaanzi aakuMelibba, alimwi Mozesi akachiswa akaambo kabo. ³³ Bakachita kuti Mozesi abijilwe, alimwi wakaambuula chabukali. ³⁴ Tebakanyonyoona manyika mbuli Jehobva mbaakabalayililide, ³⁵ pesi bakanjilana amanyika akwiiya nzila zyabo ³⁶ alimwi bakakomba zitoombe zyabo, eecho chakaba kakkole kulimbabo. ³⁷ Bakapeda bana babo balombe abasimbi kumyuuya mibi. ³⁸ Bakatila bulowa butakwe mulandu, bulowa bwabana babo balombe abasimbi, aabo mbibakapeda kuzitoombe zyaKkenani, kubisya nyika abulowa. ³⁹ Bakasofwaazigwa aamilimu yabo; munchito zyabo bakali mbuli basimamambe. ⁴⁰ Aboobo Jehova wakanyemena bantu bakwe, alimwi wakakaka bantu bakwe. ⁴¹ Wakabapa kumaanza aamanyika, alimwi aabo bakalikubasula bakabeendelezya. ⁴² Basinkondonyina bakabasyonsya, alimwi bakeendelezegwa abweendelezi bwabo. ⁴³ Zyiindi zyiingi wakali kusika kuzoobagwasya, pesi bakiinkilila anembo akupapa alimwi bakaboozegwa aansi azibi zyabo. ⁴⁴ Nikubaboobo, wakaswiilila kufwaba kwabo aawo naakamvwa kulila kwabo kwalugwasyo. ⁴⁵ Wakayeeya chizuminano chakwe ambabo alimwi wakabalekelela akaambo kaluyando lwakwe lwiimvwi nji. ⁴⁶ Wakachita bazundi babo kuti babe aluzyalo kulimbabo. ⁴⁷ Tufutule, Jehova, Leza wesu. Tubunganie kuzwa kumanyika kuchitila kuti tukape kulumba kuzina lyako lisalala akupa bulemu muntembawuzyo zyako. ⁴⁸ Ikaka Jehova, Leza waIzilayeli, ngakatembawulwe kwalyoonse alyoonse. Boonse bantu bakati, ''Ameni.'' Mutembawule Jehova.