Nkombyo yawupengede muchiindi nawizukide akulila kwakwe kunembo lyaJehova. ¹ Mvwa nkombyo yangu, Jehova; mvwa kulila kwangu kulinduwe. ² Utandisisili busyu bwako muchiindi chamapenzi angu. Kondiswiilila nindikwiita, fwambana kundisandula. ³ Nkaambomazuba angu alayinda mbuli busi, alimwi mafuwa angu alawumpa mbuli mulilo. ⁴ Moyo wangu ulipwayidwe, alimwi ndaba mbuli bwizu bwakapusama. Ndilaluba kulya kufumbwa chilyo. ⁵ Akutongawuka kwangu kwiinklila nembo, ndakotela lokmo. ⁶ Ndaba mbuli chamugogoma wamunkanda; ndaba mbuli polo wamumatongo. ⁷ Ndoona bulanga mbuli kayuni kali aakalike, akalike ansonge yang'anda. ⁸ Basinkondoma balandisampawula buzuba boonse; aabo bandiniaka babelesya zina lyangu muntuko. ⁹ Ndilya dota mbuli chinkwa alimwi ndilavwelania chakunywa changu amisozi. ¹⁰ Nkaambo kabukali bwako buyoosya, wakandinyampula kujula kuti undiwisizye aansi. ¹¹ Mazuba angu ali mbuli mwenzule umana, alimwi ndapusama mbuli bwizu. ¹² Pesi webo, Jehova, upona lyoonse, alimwi mpuwo yako njamazyalane woonse. ¹³ Uyoonyampuka akufwida Zayoni luse. Lino nchechiindi chakumufwida luse; chiindi chisalidwe chasika. ¹⁴ Nkaambo balanda bako bajata mabwe aakwe mabotu akuba aaluzyalo lwalusuko lwamumatongo aakwe. ¹⁵ Zisi ziyoolemeka zina lyako, Jehova, alimwi bami boonse baansi bayolemeka bulemu bwako. ¹⁶ Jehova uyooyakulula Zayoni akuyooboneka mubuemu bwakwe. ¹⁷ Kuchiindi eecho, uyovwiila kunkombyo zya wusweekede; takwe nayokaka pe nkombyo zyabo. ¹⁸ Eechi chiyolembwa kuchitila mazyalane aachiza, alimwi bantu batanaazyalwa bayomutembawula Jehova. ¹⁹ Nkaambo walanga aansi kuzwa kumajulu aasalala; kuzwa kujulu Jehova wakalanga nyika, ²⁰ kuti amvwe kutongooka kwabaange, kuti akaangunune aabo bakatongeledwe lufu. ²¹ Mpawo baalumi bayolumba zina lyaJehova muZayoni akumutembawula muJelusalemu ²² eelyo bantu amami nibayobungana aantomwe kukubelekela Jehova. ²³ Wakabweza nguzu zyangu kuzwa kulindime aakati kabuumi. Wakafwiinsya mazuba angu. ²⁴ Ndakaamba kuti, ''Leza wangu, utandigwisyi aakati kabuumi; uliwo mumazyalane woonse. ²⁵ Muzyiindi zyakale wakabika nyika mubusena; majulu milimu yamaanza aako. ²⁶ Bayoloba, pesi webo unoliwo; bayoochembaala boonse mbuli chikobela; mbuli chizwaato, uyobagwisya, alimwi bayozwa. ²⁷ Pesi tochinchi, alimwi myaka yako tigoli pe. ²⁸ Bana babalanda bako bayopona, alimwi lunyungu lwabo luyoopona mubuliwo bwako.''