Intembawuzyo yaDeviti. ¹ Ndiyoyimba busyomesi bwachizuminano abululami; kulinduwe, Jehova, ndiyoyimba intembawuzyo. ² Ndiyoyenda munzila yabusyomesi. Kaka, uyooza lili kulindime? Ndiyoyenda chabusyomesi mung'anda yangu. ³ Tandikoyoobika kuchita bubi kunembo lyangu; ndilasula bubi butakwe milimu; tachikoyoojatilila kulindime. ⁴ Bantu babuyo bayondisiya; tandilemeki bubi. ⁵ Ndiyonyonyoona kufumbwa uusisikizya kubbida simabambanwa wakwe. Nsikoyoswiilila nikuba ni uuli akulisumpula alimwi abukkale bunyongene. ⁶ Ndiyoolanga kuli basyomekede bamunyika kuti bakkale kulubazu lwangu. Aabo beenda munzila yabusyomesi kuti bandibelekele. ⁷ Bantu basilweeno tabakoyookkala mukati kang'anda yangu; basikubeja tabakoyootambulwa kunembo lyamenso angu. ⁸ Chifumo achifumo ndiyonyonyoona basizibi boonse kuzwa munyika; ndiyogwisya boonse basimuchita zibi kuzwa kumunzi waJehova.