¹ Ku Jesus jem y’ijty nyexy, nits t’ixy tu’uk yä’äytyëjk jääy mädfiwë wimpiits ojts kyejx jë’ëky. ² Nits pyäyoywyëtëjk yëktëjëdë yëk ixpëkpë: ¿pën peky tyuun yä’ät yä’äy tyëjk ok tyeety jets yë jääy kyejx jëkt? ³ Jesus y’ätsooy ni yë niteety kyäpeky tyuntë jäkëx nits je Dios tyunk nykejx jë’ëkt yë këxm. ⁴ ëdëm xpäjt äjtyëm jets ntujn jäyën je tyunk mädi ëts xpäkexp ki ixyäm it jyäkxëjnyë, mimp je äkoots it ku nipën kyäoktunët. ⁵ Ku ëts yä näxwiiny ëts yä äjäjk eepy yä näxwiiny. ⁶ kots Jesus ojts nä wyänkexy jets ojts txyujy näxkëjxy jets tyëk oy äjty tsujy monts mëët nits wyinkëjxy monts täjä’äxy. ⁷ Nits tnëjm ääy nëkx nits niky xy mnyäwyimpuj yë mä je në nyipots witityë mäti txëëw Siloé (mädi nä ayuujk wimpitsëmp tpäkexy) nits je yä’äjy tyëjk jääy nyiky xy nits ojts nyäwyimpuj yë jets ojts wyimpity ixp. ⁸ Nits je jääy myu äwinkon tsëneedyëp jets näynyä mädiwë t’ixtëp ku yëk äyow y’ ity nits wyäntë: ¿ Ke yä’ät jääy jyejë ma¨di y’ ijty tseneepy jets putëjk ëëny t’ämädoy. ⁹ Nidukën y’ ijty wyä’äntë “jeyë” jem pën wäntëp ke, jets nä yë jyäke’exy jets jë këm ye’eny ëts jë. ¹⁰ Nits jedë nyëmxëdë jets ¿ntso y’ ixë të mwiin nyäwyekxyë? ¹¹ Nits je y’ätsooy je yä’äy tyëjk jä’äy mädi txëëw Jesus ojts tyëk oyë monts nits ojts ëts nwinkëjxy xtänijääxy nits ëts xnëjm ääy nëkx Siloe jepts mnyäwyim pujët nits ëts nikyxy jets nyäwyimpujë nits ojts nwin ixweky xy. ¹² Nits nyëmxëdë ¿mäts je y’ ity? Jets t’ ätsooy ke nijäwë. ¹³ Nits tpäwäädë je jä’äy mädiwë wyenë y’ ijty wimpiits jets t’ änëkx eedyë ixpekytyëjk. ¹⁴ Pookxën xëëw je y’ ijty ku Jesus monts tyëk oy äjty jets tyëk win ix weky’xy je jä’äy. ¹⁵ Nits jädukyäjë yëktëjëdë je ixpeky tyëjk ntso y’ ixë je të wyin ixweky xy jets je tnëëjm ääy je tpëëmy monts ëts nwinkëjxy jets ojts mpujy näjts ëts ixyäm n’ ixy ¹⁶ Nits nidukën ixpeky tyëjk wyäntë je jäáy ke je Dios tjejë tikëx ku tkäixy y’ity pokxën xëëw nits jäduktë wyäntë ¿Ntso y’ixë nä pokytyumpë jä’äy nä tunt je ixpejt? Näjts ojts jyejë näwyäkxë mä jedë. ¹⁷ Jäkëxts tyëk tëëdë jäduk yäjë mädi y’ ijty wimpiits ¿ntso mits xtijy je tëts mwiin tnäkyëwyeky xyë? Jets wimpiits jääy wyääny. Dios äkäpxpë je. ¹⁸ Nits ke judíos t’oktëyjyäw eenyëdë jets ku je y’ ijty wimpiits jets ku t ë je wyin ixweky xy koonëm tyeety twäätso jeedyë. ¹⁹ Nits tyëk tëjeedyë tyeety, ¿Yä’ät je m’uunk eepy mädi mtijtëp jets wimpiits kyejxy? ntso y’ixë ixyäm y’ ixy? ²⁰ Nits niteety y’ätsooy ëëts nijäw eepy ku ëëtxyë n’uunk jets wimpiits yë kyejxy. ²¹ puntso y’ixë y’ixy ixyäm ke ëëts nijäwë jets pupën të wyiin yëk äwäjtxyë ke ëëts je n’ixë yëktëwdë yë’ë, wimpetynyë yë nyikäpx p yë këm. ²² Jäkëx je nä niteety y’ätsooy judíos je y’ijty ätsëjk äjtëp je ku nä y’ ijty të judíos tkepxyëdë jets pëm pën kyäpx nexy py ku Jesus je Cristo, yëk kexpitsëmp tsje mä yoymyuktäjk. ²³ Jäkëxts tyeety wyäntë wimpety nyë yë yëktëwdë yë këm. ²⁴ Nits mumetsk yäjë jedë twätsoodë je jääy mädiwë wyenë y’ ijty wimpiits je tnëjm jeedyë mo mëjpëk täjkën je Dios ëëts nijäw eepy ku yë jääy pekytyumpë yë. ²⁵ Nits je jä’äy y’ätsooy, ke ëts nijäwë pën peky tyumpë yë mädiwë ëts jyeexyë nijäw eepy ku ëts y’ ijty wimpiits nits ixyäm ëts n’ ixy. ²⁶ Nits jedë nyëmxëdë ¿ntso të mtunyë? ¿ntso y’ixë të myëk äwäjtxyëtë mwiin? ²⁷ Nits y’ätsojë të ëts njänikepxy ke’ts të xmädowdë: ¿Tikëx xmädow wä’äntë jäduk yäjë? Miits ke xtsoktë jets wimpit tët je pyäyoywyëtëjk ¿ok ke? ²⁸ Jedë tmukäpxtäkoydyë nits tnëjm jeedyë mits je mpäyoywyë eepy Jets ëëts Moises ëëts mpäyoypy. ²⁹ Nijäw eepy ëëts Moises ojts Dios myukepxyë jets ke ëëts nijäwë pumä yë txyoony. ³⁰ Nits je yä’äjy tyëjk y’ätsooy jets wyääny ätëy ëts yä’ät njäwë ku xkänijäwëdë miits pumä yë txyoony oyëm jyänäjë jets ëts të nwiin tyëk äwä’ätxy. ³¹ Ëëts nijäw eepy ku je Dios ke tmädoy je pyeky tyumpë jets pëm pën tsëjk eepy je Dios jets tujnë txyojkën jets myädoopy, ³² Ku ojts näxwiinët txyoontä’äky ke junë yëkmädoy jets pën tyëk äwäjtsët je wimpiits jä’äy wyiin. ³³ Ku yë jääy jyeexyë Dios tkäjejë niti yë jyeexyë tkätuny. ³⁴ Nits jedë y’ätsoodë mits të mkejx jë’ëky muntuun mtäko’ony ¿nits ëëts xyëk ixpeky, nits judíos yuup pitsëmëdë tëkwimpy. ³⁵ Jesus tnijäw äjty ku ti y’ ijty yëk kexpitsemy mä’äm yoymyuktäjk, nits Jesus tpäjty nits tnëjm ääy ¿mtëy jyäw eepy Dios y’ uunk? ³⁶ Jets y’ätsooy: ¿Wintsën pën je nits ëts ntëy jyäwët? ³⁷ Jesus nyëmxë të mits je x’ixy je je mädi mits mët nä kyäpxëp. ³⁸ Nits je yä’äy tyëjk wyääny witsën ntëyjyäw eepy ëts nits ojts wyinkuxten etyë. ³⁹ Tëy tyuun ëts të nmuminy yä näxwiiny jets mädi käixtëp y’ ixtët jets mädi ixtëp jets wimpiits tyän’tëp. ⁴⁰ Jets nidukën ixpeky tyëjk mädiwë jem y’ijty myëët tmädoodë nits tyëk tëëdë ¿nits wimpiits ëts näynyäjmë? ⁴¹ Jesus nyëmxëdë: ku jyeexyë wimpiitsëdë ke jyeexyë täko’ony xmëëdëdë kots miits ixyäm mwä’äntë ixp ëëts näjts miits mtäko’ony mtä ityëdë.