¹ Tyëy äjtëm ëts miits nëjmëdë: pën redil tëk ätsumk äm kátëjk eepy jets äyäm pyety je yä’äy tyëjk niko je wyenë wyitity meetspë je wyenë. ² mädi’its redil tëk ätsumk äjy tëjk eepy borrego y’ ixpë tsje wyenyë. ³ Ku je äkä tyëk äwä’ätxy jätyëy tsje borrego kyepxy myädoyë xyëëw je kyëm borrego tyämukepxy py näjts je tëk wimpy twäwitsëmy. ⁴ ku kyëm borrego wyenë të twäwitsëm tä’äy jetsë twintuwëkë näjts ixojk kyëm borrego pyäyoy änexyë, tikëx ku nijäw äjtxyëp je tso tmukepxy. ⁵ nit kpänékxtët tsje mädi kyäixy ti niky xy tuntë jeyë niky xy tkukek këxtë ku je wyenë tkäixëdë. ⁶ Nits Jesus yä’ät mätyä’äky ojts tkepxy kets ojts twinjäwëdë ti je y’ ijty nä jya tijpy. ⁷ Nits Jesus jädukyäjë ojts nyemxyëdë tyëy äjtëm ëts ovejas xtëk äkäj eepy. ⁸ Nidukëyë mädi jä mintë jäwyiin ke ojts oveja myumädoyë je ku jedë meetspë tëjk je y’ijty. ⁹ Ëts je tëk äkäj eepy pëm pënts je tëjk eepy je’ets mädäkp pyäätpts je mëëy ku jep nyäxt. ¹⁰ Ku meetspë tëjk myiny meets tëp je yëk ookp yëk kudäkoypy jye, ku ëts je’ts ëts të niminy jets jukyäjt xmëëdëdët jets mjukyëdët. ¹¹ Éts je oy ixyitpë jets oy ixyitpë jem tsje jyuky äjt tkexy mä ovejas. ¹² Ke oy t’ixy ity mädi mujuytyump jets näy nyäj kum ke tsje tkëm je jë oveja ku t’ixpääty ku jem mëy y’uk myiny nits oveja t’oknikek këxnë nits mëy uk oveja tmëtxy ku të pyutwä’äkx këxtë. ¹³ äkëx tsje oveja t’oknikek këxnë ku mujuy tyuny. ¹⁴ Ëts oy ixyitpë, n’ixy ëts je mädi ëts nje eepy jets mädits ëts nje eepy x’ixyts ëts je. ¹⁵ Ku ëts nteety n’ixë je ëts je x’ixë jäkëxts ëts njuky äjt nkëyeky ovejas këxm. ¹⁶ Jem ëts äweky oveja nmëëdë mädi yä redil ojty käpën itp n’is päwäwem pyts ëts jemë je’ts ëts n’ayuujk x’ämädojëdëp jets niduknuuk wyitit t jets jädu’uk y’ixpë. ¹⁷ äkexts yëkëxm ëts nteety xtseky jäkëx ku éts jem nkuky äjt nkexy jets jadukyájë nkonkojmë. ¹⁸ Nipën ëts xkäpëjkët ku ëts jekëm nkext ëts këm nkëm je nkexy py. Jem ëts kutujk nmëëdë jets nkext, jemts ëts kutujk nmëëdë jets nkojn jëk kojmët, yä’ät päwään ëts të nteety xmo’oy. ¹⁹ Yäät ayuujk këxm ojts jädukyájë judíos tëjk nyäwyeky xyëdë. ²⁰ Nimäy ojts wyä’äntë: të yë myuky jyätnë kyäoywyé yë myëët ¿tiko miitxyë xmädowdë? ²¹ Jem mädi wäntë: ke’ts nä jääy kyepy xy mä di kyäoywyë täijtëp. ¿ mä yëp kyäoywyë jets wimpiits jääy tyëkwin ixwäkxt? ²² të je y’ ijty xëëw tpääty. Mä Jerusalen Dios yëktäkëtëkët. ²³ të y’ ijty je tyempë tpääty mä it xyux täknë ku Jesus jem wyitity tsäptëkwinkëm Salomon tyëk’ ätsumk äjy wyinkujky. ²⁴ Nits judíos tëjk tyämuk pejtë yëk xon nyiwitijtëdë, nits nyëmxedë: ¿winääk itnexy ëëts nä ätujkën xjäktukmët itwä’äny? Pën mits je Cristo. Tëy dë xtyim nyikepxy ²⁵ Nits Jesus y’ätsojëm pijtë: të’ëts miits njäwäjnëdë kets xtëyjyäwëdë, je tunk mädi ëts ntumpy ëts nteety xyëë këxm, yë’ts ëts xnikäpx p. ²⁶ oyëm je jyänäjë ke’ts xtëyjyäwëdë tikëx ku ëts miits n’oveja. ²⁷ ëtsën n’ oveja xmädo jeepy ëts n’ayuujk, n’ixy ëts je, jets ëts je xpätuyo’oydyë. ²⁸ ëts je nmoypy juky äjt mádi xëmëkëxm, nijnë je kyäooktët npën ëts je nkëjëm xkäpëjkëdët. ²⁹ Ëtsën nteety, mädi ëtstë xmo’oy jäweenë nimëj je ke tukëyë.nipënts je niteety kyëjëm tkäpëkt. ³⁰ ëts jets ëtsën nteety tukyë ëëts. ³¹ Nits jädukyäjë judíos ojts tsä’ä tkojnjëk kojmëdë jkets nyäskä’äts wä’änyë. ³² Nits Jesus y’ätsojë: ku ëts miits të ntuk ixtë käwinëmpyë tyeety tyunk ¿yë tunk këxmts ëts miits xnäskä’äts wä’äntë? ³³ Nits nä judíos y’ätsoodë: ke ëëts yë këxm mits näskä’äts wä’äny ku oy tyunk xtuny. Mkäpx täkoonykyëxm tikëx ku mits tu’uk yä’äjy tyejk jets mnä Dios tij yë. ³⁴ Nits Jesus y’ ätsojë: ¿ke’mts jep nä jäywyety y’ ity mäjep mkutujktë: ËTS NWÄÄNY: ¿DIOSTË MIITS? ³⁵ ¿pën je miits ojts nä mdios tijyë pën Dios y’ayuujk tämijnë( ke’ts je jäywyet näxteeny tyänt) ³⁶ jets miits je xnëjmëdë mädi niteety jyë wääw jets näxwiiny tpäkejxy mkapx täkoypy mits ku ëts nwääny Dios y’uunk ëts.. ³⁷ pën ke ëtsën nteety tyunk ntujnë ke’ts xtëyjyäwët. ³⁸ Pën tumpyts ëts je, oyëm ëts miits ëts xjäkätëy jyäwëdë, tëyjyäwëdë je tunk x’ixëdët xnijäwëdët ku ëtsën nteety je ëts je xtäity jets éts jem n’ ity mä nteety. ³⁹ Nits jädukyäjë Jesus t’okmäts wäntë nits ojts Jesus kyukekyë. ⁴⁰ Nits Jesus jädukyäjë ojts nyëkx kojmë Jordan pyä’äm mä Juan ojts jäwyiin yëknëpety jemts tyääny. ⁴¹ Nimäy jyä’äy jyänëkx äjtëdë jets wyä’äntë: tyëy äjtëm ke ojts Juan ixpëjt tyëknikejx jë’ëky jets tukëyë tso të Juan tnikepxy yä’ät ya’ät tyëjk tyëywyem je. ⁴² Nimäy jyääy ojts je jem tëyjyäwëdë.