¹ Ku nä y’ok käpx këjxy nits nyiky xy Galilea, ke’ts jem y’ itjy tyëkë wyä’äny Judea, tikëx ku mëk je y’ ijty judíos y’ixtäyëdë jets yëk ookwänyëdë. ² Ixyäm judíos xyëéw mädi yoymyuktäjkën jäweenë y’ ijty tkäpääty. ³ Nits myugu’uktëjk nyëmxëdë, mäts tu’ut yä it, nëkx Judea jets näynyä mpäyoywyëtëjk t’ixtët ti tunk mits mtumpy. ⁴ Nipen je ti tkätuny äyu’utxy ämeetsk pën txyekypy jets yëknijäwët, pën mits yä’ät nä mtumpy nyäk nyikejx jëkëts mits yä näxwiiny. ⁵ Ni kyëm mugu’uk je y’ ijty kyätëy jyäw etyëdë. ⁶ Nits Jesus tnëjm ääy: Kenëm ëtsën nhorë jyä’äty jets miits oy jyunë je tyëmpë oy. ⁷ ke miiits yä näxwiinët mtsip ixëdët jets ëts yëk tsip ixp ëts, tikëx ku je ëts nikepxy py, ku je käoy je tyuntë. ⁸ Nëkxtë mits xëëw eewyë; ke ëts jem xëëw eewyë nëkx wä’äny, kenëm horë tpääty jets kyuytyunët. ⁹ Ku nä tnëm këjx äAy nits jem jyäktänkojy Galilea. ¹⁰ ku y’ ijty të myugu’uktëjk jem nyëkxtë xëëw eewyë, nits ojts näy nyäjmë nyiky xy, ämeetsk ojts nyiky xy. ¹¹ Jem xëëw jotm y’ ijty judíos y’ ixtäyëdë nits wyäntë: ¿mä je y’ity? ¹² käwinëmpyë y’ jty mäy jyääy je tyëktsijät të. Nidugën wyä’äntë: oy jyäaÿ yë yä’äy tyëjk. Jemts mädi wäntëp: ke nyäjë jeyë yë tukëyë mäyjyä’äy twäänëkx kexy mä käoy tyu’u. ¹³ Nipënts y’ijty tkäyëk nikejx jë’ëktë tso je tnikäpxtë judíos y’ ijty txyëjk eedyëp. ¹⁴ Ku y’ ijty të xëëw kyukwäkxnë nits Jesus pyejyty tsäptikypy nits ojts yëk ixpëk äxäjy. ¹⁵ Nits judíos tëjk ätëy äjät tätänkëxtë: ¿tso y’ ixë ixyä yä’áty tyëjk käwinëmpyë tnijäwë? Nijunë yë tudä’áky kyäjääyë. ¹⁶ nits Jesus y’ ätsojë jets wyääny: ke ëtxyë ixpëjkën nje’jë jeyë jye mädi ëts të xpäkexy. ^{17 18} 17- Pën jem nidugën pën txyojkën tyunwäjn jeedyëp je’ts je nyijäwëp yä’ät ixpëjkën pën Dios wyinkukm yë txyoony ok këm ëtxyë nje nkepxy. 18.-Pën këm nyänyikäpxëp këm tse myëj äjtën t’ixtä’äy, pënts je y’ ixteepy myë äjtën mädi të pyäkexyë tyëywyë tsje wyenë tyupy je jääy näjts ke jem tyi ity ëën täjk. ¹⁹ ¿Kemtse Moises mojyëdë kutujk? Jets miits nipën ts tkä kuytyuny. ¿Tikëx ëts miits xyëk ookwä’äntë? ²⁰ Nits nimäy jyä’äy y’ ätsooy: ¡jem mits demonio xmëëdë! ¿ pën jem myëk ookwäjnëp? ²¹ Nits Jesus y’ätsojë jets nyëmxë: tu’uk ëts jeyë të tunk ntuny, jets ätëy ts miitxyä’ät xtätänkëxtë. ²² Moises moyëdë circunsición ( ke je Moises y’ ijty tjejë, tyeety je y’ijty jyedë), jets pokxën xëëw joojty miits tu’uk yä’äy tyëjk xcircuncidä rë. ²³ pën tu’uk yä’áy tyëjk tkuentëpeky circunsición pokxën xëëw joojty jets ke Moises kkyutujk näxteeny tyänt t, ¿tikëx ëts miits xmu ämpëktë jäkëx ku ëts jä’áy nyëk tsojky pokxën xëëw joojty? ²⁴ kädi miits nä mtëytyuntë pën tso x’ixtë, tëy miits mtëy tyuntët. ²⁵ Nidkën mädi Jerusalen wyä’äntë: ¿kemtse yä’ädë mädi miits m’ixteedyëp jets xyëk ookwä’äntë? ²⁶ Ixtë ntso xim kyepxy jets nintso yë jem tkänëjmëdë. ¿ të yë win gobernantes tëjk t’ ixkäptë jets Cristo yë? ²⁷ Jets ëën nijäw ëyëm yë mä yä’ät txyoony, kots nikyxy Cristo myiny, ni´pënts niky xy tkänijäwë mä je myiny. ²⁸ Jesus kyepxy tsäptiky py yëk ixpeky jets ye’eny: x’ ixy ëts miits xnijäw eedyëp ëts miits mä ëts ntsoony, ke ëts të nminy ëts këxm jets mädi ëts të xpäkexy tyëywyë je nikets miits je x’ixëdë. ²⁹ n’ ixy ëts je tikëx ku je këxm ëts nminy je’ets ëts të xpäkexy. ³⁰ nits jedë t’ okmäts wäntë, nipën ojts kyänixä etyë tikëx je ku kenëm y’ijty yhorë tpääty. ³¹ nimäy nyexy nimäy jyä’áy je tëy jyäw eedyë jets wyä’ántë: ku je Cristo myin’t tyumpts jäwin jäweenë mäy ixpejtën tso yä’át të ixpejtën tyëk nikejx jë’ëky. ³² Jets ixpeky tyëjk tmädoodë kunä nimäy jyä’áy käoy Jesus tnikäpxtë.nits teety nyiwintsën mëët ixpeky tyëjk tpäkextë oficiales jets Jesus yëkmäts’t ³³ Nits Jesus wyääny: jaweenë ëts miits yä njämët it të nitnëmts ëts n´ánëkxët mädi ëts të xpäkexy. ³⁴ Niky xy ëts miits xjäok ixteenyëdë nike’ts ëts miits niky xy x’okpätnëdë mä ëts niky xy nikets miits jem mjä’ät tët. ³⁵ Nits tum äkëmyë judíos nyäyenyë, ¿mä yë xyä yä’áy tyëjk nyëkxwä’äny jets nkäpäjtën? Jemyë win nyëkx wä’äny mä yoywyäkxkëxtë të Griegos jets tyëk ixpëk wä’äny? ³⁶ Ti äyuujk yë mädi të tkepxy: x’ixtädëp ëts miits jets nike’ts ëts miits xpäät ¿mä ëts nikyxy ke’ts miits jem mintët? ³⁷ ixyäm mä jäduk xëëw tkäpääty jets mëëxëëw kyukëxët Jesus tyenkyuk ëëy, nits mëk kyäpx kejky: pën jem nidukën të tëëtsë pyäädyë, wen ëts xniminy nits y’uukt. ³⁸ Je pën ëts xtëy jyäw eepy tso jep jäywyet ye’eny, juky nyëjts je mu’utp y’ äm jyotm. ³⁹ jets je jäwën je y’ ijty nä tyijpy jets ti je kyuentpëkwäntëp pën të tyëyjyäw etyëdë. Kenëmts y’ ijty jäwën yëk yeky ku kenëm y’ijty yëkmëpëktä’äky Jesus. ⁴⁰ Nidugën nimäy jyä’äy, ku nä ayuujk tmädoodë nits wyäntë: tyëy äjtëm profeta mtämyëdäm. ⁴¹ jemts mädi wäntëp: Cristo yä’ät.jemtse nidugën wyä’äntë je Cristo mimp jem jem Galilea. ⁴² ¿Kemtse jäywyet nä ye’eny ku Cristo myint David nyäskexë jem Belen? ⁴³ näjts jekëxm ojts mäyjyä’äy nyäwyäkxënyë. ⁴⁴ Nidukën y’ ijty mäts wänyë, nipëts kyänixä äjtë. ⁴⁵ Nits oficiales wyimpit të jem mä’äm teety nyiwintsën mëët ixpeky tyëjktë. Mädi nëmxëdë: ¿tikëx yä xkäyëkmintë? ⁴⁶ Nits oficiales y’ ätsojëdë: nijunë na pën kyäkepxy. ⁴⁷ Nits ixpeky tyëjk nä y´ätsojëdë: ¿të miits näynyäjmë myëkwin ëëntë? ⁴⁸ ¿tëëmts jäktukën gobernantes tëyjyäwë ok nidukën ixpekytyëjk? ⁴⁹ jets ixyä nimäy jyä’äy mädi kutujk kyänijäw eepy käoytyijën yë. ⁵⁰ Nicodemo (je nidukën ixpeky tyëjk mädi jäwyiin yë änëkx äjt) je’ts nëmxë: ⁵¹ ¿jäwyiinëmts ëën nktujk tëy tyuny näy jyem wyenë tkämädoy jets tnitkänijäwënëm ti wyenë të tuny? ⁵² Nits je y’ ätsoodë tnëjm jeedyë ¿Galilea mits mtsoony naÿnyäjmë? Ixtä’ä jets x’ixt ku nitukën kyämint profets jem Galilea. ⁵³ Nits ojts kë jä tyëkëntum nyëkxnëdë.