¹ Ixyäm jem y’ijty tu’uk ixpeky jyä’äy mädi xyëëw Nicodemo mädi jupteneepy judío. ² yä´ät yä’äy tyëjk t´änëkx ëëy koots Jesus nits tnëjm äaÿ yëk ‘ixpëkpë mäi të Dios pyäkexyë tigëx ku ke jääy pyën ity pën je nä ixpejt yëk kejx jë’ëkp nit je nä tun’t pën jem Dios myët ityë. ³ Nits Jesus y’ätsojë tyëy äjtëp éts mits nëjmë pëm pën kä kextikätsp ke je Dios myëj äjtën t’ixt. ⁴ Nits Nicodemo y’ätsooy ¿tso y’ixë tu’uk yä’äjy tyëjk jääy kyextikäts t ku të jyämë jääy eenyë? Oyëp je nä ku yä’äy tyëjk tyëkët mu metsk oojktyääk nyikëxm nits kyex kojmët? ¿Oyëp je nä? ⁵ Nits Jesus y’ätsojë: tyëy äjtëm pën ke nëjotm nyëpety jets jäwën këxm ke’ts jem nyäxt mä Dios myëj äjtën. ⁶ tikéx mädi nikëjx mëët të kye’exy, nikëjx méët tsje, mädits jäwën këxm të kye’exy, jäwën tsje. ⁷ ke ätëy äjät xtätän’t ntso ëts mits të nëjmë, ku ëts mits të nëjmë ku jädukyäjë mkextikäts t. ⁸ Je poj pyoj pën mä pyoj wä’äny mjämädoopy je ku pyojy ni ke’ts mits je xnijáwë mä je y’ity jets mädi je nyiky xpy. Näy nyäjmë tsje tukëyë mädiwë jäwën këxm të kyejx jë’ëky. ⁹ Nits Nicodemo tyëk tëëy, ¿tso yë y’ixë yä’ät tukëyë? ¹⁰ Jesus y’ätsojë: yëk ixpëkpë mits mtuny jep Israel jets ni nä yä’ät xkäwinjäwë. ¹¹ Tyëy äjtëm ëts mits ixyäm nëjmë je ëën kepxyëm mädi nijäw äjtyëm jets nikepxyëm mädi të n’ixyën, jets miits ke ëëts nmätyä’äky xkuentëpëjkëdë. ¹² ku ëts je njätämukepxy mädi yä näxkëjxy jets ke tëy jyäwëdë ¿tso y’ ixë tëy jyäwëdët ku ëts je nwäjnëdët mädi jem tsäp jotm? ¹³ Nipën kyäpety të tsäpjotm je jeyë mädi jem të kyidä’äky: yä’äy tyëjk y’uunk. ¹⁴ Nä tsoom ojts Moises tyëk putë’ëky tsä’äñ näxwimpätë’ëts ätum näy nyäjts je pyäätyë yä’äytyëjk niky xy y’uunk tyëkputë’ëky. ¹⁵ Jets nidukëyë pën je tyëy jyäw eedyëp tmëëdët juky äjt mádi xëmëkëxm. ¹⁶ TIkëx ku Dios mëj nexy je tsojky yä näxwiiny nits ojts tkexy tukëm je y’uunk jets opyénë pën je tyëy jyäw eepy ketse y’ookt myëëdëp je juky äjt mädi xëmëkëxm. ¹⁷ Tikëx ku Dios ke je y’uunk tpäkejxy yä näxwiiny jets npaxwiiny tuk kuwet t jets je këxm yä näxwiiny tyëk mädä’äkt. ¹⁸ Pën je tyëy jyäw eepy ketse nyikutukë jets je pën je kyätëy jyäw eepy tëts je nyikutujk eenyë, tikëx ku ke tëy jyäw äjtë je Dios y’uunk xyëëw mädi tugém. ¹⁹ jekëxm tse tëy tyunën ku je të äjäjk myiny, jets yä’äjy tyëjktë jäweenë mëk tse t’ätsoktë äkootxyë tujy ke äjäjk tigëx ku je jyuky äjt käoy je y’ijty tyëknäxtë. ²⁰ Tigëx ku tukëyë pën tyuntäktëp käoy jets ke tse nyëkx wä’äntë äjäjk ätum jets jyuky äjt nyikëjx jë’ëktët. ²¹ Jets pën tyëj äjtën tjuky äjt eedyëp mintëp tse äjäjk ätujy jets tyunk mädiwë tyuntëp Dios këxm jets nyikëjx jë’ëkt. ²² ku yë nä tkäpx këjxy nits Jesu mëët pyäyoywyë tëjjk nyëkx kojmëdë jem Judea y’itjotm. Jemtse it tyëk näjxy jets jäaÿ tyëk nëpety. ²³ Ixyäm Juan näy nyäj yëk nëpety jem Enon Salim muy äwinkon tigëx ku kom nexy jem y’ijty në. Jääy jem y’ijty y’ änëkx etyëdë jets nyëpet të. ²⁴ Tigëx ku Juan kenëm je y’ijty puxtikypy nyiky xy. ²⁵ Nits ojts tsip tyëk tsoontä’äktë Juan pyäyoywyëtëjk mëët tu’uk judío ku je nyäpyujëdët näjts je Dios y’oy jyäw ätëdët. ²⁶ Nits Juan t’änëkx eedyë jets nëjm jeedyë: yëk ixpëkpëje mädi mits të y’ity mëët xim jädum äjny yoywyë në jordan pä’äm mädi mits të xnikepxy jem je xyäm yëk nëpety nidukëyë jem jääy y’änëkx etyëdë. ²⁷ Nits Juan y’ätsooy: Tu’uk yä’äy tyëjk niti je tkä kuentëpeky nit pën tsäpjotm je wyené yëk mo’oy. ²⁸ Miits je këm mnikäpxp ku ëts nwääny jets ke ëts ncristo nä ëts nwääny ëts të nyëkpäkexy yë wyinkujky. ²⁹ ku je toxtyëjk nyiyä’äjy tse këjem äjtëp. Jets yä’äjy tyëjk myugu’uk mädi je pyä’äjy ku myädoyë méj nexy je xyontä’äky ku je yä’äy tyëjk y’äyuujk yëk mädojë, näjts je ëtsën nxontäjk pyu’uky. ³⁰ näjm je pyäät etyë jets je yeekt wyimpet t jets nimutsk ntän t. ³¹ je mädiwë mimp këx äm je nimë mä nidukëyë. Jets je mädi yä näxkëjxy näxkëjxyëm tse jets mädi yä näxkëjxy jetse nyikepxy py. Jets ma¨di tsäp jotm tsoomp nimëjts je y’iy jets nidukëyë. ³² Jets je jetse nyikepxy py mädi të t’ixy jets je mädi të tmädoy, nipënts je kyäkuentëpëjky xyë mädi je jyänikepxy py. ³³ Je mádi të tkuentëpëktë mädi je nyikepxy py näjts je ayuujk tyëk tëy tyëkëdë ku je Dios je tëy äjtën. ³⁴ Tikëx je ku pën të Dios tpäkexy Dios je y’äyuujk kyäpx jeepy. Tikëx ku je ke je jäwën tyëky kipxy y’äm. ³⁵ Je niteety txyoky py je y’uunk jets të tmoy kyexy tukëyë kyëjëm. ³⁶ Pën je tyëy jyäw eepy je y’uunk këxm jemtse juky äjt tmëëdë xëmëkëxm, pën tsje kyä mumädoopy Dios y’uunk ketse juky äjt t’ixt, Dios je jyot ään jem itp jem nyikëxm.