¹ Kyuduwëëk xëëw ku jem tyunyë ämetsk äjtën jem Caná de Galilea jem tse y’ijty. ² Jesus mëët pyäyoywyétëjk ojts yëk wätsowdë mä jem ämetsk äjt tyunyë. ³ Ku ojts kyexy pä’äk në nits Jesus tyääk nyëmxë, ke yëdë pä’äk në t’okmëët eenyë. ⁴ Nits Jesus nyëmxë: toxtyëjk tiku éts xniminy? Kenëm ëts njumëjt tpääty. ⁵ Nits tyääk tnëjm ääy je tumpë tëjk pën tso mnemxyë mtuntëp tse. ⁶ Jem y’ ijty tuwëëk tsä tujts näts je tyëk tuntë jets nyäk wyä’äts jätëdët judíos tëjktë tëjk eepy jep je në tukipxy myäjnk o tu’uk mukepxy jä mäk mokx litro. ⁷ Jets Jesus nyëmxédë yëk äyoy utstë jep në mam tujts, nits ojts tyëk utstë. ⁸ Nits tnëjm ääy je tumpé tëjk äjeepëdë yä weenë tä’änékxëdë mádiwë jep jup ten eepy nits ojts nä tuntë. ⁹ Je mädiwë jupte neepy t’ukmäjtxy je në mädi pyä’äk në jety të nitkänijäwë je pumä je dë txyoony (Jets je tumpëtëjk nyijäw eedyëp je y´ijty mä je të txyoony).Nits twäätsoodë je wäj tyëjk. ¹⁰ nits yëk nëjm ääy tukëyë yä’äytyëjk jääy t’ätëmëdë ja wyiin mädi tsow päknë kots të kom nexy y’uknëdë nits t’ätemëdë äwnëky pyä’äknë jets miits ixyäm päät oy pyä’äk në xkojn jë’ëktë. ¹¹ Näjts ojts mtu’uk ixpejt tuny Jesus Caná de Galilea näj ojts tyëk nikejx jë’ëky myëj äjtën nits pyäyoyowyëjk ojts jyenxyäw etyë. ¹² ku nä tuuny nits Jesus mëët tyääk mëët myugu’uktëjktë jetjets mëët pyäyoywyëtëjk wyinäktë jemts ojts tyäntë käwinääk xëëw. ¹³ Je Judios y’ämääy xyëëw jäweenë y’ijty tkäpääty , nits Jesus pyejty jem Jerusalen. ¹⁴ nits jep tsaptikypy tpät të kä tookpë borrego tookpë mëët päk tookpë mëët cambistas jeo y’ity txyënë y’änäxtë. ¹⁵ nits tyëk oy ëëy je tepxy mädi nädyäkuwojpën tump, nits nidukëyë tkexpitsëm këjxy kä’ä mëët borrego cambistas myeeny twë wäkx këjx jeedyë mëët kyompejt tijkidäkëjx ääy. ¹⁶ Nits tnëjm ääy mädi y´ijty päk tooktëp, “yëkpitsëm këxtë yä’ät tukëyë kädi ëts nteety jyëën tyëjk nä xyëk tujnëdë tooktäjk.” ¹⁷ Nits pyäyoywyëtëjk tjääy myetstë ku mjëën mtëjk nku ämpeky yë’ts ëts xkäyëk jotkujk eepy ¹⁸ Nits Judios tëjk y’ätsojëm pijtëdë mädi jep kutunk eedyëp. “¿ti ixpejt ëts xtuk ixäm ku të nä m’ädë’ëtxy? ¹⁹ Nits Jesus y’ätsooy yëk putëk këxtë yä’ät tsäptëjk jets kyuduwëëk xëëw ëtxyë nyék oyë kyëxt jädukyäjë. ²⁰ Nits judíos wyäntë mädi jep kutunk eedyëp: wixteky xy tyudujk jyumëjt të tyänë näjtxyë të y’oyë, jets mitxyë kyuduwëëk xëëw xyëk oyë wyänkojmë? ²¹ Je tsäptëjk je y’ijty kyepxy py këm nyikëjx. ²² Näjts ku je ojts pyutëknë mä ookpë tëjk nitnëm pyäyoywyëtëjk tjäymyetstë ku nä wyääny, nits jäywyet tëy jyäw eedyë je ayuujk këxm tso y’ ijty Jesus kyepxy. ²³ Ixyäm ku jem wyitity ämääy xyëëw joojty jem Jerusalenmä xëëw tyunyë nimäy nyexyë je tëy jyäw eedyë ntso je ixpejtën tyëk ni kex jë’ëjky. ²⁴ Jets Jesus ke e tyëy jäy etyë tikéx ku ixäjtëp je y’ijty yëkxon. ²⁵ tigëx je ku nyijäwë kyexy py je y’ ijty tso je yä’äy tyëjk jyukyëdë nyijäw eepy je y’ijty tso je yä’äy tyëjk jyuky äjtë.