¹ Nits pilato tmäjtxy Jesus nits twop pä’oojky. Nits ixyitp pë tëjk täktë yotspë kujp kujenë. ² Nits täkujeen eedyë Jesus kyuwäk këxm nits täxxtë je wit mädi mëk tsäpts. ³ Nits je t’änëkx eedyë nits tnëjm jeedyë ¡nyäky myädäkë nyiwintsën! Nits t’äkojx jëktë. ⁴ Ku pilato jädukyäjë pyitsëëmy nits jääy tnëjm ääy: Ixtë jäkëxts ëtxyë tëkwiiny nwäwitsemy jets xnijäwëdët ku nimä ëtxyë nkäpeky pyääty. ⁵ Nits Jesus pyitsëëmy tëkwimpy je y’ ijty tpëmkëxtë yots pë kujp kujenë jets wyit mädi mëk tsäpts. Piato tnëjm ääy jedë: ¡Ixtë ixyä’ät yä’äjy tyëjk jääy! ⁶ Ku teety nyiwintsëntë mëët jupteneewyë tëjk t’ixpät të Jesus nits mëk kyäpx kektë tnëjmjeedyë ¡yëk kruspet, yëk kruspet! Pilato tnëjm jeedyë jedë mätstë yë ixyä kem nits xyëk kruspet tët nimäj ëëtxyë nkäpeky pyääty. ⁷ Nits judíos tëjktë y’ätsoojëm pijtëdë: Jem ëëts tu’uk kutujk nmëëdëdë je kutujk tso je kyäpx mukyë jets ookp yë’ë ku yë këm nyá Dios ti yë. ⁸ Ku näj pilato tmädooy mëk wyäntë: jäweenë mëk txyëjkë tyäkooy. ⁹ Jädukyäjë tyëjkë kyojmë yëk kutuk täjkën tikypy nits jädukyäjë tnëm kojmyë Jesus: ¿mäm mtsoony? Nikem Jesus y’ätsojëmpijtë ¹⁰ Nits pilato tnëjm ääy je ke ëts mits x’ätsow wä’äny ¿kemts mits xnijäwë ku ëts jem mëj äjtën nmëëdë ntso ëts mits nmäts tu’ut t jets ntso ëts mkts nyëk kruspet t? ¹¹ Nits Jesus je t’ätsojëm pijty. Niti mits mëk äjtën xkämëëdë mä ëts je yë ma´di mits të myëk këmo’oy xim tsäpkëxm pën ëtsd të xkëyeky mits winkujky jäweenë më je täkoony tmëëdë. ¹² Ku nä yëk ätsooy nits pilato t’okmäts tu’ut wääny nits judíos jäweenë mëk kyäpx kektë pën mäts tuty py yë yä’äy tyëjk ke’ts mits jäwyenë xmëtnämyäyë Cesar. ¹³ ku pilato nä tmädooy ayuujk nits tmëëdë kyojmë Jesus nits tmëët ëëy mä tyëy tyuntäjk jeta txyënë y’ ixtäjky tëy tyumpë txyënë wyejt këxm it txëëwë tsäwimpetxy jets Hebreos yëkepxy “Gabata” ¹⁴ Ixyä y’ ijty tpäät wä’äny jets tyëkni oyëdët ntso ämäy xyëëw tyëknäxtët wixtujk yäxp y ‘ijty horë nits pilato tnëjm ääy judíos “Ixtë, ixyäm mwintsën! ¹⁵ Nits jedë yäxkektë ¡mët pitsëm yë! ¡Mët pitsëm yë! ¡ yëk kruspet yë! Pilato tnëjm ääy jedë. ¿Jets wintsën nyëk kruspet? Nits teety nyiwintsëntë y’ätsoodë nipën ëëts äweky nkämëëdë niwintsën Cesar jeyë. ¹⁶ Nits pilato jedë tkemooy Jesus jets tyëk kruspet tët. ¹⁷ Nits jedë jetyë tmäystë Jesus näjts yoypyitsëëmy tëkwiiny yäm këm kruz tpäkë’ëy mä jem it txëëwë të’ëts päjk it jotm ku Hebreo yëk tijy Golgota. ¹⁸ Nits jem Jesus tyëk kruspet të je jets nimetsk yä’äy tyëjk jä’äydyë ätsow jets Jesus itkujky. ¹⁹ jets pilato tu’uk letrero tyëk oy ëëy jets kruz këxm tpëëmy. Nä y’ ijty myëjäywyetyë JESUS NAZARET JUDIOS WYINTSËN. ²⁰ Nimäy judíos t’ixtë mëjäywyet mä Jesus kriuz pejty.mëj käjp je y’ ijty myu äwinkon je më jäy wyet nä je y’ ijty jyä’äyë Hebreo Latin Griego. ²¹ Nits jetyë judíos teety nyiwintsën tnëjm ääy pilato kädi nä xjä’äy judíos nyiwintsën nä je jyeexyë ye’eny nä yë wyääny ëts je judíos niwintsën eepy. ²² pilato y’ätsooy mädi ëts të njä’äy tëts ëts je njä’äy. ²³ Nits tsiptumpëtëjk tyëk kruspet t je Jesus nits tkojn jëjky wit nits mäktäxk tyëkwäkxtë wejn jety tso pyäädyë tu’uk jety tsiptumpë nits wit nipëm pet ke je y’ ijty mä y’äxuy myukyë tukyë je y’ijty kyojyë. ²⁴ Nits nyäwyäjnëdë tu’uk jädu’uk ke yë ntäkëjts äjtën nikuyë wyäjtsëm yë nits yëk ixtë pën yë tjejëp yä’ät nä tyujnë jäkëx nits kyuytyunët je jäywyet ku ye’eny tyëk niwäjt eedyë ëtsën nwit nits tnukuy eedyë ëts nwit nipëm pet. ²⁵ Jets tsiptumpë tëjk nä tuntë. Jets Jesus tyääk jets tyääk y’utxy, jets Maria Cleofas toxtyëjk mëët Maria Magdalena yä’ät toxtyëjktë jem y’ijty tyenëdë Jesus kriuz wiiny. ²⁶ Kots Jesus t’ixy tyääk jets mëët pyäyoywyë mädiwë y’ijty y’ätsekypy ixim tyenëdë, nits tnëjm ääy tyääk toxtyëjk äxtuk ixi je mäjnk. ²⁷ Nits tnëmkojmyë je pyäyoywyë äxtuk ixi mtääk nits je horë pyäyoywyë tpäwääy tyëkëntum. ²⁸ Kots nä nyäjxy Jesus ko nyijäw eepy je tukëyë ku të y’ jty kyuytyunkexyë jets kyutyunët je jäywyet wyääny ookp ëts tëëtsë. ²⁹ Jem y’ ijty tu’uk këynyë tä’äm nëë nits tää äkojn jëktë y’äwäk ääy. ³⁰ Ko Jesus t’ukmäjtxy je tä’äm në’ë nits wyääny të jyupkexy nits nyäkujxy nits jyäwën tkëyäjky. ³¹ Nits judíos ku të y’ijty tpätnë mä’m nyi oy eenyë je pookxën xëëw jets kädi ookpë nyikëjx tyäny kruskëxm sábado xëëw jäkëxts t’ämädoodë pilato nits tpuytyëjtët nits tyëkwinäktët. ³² Nits tsiptumpë tëjk myintë nits tpuytyëjtë mutu’uk yä’äytyëjk ninyä mumetsk yä’áy tyëjk mädi y’ijty të Jesus pyä’äjy kriuzpyety. ³³ Kots nyëkxtë mä’äm Jesus kots t’ixtë ko të y’ijty y’ook kidäknë jäkëxts ke ojts tpuytyëjtë. ³⁴ Jets nidukën tsiptumpë kyäkpätkëjy täkum jujty nje txyu’utxy nits jetyë pyitsëëmy në mëët nëjpy. ³⁵ Pën nä t’ix je’ts nä tnikäpxp tnimätyäkp jets je myätyä’äky tyëywyë je yë tnijaw eepy ko tyëywyë je wyä’äny nits näynyä miits xtëyjyäwëdët. ³⁶ Najts yä’ät ojts jyety nits kuytyunët je jäywyet ku ye’eny nidukën pyäjk kyäyëktëjk. ³⁷ Jaduk yäjë ye’eny jäywyet jedë t’ ixtë mädi tyäkumnäxtë. ³⁸ Kots nä nyäjxy Jose de Arimatea mädi y’ ijty Jesus pyäyoywyë eepy (ämeetsk je je ku txyëjk eepy je y’ ijty judíos) tyëktëëy je pilato pën pyäkëyëp je Jesus nyikëjx, nits pilato ojts tyëk jety näjts Jose nyiky xy jets ojts tyëk wineky jets tpäkëëy. ³⁹ Nits näynyä Nicodemo myiiny mädiwë wyenë të Jesus t’as ixy koots jets tyëk miiny xuukp ujts jets xuukp tsäjts temujky tukmukepxy litro jyemtxyë. ⁴⁰ Näjts tyëknëkxtë je Jesus nyikëjx nits tänipit të jäxk wit mëët xuukpë nä nixkëm judíos tyenäyën txyënäyën ntso tnitäjëdë je y’ookpë. ⁴¹ Näjts je jem y’ ijty mä’äm je ojts kriuz pety jem y’ ijty tu’uk pëjy nyiptäjk. Jets jem pëjy nyiptäjk pä’a¨m jem y’ ijty tu’uk näm ookpë pëktäjk mä’äm nipën jep y’ ijty kyäyëkpemy. ⁴² Je ku je xëëw y’ ijty mä’äm judíos tëjk nyäk oy etyëdë, jets je ookpë pyëk jëktäjk winkon je y’ijty nits jedë jep jetypy Jesus tmätäktë.