¹ Ko Jesus tkäpx këjxy yä’ät ääw ayuujk nits pyäyoywyë tëjk tmët pitsëëmy joy pyä’äm mädi Cedron txëëw mä jem y’ity tuk këypy jeeky xy kyepy nyip änexyë jemts tmëët äjty pyäyoywyëtëjk. ² Näynya Judas mädi y’ijty këyäkwäjnëp y’ ix eepy je y’ijty jem mëëdë it, je ku Jesus itp jem je y’ ijty nyiky xy mëët pyäyoywyëtëjk. ³ Nits Judas ku të y’ ijty tkuentëpeky nitukpeky tsiptumpë tëjk mädi teety nyiwintsën ixpekytyëjk jye eedyëp mëët jupteneewyëtëjk jyädë jem jyëën twitsëdë jyëën tpäkontë jets mëët tsujx këjëdë nits kepy kyäpë. ⁴ Nits Jesus ku nyijäwë kyexpy je y’ ijty ti je nä je y’ ijty tujnëp. Nits tyuwëjky jets tyëk tëëy ¿pën je m’ixteedyëp? ⁵ Nits y’ätsoodë Jesus de Nazaret, Jesus nyëmxëdë ëts je, nits judas mädi y’ ijty këyäjkëp jem y’ ijty tmët tenë tsiptumpëtëjk. ⁶ Najts ku je tnëjm ääy: ëts je y’ixnëkx tsoonkëxtë nits kyidääkëxtë. ⁷ Nits jäduk yäjé tyëk tëëy ¿pën m’ixteedyëp?nits jädukyäjë y’ätsoodë, Jesus de Nazaret. ⁸ Jesus y’atsooy: të ëts nwä’ány jets je, pën ëts täm x’ixteedyëp mästu’ut tëts yä’ät wen yë tnëkxtë. ⁹ Yä’ät nä tyujnë jets kuytyunët yë ayuujk ku wyääny: madi ëts të xmo’oy nitukën të nkäyëktäkoy. ¹⁰ Nits Simon Pedro mädi y’ ijty tméët tsujx tjuty txyujx nits tämooy teety nyiwintsën tyumpë y’ägä’äny tyätsk tkäspoot ääy je tumpë y’ ijty txëëwë Malco. ¹¹ Jesus tnëjn ääy Pedro: ákoon eenyë yë mtsujx tyëjk jetypy. ¿Ntso ke ëts yë x’tijy n’uukt mädi të ëts nteety xmo’oy? ¹² Näjts tsiptumpë tëjk mëët pyäwämpë mëët judíos tëjk jyupteneewyëtëjk tmäts të Jesus nits tsumtë. ¹³ Nits tyëknëkxtë tuwëkp Anas tyëkëntum mädi Caifas myëjt teety eepy mädi y’ijty tump teety nyiwintsën je jumëjt. ¹⁴ Caifas je mädi y’ ijty të nä kutujk tmo’oy judíos tëjk jets jäweenë oy je ku tu’uk yä’äy tyëjk jä’äy tkuookt näjx käjp. ¹⁵ Simon Pedro tpäniky xy Jesus, näynä nixkëm jädu’uk päyoywyë ix äjtëp e y’ ijty teety nyiwintsën kyutuktäjk. ¹⁶ Jets je Pedro jepts y’ijty tyenë tëkwimpy, tëk ätsumk epy jäkëxts jädu’uk päyoywyë mädi ix äjtëp teety nyiwintsën pyitsëëmy nits tmukepxy të äteneewyë nits tyëk tëjk äjty Pedro. ¹⁷ Nits tëk äteeneewyë tnëjm ääy je Pedro ¿kem’ts mits yë nidukën Pedro xpäyoywyë yá’ät yä’ájy tyëjk? Nits y’atsooy ke je n’ ëtsë. ¹⁸ Näjts tumpëtëjk mëët ixyitpë tëjk ixim y’ jty tyenëdë. Nits jedë jem y’ ijty të jëën tyëkmëjëdë je k mëk y’ ijty xuxy jäkëxts jem xyämtë. Ixemts y’ ijty Pedro mëët tyenë xyäm ooky. ¹⁹ Nits teety nyiwintsën tyë tëëy je Jesus pyäyoywyë tëjk mëët je y’ixpëjkën. ²⁰ Jesus y’ätsooy: ëts tukëyë je nmukepxy näxwiinët jep ëts itp nyëk ixpeky määm yoymyuktäjk jets tsäptiky py määm Judios tëjk yoymyuktë, niti ëëts nkákepxy ämeetsk. ²¹ ¿Tiko ëts xyëktëy? Yëktëwdë yëdë të yë tmädowdë pën ti ëëts të nkepxy, ixtë je jä’áydyë nyijäw eedyëp yë ti ëts të nkepxy. ²² Ko je Jesus nä wyääny. Nits nidukën jupteneewyë mädi y’ijty jem teneepy t’äkojx jëjky je Jesus nits tnëjm ääy ¿Nä x’ätsoy teety nyiwintsën? ²³ Jesus y’ätsooy pën ëts të nkäpxtäkoy nikäpx mäit ëts të nkäpxtäkoy. Jets pën tëyts ëts të nkepxy ¿tits ko ëts x’äkojx jë’ëky? ²⁴ Nits Anas Jesus tpäkejxy tsuumy teety niwintsën tyëkëntum nits je mädi txëëw Caifas. ²⁵ Ixemts je Simon Pedro tyenë jën äm nyäy äxäm etyë nits jääy nyëmxëdë ¿ke mits yë nidukën tpäyoywyë? Je tku ëëny nits wyääny ke n’ëtsë. ²⁶ Nidukën je teety nyiwintsën tyumpë je y’ijty myugu’uk mädiwë Pedro tyätsk Poot wäjts jekëxts nyëmxë ¿ke’mts ëts mits të n’ixy jem jeeky xy kyepy pyätkëm mëët yë’ë? ²⁷ Nits Pedro tku ëjny jädukyäjë nits jetyë tsäpnë ääw y’äyäjy’xy. ²⁸ Nits jedé tyëk tsoontë Jesus Caifas tyëkëntum jets tyëknëkxtë mä’m yëk kutukpë kyutuktäjk äm, jets näyjyokyë nëm y’ijty, nits je këmtë ni ke tyëjk eedyë yëk kutukpë kyutuk täjk epy nits ke käoy pyäädëdët jdts kyäydyët ämääy xyëëw. ²⁹ Nits pilato nyiwitsëjmëdë jets nyëmxëdë: ¿ti niwämpejt miits myëk mintëp mä ‘m yä’ät yä’äjy tyëjk? ³⁰ Nits jedë y’ätsoodë jets tnëjm jeedyë ku yä’át yä’äjy tyëjk jyeexyë kyätuntäkoywyë ke ëëts yë jyeexyë nkëyeky. ³¹ Nits Pilato nyëmxëdë: mëëdëdë miitxyë nits tëytyuntë ntsoom miits kem mkutujk nits judíos tëjk tnëjm jeedyë ke ëëts nä nyëk kupeky nits ëëts nyëk ookt opyënë jääy. ³² Nä je wyäntë ntso Jesus y’äyuujk kyuytyunët mädi wyenë të tkepxy. Ku wyääny tso y’ixë y’ ijty y’okwä’äny. ³³ Nits pilato tyëjkë kyojmë mä jep yëk kutukpë kyutuktäjk nits twäätsooy jädukyäjë Jesus jets tnëjm ääy. ¿Mits judíos nyiwintsën? ³⁴ Jesus y’ätsojë: ¿këm nä mnätyiyë ok pën të nä mnemxyë jets ëts je. ³⁵ Pilato y’ätsooy ke ëts njudio ¿ok je ëts? Mnäjx mkäjpts mëët teety nyiwintsën të mkëyekyë mä ëts ¿ti të xtuny? ³⁶ Jesus y’ätsooy ëts nkutujk ke je yääyë näxwiiny.ku jyeexyë ëtsën kutujk yääyë näxwiiny ëts ntumpëtëjk jyeexyë tsiptuntëp jets ke ëts jyeexyë nyëk kë yeky judíos kyëjëm jets ëts nkutujk ke yääyë myiny. ³⁷ Nits pilato nyëmxë: ¿Jets mits tu’uk niwintsën? Jesus y’ätsooy mits nä mwämp nits ëts je niwintsën jäxëmts ëts të nkejx jë’ëky jäkëxëmts ëts të nminy yä näxwiiny nits ëts nikäpxt nimätyä’äkt je tëy äjtën tukëyë mädiwë päjt äjtëp tyëy äjtp myädoopy ëts n’äyuujk. ³⁸ Pilato nyëmxë: ¿ti je tyëywyë eepy? Kots nä wyääny nits jädukyäjë tniwitsëëmy je judíos nits tnëjm ääy ke’ts ëts yë mpeky pyääty yë yä’äjy tyëjk. ³⁹ Miits nä mëët mtsënäyën jets ku yëkmäts tu’ut t tu’uk jääy ämääy xyëëw. Mtsoktëpts nits nmäts tu’ut t mits këxm je judíos nyiwintsën? ⁴⁰ Nits jedë kyäpx kektë nits wyäntë: ke yë yëkmäts tu’ut t we’n Barrabas tyëkmäts tu’uty jets Barrabas meetsp je y’ijty.