¹ Ixyäm kenëm tpääty ämääy xyëëw ku Jesus tnijäw ëëy ets të je hioré jyä’äty nits yäät itnäxwiiny täpitsëmt. Ku kyëm je tsojky yä näxwiiny jets tsojky itp kunexy. ² Të je y’ijty mëj kujy y’äm jyotm pýëmxyë winmääny je Judas Iscariotë simon myäjnk nits Jesus tkëyäkt. ³ nyijäw eepy je y’ ijty ku niteety të kyëmoy kyexyë kyëjëm ku Dios këxm je të myiny jets Dios këxm tsje y’ änëkx eepy. ⁴ Nits je tyenkyuk ëëy mä y’ ijty y’auxëdë nits kyukwop tyëk winäjky toalla tkojn jë’ëky nits ojts tnädyänipityë. ⁵ Nits në t’ äteem ëëy pok jotm nits pyäyoywyëtëjk tyeky tpu äxäj ääy nits toalla täpot tëts kojmyë tyeky. ⁶ Nits t’änëkx ëëy Simon Pedro nits Pedro nyëmxë ¿wintsën jets ëtsën teky xtyiny pyujwäjnë? ⁷ Nits Jesus ätsojë jets je yëknëjm ääy tso ëts miits xyäm ntujnëdë kets miits je ixyäm xwinjäwëdë ixojk ts mits niky xy xwinjäwëdë. ⁸ Pedro nyëmxë: nijunë éts mits xkäteky pyujt, nits Jesus y’ätsojë ku ëts mits nkäteky pyujt ke’ts ëts mits nmët it t. ⁹ Pedro wyänkojmë ke ëts jeyë xteky pyujt mëët ëtsën nkë’ë nkuwäjk xpujët. ¹⁰ mädi të txyi’iy ke je tseky nyäpyujë wä’äts je wä’äts miits ke’ts nidukëyë. ¹¹ (nyijäw eepy je y’ ijty Jesus pën je y’ ijty këyäkwänyëp jekëxts je wyääny ke miits nidukëyë wä’ätsëdë. ¹² Ku Jesus teky pyujkëjxy nits kyukwop tpëjk jë kojmë nits ojts jäduk ojk txyëëny ixtäk kojmë: jets tnëjm ääy pyäyoywyëtëjk ¿mnijäw eedyëp ti ëts miits të ntujnë? ¹³ Miits ëts xtijtë yëk ixpëkpë mëët wintsën tyëywyë mits je nä xkäpxtë ëtsëm je. ¹⁴ ëts je wintsën mëët yëk ixpëkpë të ëts miits nteky pyujtë näy nyäjts miits tu’uk jänidu’uk mteky mnya´pyujëxëdët. ¹⁵ Të ëts miits nmoodë ixpejt jets näy nyäjts miits xtuntët tsoom ëts miits të ntujnëdë. ¹⁶ Tëy äjtëp ëts nwä’äny tu’uk tumpë ke nyimëjë nixkëm wintsën nä nyäjmë kukexy eewyë ke je nimëj tsoom mädi päkexëp. ¹⁷ Pën twinjäw eepy yä’ät ayuujk jotkujk nexy miits mtäntët ku nä xkuytyuntët. ¹⁸ Ke ëts miits nidukëyë nikepxy, tikëx ku nijäw eepy ëts je pën ëts të nwin ixy jäkëxts ëts na¨nwä’äny jets jäywyet kuytyunët: pëmpën ëts ntsäpkeeky xkäjy jeepy xmutsip eepy ts ëts je. ¹⁹ Ixyäm ëts nä nwä’äny kenëm ne jyety ku je nä jyät t mtëyjyäwëdëptsje ku ëts je. ²⁰ Tyëy äjtpë tyëy äjtpë ëts nwä’äny pën je kyuentë peky py mädi ëts të mpäkexy ëts je xkuentëpëkp, pëts ëts xkuentëpëkp jetse kyuentëpeky py mädi ëts të xpäkexy. ²¹ Ku Jesus nä wyääny yëk äyow nyäy jyäw äjtë jyäwën jotm nits tnikepxy ye’eny: tyëy äjtpë tyëy äjtpë ëts nwä’äny niddukën miits ëts xkëyäkt. ²² jets päyoywyëtëjk nyäwyin ixëdë tu’uk jänidu’uk nyäky tyëë ok kexyëdë pën je tyijpy. ²³ tu’uk pyäyoywyë mädi Jesus txyeky py jem y’ ijty tämääwety Jesus. ²⁴ Simon Pedro kyë’ë tyëk yo’ojy nits tyëk të’ët pën je tyijpy. ²⁵ Nits je pyäyoywyë mädi jem tämäwejtëp yëktëjë ¿pën je? ²⁶ Nits Jesus y’ätsooy, jetse pën ëtxyët nimu äjtëp tu’k tuk tsäpkeeky nits ëtxyë’ët nmo’ot, näjts ku je tu’k tuk y’ ijty të tsäpkeeky tnimujë nits tmoo Judas Simon Iscariote myäjnk. ²⁷ Kots je tsäpkeeky tkääy nits mëj kujy tyätëjk äjtë Nits Jesus je tnëjm ääy: pën ti mits mtunwempy tun je jetyë, ²⁸ pën jety jem y’ ijty tsëneedyëp käywyejt äm nipën tkäwinjäw äjty mädi Jesus tyijpy. ²⁹ Nidukën wyinmäydyë jäkëx nä tnëjmë ku jem je meeny tmëëdë tu’uk xuumy ku nä Jesus je tnëjm ääy juy je pën ti käti’ itp ku xëëw tyunwä’änyë, o je ti weenë tyäkt jets äyyowë jä’äy yëk mo’ot. ³⁰ ku y’ ijty të judas tkuentëpeky tsäpkeeky nits jetyë txyoojny, të y’ ijty it kyoots eenyë. ³¹ Ku Judas nyiky’xy, Jesus wyääny “ ixyäm ixyäm yä’äjy tyëjk y’ uunk yëk mëjpëktä’äk wä’äny jets Dios yëkmëj pëktä’äky yë këxm. ³² Pën Dios je yëkmë pëktäkp je këxm näy nyäjts je Dios këm myëj pëktäkët nits jetyë niky xy yëk mëpëktä’äky. ³³ Uunktëjktë ixyäm jäweenë ëts miits nmë it wä’äny nikyxy ëts miits xäixtädë tsoom ëts judíos nëjmë näy nyä ëts miits nëjmë mä ëts niky xy ke’ts miits je mintët. ³⁴ Näm päwään ëts miits nmoydyëp ntso tu’uk jädu’uk mnyätxyokëdët nä tsoom ëts miits të ntsoktë näjts miits mnyätxyokëdët tu’uk jädu’uk. ³⁵ yë këxm tsje nidukëyë tnijäwëdë ku ëts miits xpäyoywyë pën mnätxyojkëdëp miits tu’uk jänidu’uk. ³⁶ Nits Simon Pedro je tnëjm ääy: Wintsën ¿mä mits mniky xy? Jesus y’ätsooy: mä ëts niky xy ke’ts ëts mits ixyäm jem xpänëkxt niky xy ëts mits wyenë xpätuyo’ojy. ³⁷ Nits Pedro je tnëjmé: ¿tiko ëts miits xyäm nkäpänëkxt? nkëyäkp ëtsën njuky äjt mits këxm. ³⁸ Jesus y’ ätsooy: ¿mkëyäkp mits mjuky äjt mits këxm? Tyëy äjtëm tyëy äjtëm éts mits nëjmë ke tsäpnë ääw y’äyä’äxt jäwyiin ku ëts mits xku ëënt tuwëëk yäjë.