Yesus napa aingu dangu napa panjanya na haatu tau makaliparu. Mrk. 2:1-12; Luk. 5:17-26

1 Bana tamaka la tiana, ka pala nanyaka hi Yesus la tamma hina taka la paraingu wikina. 2 Halla, ngitaya, halla nyuda hida ngandinya haatu tau kaliparu bana katuda la ngia pakatuda na. Bana ngitayaka na parahayada nyuda, ka pabanjaru dua nanyaka na tau kaliparu pariana hi Yesus, " Pamandunya na etimu, ana-Nggu, pa aingu haka da njalamu. 3 Hallaka, da mapingu kalaratu wadaka la etida, na Tau yiana hihiku nanya hi Allah 4 Batuna, hi Yesus na pimanya nama ninya la kanandingu da, hiwananja, " kanggikina hi mikanadinya nama akatu da la etimi? 5 Nggiyapa nama rihi muda, bata pani,Da njalamu pa ainguha,' njaka ndia, ' Hadanguwa dangu panggawa? 6 Djia batuna, mata kapeku piminya nahu la pinu tana na Ana Tau baningu kuahana lapa aingu njala." Hallaka, hi Yesus hina pabanjaru duanya na tau kaliparu nuna," Hadanguwa, dendiyawa na ngia pakatudamu, dangu beliwa! 7 Halla, kahadangu nanyaka hina beli. 8 Halla batuna nu, bada itayaka na rukuna nuna da tau dangu, kahangataru danyaka halla hida pamangaranyai Allah nama wuanya kuaha na tau. Hi Matius nama pauhing hilu katiku na tundunya hi Yesus (Mrk: 2:13-17;Luk.:27-32) 9 Bana lakuka hi Yesus welingu lai nu, Bana itayaka na haatu na tau napa paaungu hi Matius ba talanga uhuku na la ngia pa pauhing hilu katiku. Halaka hiwananyai Yesus," tundungga Nyungga. Hallaka hi Matius hina hadangu dangu hina tundu-Nya hi Yesus. 10 Batalanga uhukuna pangangu la uma nuna. Tangaruha, dangu da tau ma pauhingu hilu katiku dangu da tau njala da mai, halla hida uhuku pangangu duanya hi Yesus dangu dama kiku-Nya. 11 Halla, da tau Farisi bada ngitayaka na ruku yiana, hala hi wadanja dama makiku-Nya," Kanggikina na Nggurumi hina ngangu duanja dama pauhingu hilu katiku dangu da tau njala?' 12 Djiaba tuna, bana ronguya nuna, halla Hi wana, Nyuda dama nda hidu ndada himbu a mangari, taka dama hidu a uda. 13 Djiaba tuna, lakuwa dangu kai ajaruya yiana, na pawuku-Nggu djiaya na panamungu, nda djiaya na maraku a, kanadu nda mai nggunya papa aunya na tau manangu a, taka na tau njala una. 14 Hallaka, dama kikunya hi Yohanes da mai lai Yesus hida pa arangu," Kanggikina nyuma dangu da tau Farisi hima palakuya na puaha, taka dama kiku Nggau ndada puaha a?" 15 Halla, hi Yesus hi wananja nyuda, malla dama karianya da paratu dangu na mamuaha da handuka ba dalu angu dapa dangu na paratu? Djiaba tuna nu, djaka na takaka na rehina na paratu djaka pitiyaka welingu lai nyuda, hinaka nyuda hida puaha. 16 Nda djia ningu a haatu tau nama haba wanya katari bidi na katari paki na mama ndai, kanadu na habana na hiraya na katari mandai hina tamba liarangu nama kahirana. 17 Nda djia ningu a haatu tau nama haba wanya katari bidi na katari paki na mama ndai, kanadu na habana na hiraya na katari mandai hina tamba liarangu nama kahirana. 18 Batalanga pataka nanja na rukuna yiana lai nyuda, tangaruya,na haatu makapipi la uma kabungguru namai hina marubuku-Nya halla hi wana,"na ananggu kawini bidi metima ana. Djiaba tuna nu, mai aru Kau banjalunya lima-Mu, padaingu luri beli mana. 19 Halla, kahadangu nanyaka hi Yesus hina karianya na tau nuna, tuda numbui dama kiku-Nya. 20 Dangu, ngitaya na haatu tau kawini nama hidu bungu riana ba mbada hakambulu dambu ndaunaka hina tutuya hi Yesus welingu la kadjiana hina damaya na hupu kalembina, 21 wana la kanandinguna na tau kawini nuna ," Milli ku damaya na hupu kalembi Ana daingu mana baku panjang, wana." 22 Hallaka, hina pambelingu hi Yesus hina tangaruya na tau kawini nuna, hala hiwananya," pamandunya na etimu, ha ana-Nggu, na parahayamu daingu napa panjanggau." La rehi numa aka bana pajangu na tau kawini nuna. 23 Bana taka ka hi Yesus la umana nama kapipi la uma kambungguru nuna ka ita nahaka dama hapui taleli dangu da tau dama kanguhuru hi dira kanyauruha, 24 halla Nyuna hiwananja da tau nuda,"lakuwa, na anakeda kawini yiana nda meti ananya, ba katuda ananya una."Halla, kariki danyaka hi Yesus. 25 Bana luhu hallaka na tau dangu la hambeli, katama nanyaka hi Yesus hina yapaya na limana na anakiada nuna, ka hadangu madua nanyaka na anakiada kawini nuna. 26 Na rukuna yiana na kada hala nyaka lai nu. 27 Bana lakuka hi Yesus welingu lai nu, dama madua dama poki da kikunya Nyuna ba dangu warada, " Namu kama, Ana nai Daud." 28 Bana tamaka la uma nuna, da mapoki ba tau maduaha da mai tuama-Ya halla hina paaranja," Malla hi parahayadu nu djaka Kupalakuya yiana?"Hi wada nyuda," Uu, Miri!" 29 Hallaka, hi Yesus hina damaha da matada, hi wana," Na njadiwa lai nyumu panamatunya na parahayamu." 30 Halla, pabulang madua danyaka da matada. Ndana paka balingua hi Yesus bana panamunja Nyuda," namuya, ambu djia ningu du haatu tau mapinya na rukuna yiana." 31 Djiaba tuna, bada luhuka kapaniwa madua danya na rukuna hi Yesus la ngubuluna lai nu. 32 Bada luhuka da tau madua , ngitaya, da tau da ngandinya haatu tau kambiu na parunuku wandi akatu lai Yesus. 33 Bana halaka paluhu na wandi akatu, na tau kambiu nuna na pambanjarungu. Da tau dangu nuda da hangataru hala hi wada," ndedi ta kali ngitangu a matuna yia la Israel." 34 Halla, hiwada da tau Farisi," Nyuna na wangga wandi akatu wangu kuaha wandi akatu." 35 Halaka, hi Yesus na laku winggirungu kuatak dangu desa hina wuangu pa ajaru la sinagoge, hina patakanya na Injil pahanganji, hina pa panjanya mbu halana na panyaki dangu na pahidu wangu. 36 halaka hi Yesus bana ngita haka da tau dangu, na milanja eti nyuda kaba njili danyaka dangu bada tanyalangu hama djiangu biaka na mbimbi na manda ningu mapawanja. 37 Halla hi wananja dama kikunya," Djaka djia pakuyaka, dangu mananya na pamuti, taka dama rama hakudu ada." 38 Taka nu, karaiwa lai Miri nama mangunya na pamuti, kana pangandingu marama la pamutina.