HI YESUS NA PALIAWAHA DA MAKIKUNYA ¹ Dangu, hi Yesus na pa aunja da tau hakambulu madua dama kikunya hina wuanja kuaha la pawanggaya na wandi akatu dangu la papanjanya mbu halana na panyaki dangu na pakatiu wangu. ² Yiada haka da tamuda dama hakambulu madua: Nama mangilu, Simon Petrus ba wadanya, dangu hi Andreas angu dedina, dangu hi Yakobus ananai Zebedeus, dangu hi Yohanes angu dedina, ³ Filipus, dangu hi Bertolomeus, Tomas, dangu hi Matius nama pauhingu hilu katiku, Yakobus ananai Alfeus, dangui Tadeus, ⁴ Simon tau Zelot, dangui Yudas Iskariot nama kaliaka Nyai Yesus. ⁵ Hi Yesus na paliawaha da hakambulu madua dama kiku,-Nya hala hina paretaha nyuda,"ambi laku li ningu du la anda banjaru hawiangu djaka ndia ambi tamadu la kuatak tau Samaria, ⁶ taka lakuwa la mbimbi dama njarang welingu la banjaru Israel. ⁷ Dangu, ba dalu lakumi, buabaruya dangu kai patakanya,' Na pahanganji Surga bamareni nanyaka ⁸ Pa panjanya na mahidu, paluri beliya nama meti, palangaya nama kila, dangu wanggaha da wandi akatu. Nyimi hi ngala djuangu. ⁹ Ambi ngandi amahu Rara, djaka ndia amahu bara, djaka ndia wudu la boru banggimu, ¹⁰ djaka ndia tas bau laku la anda, ambu kadua mbalangu kalembi, djaka ndia halapa, djaka ndia tokungu kanadu na tau na marama na ngalanguma pangana. ¹¹ Dangu, la kuatak dangu la ndeha la nggi biaya na ngia patamimi, pantandanya djaka nggamuya nama parakangu halla ndadikuwa lai nu lundu kai beli. ¹² Taka djakai tamaka la uma nuna, tabi waminya. ¹³ Dangu, djaka na parakangu na uma nuna, matawa na hanggela hawola kana puru lai nyuda, taka djaka ndia, matawa na hanggela hawola ka nabeli lai nyumu. ¹⁴ Dangu, djaka nggamu biaya na manda kataku kai djaka ndia ndana mbuhangu paronguya napa panimu, djakai luhuka welingu la uma njaka ndia welingu lakuatak nuna, kambahuya na au welingu la taba lawihimu. ¹⁵ Nahu ku paninggaunya nama padeningu kanadu la lodu nahu na buatangu,tanah Sodom dangu Gomora na njadipa patanggunya welingu la kota nuna." ¹⁶ Tangaruya, Nyungga ku paliawakai hama djiangu na mbimbi la huanga banda mbeni. Djiaba tuna himi pingu hamana na ular dangu tuturu hama kulundiha. ¹⁷ Taka, rimanguma la tau kanadu nyuda da ngandikai lai Sanhedrin hala hina pa djarakai la Sinagoge-Sinagoge da nyuda. ¹⁸ Dangu, nyimi hida ngandikai la hangga makuaha dangu la maramba lailu ruku Nyungga, beri hau tanda pahakahingu ndumada nyuda dangu na banjaru hawiangu. ¹⁹ Taka, djaka da ngandikai nyimi, ambi gidikudu nggikinaka djaka ndia giki wandaka kanadu la rehi nu bana wunggai djaka garaya na papaniwamu. ²⁰ Kanadu, banda nyimi a mapa banjarungu taka djiaya na Ngahuna na Amamu nama pabanjarungu da la wikimu. ²¹ Na angu dedina ngandiya na angu dedina la pameti wangu, dangu na amana bana hangganya na anana. Dangu, da anakiada na lawanja da ina amada dangu hida pametiha. ²² Nyimi na muhunggai madangu lailuna na tamu-Nggu, taka na tau nama torungu lundu la hupu njapuna pa pamananguya. ²³ Taka djaka da pamayillakai la hau kuatak, palaikai la kuatak hau. Nyungga ku paninggainya nama padeningu nda jia laku li halla amiha da kutak-kuatak la Israel lundu takanya na maina na Ana Tau. ²⁴ Na murid ndana rihi anya na ngguruna, tuna numbui na ata ndana rihi anya na umbuna. ²⁵ Tuama mananya na murid djaka na hamanya na ngguruna, dangu na ata djaka na hamanya na umbuna. Taka nyuda Beelzebul djaka wandanya na mangu umangu, na rihi nda hamuipa da angu umana. ²⁶ Djiaba tuna nu, ambi mangadatu dunja nyuda kanadu nda djia ningua pa pandabingu ma ndata bunggahu, djaka ndia maka winingu panda pingu. ²⁷ Nggaraya napa paninggu nggai lama kapatangu, pani wanyawa la mahambila. Dangu, nggaraya na parongumi ba kangurukunggai la kahilumi, buabaruyawa welingu la kawuku uma. ²⁸ Ambu mangadatu dunja nyuda dama pametiya na tolu, taka ndada njadia pa pametiya na ndiawa, taka rihi mangadatunya badi Nyuna nama njadi pa panjapuya na ndiawa palupanya na tolu la neraka. ²⁹ Malla da dua ngiu manginu ndapa dangga waanja hau ndui? Dangu, nda djia heumbu ma kadabu la tana la hambeli pawukuna na Amamu. ³⁰ Dangu, na lunggi la katikumu pa mbada diha halaya. ³¹ Taka batuna nu, ambu mangadatudu, nyimi hi rihi pawilingupa welingu la manginu." ³² Njadi, nimbihu na tau nama piakaka Nyungga la hangga tau, Nyunggai duku ku piaka mayai duna la hanggana na Ama-Nggu la Surga. ³³ Taka, djaka nggamuya nama pahiningga la hangga tau, Nyunggai duku ku pahini manyai duna la hanggana Ama-Nggu na maninya la Surga." ³⁴ Na mai-Nggu ngandi nanya na dami ehi la pinu tana ambi wamidu. Na mai-Nggu nda ngandi Ngunya na dami a, taka ngandi Nggunya hapanda. ³⁵ Kanadu, mai-Nggunya pa paihanya na mini welingu la amana, na kawini welingu la inana, na rii anana welingu la ina yenuna, ³⁶ dangu na muhuna na haatu na tau welingu la angu uma ma ana. ³⁷ Djaka nggamuya na marihi namuha da ama inana welingu lai Nyungga, ndana parakangu a lai Nyungga. Dangu, nggamuya na marihi namuha da anana mini djaka ndia da anana kawini welingu lai Nyungga, ndana parakangu a lai Nyungga ³⁸ Dangu, nggamuya na manda dukuya na harikanguna dangu kana kikungga Nyungga, ndana parakangu a lai Nyungga. ³⁹ Nggamuya na ma pamandunya na hamanguna napa na yamihuya na hamanguna, dangu djaka nggamuya nama yamihuya na hamanguna lailu Nyungga daingu na ngala belimanya." ⁴⁰ Nggamuya nama nggepikai, nggepi nangga Nyungga. Dangu, nggamuya nama nggepika Nyungga, nggepinanya Nyuna nama paliawaka Nyungga. ⁴¹ Nggamuya nama nggepiha da wunangu la tamuda da wunangu da ngalangu wunda wunangu. Dangu, djaka nggamuya nama nggepi tau mapadeningu la tamu tau mapadeningu na ngalangu wunda tau mapadeningu. ⁴² Dangu djaka nggamuya nama wuanya paunungu na haatu tau nama rihi pakudu yiana djapangu ka hau beker wai maringu a la tamu tau makikung, Nyungga ku paninggainya nama padeningu la nyimi, nda djia mbulangu ana na wunda na."