HI YESUS LA HANGGA NAI GUBERNUR PILATUS Mrk. 15:1; Luk. 23:1-2;Yoh. 18;28-32 ¹ Nahu, bana takaka na mbaru, mbu halada da ratu kapala dangu da ama bokul banjaru nuna mbada buatangu madaka ruku nai Yesus la pahuku pametiya Nyuna. ² Hala, nyuda hida hondu yai Yesus, hala hida ngandiya dangu hida wua-Ya lai Gubernur Pilatus. ³ Taka hi Yudas, nama wuaya hi Yesus, bana ngitayaka hi Yesus ba mbata buata danyaka hukungu, ka kahala iara nanyaka nyuna hala hina pabelinja da 30 mbua amahu bara la ratu kapala dangu la ama bokul, ⁴ hi wana, ku njala ka Nyungga kanadu baku wuayaka na wai riana na tau manda ningu jalangu. Taka, hi wada nyuda, nda nggara ayapa napa uruhuma nyuma? Pa uruhumu nyumu ayaka dumu! ⁵ Hala, hi Yudas hina kawukanja da ndui nuda la Uma Allah hina laku warunja. Hala, hina laku pa tiwalungu wikina. ⁶ Taka, da ratu kapala da pitiha da ndui nuda hala hi wada, ndana hamu a djaka ta pahamuha la ngiapa pahamu ndui kanadu ba wili wai riaha. ⁷ Taka, bada halaka pa pahamangu rukuda da ndui nuda, hida kei wangu tana lama pipi wurungu ngia pataning tau weli namungu. ⁸ Nuduyaka, tana wai ria hi wadanya lundu nahu, na tana nuna. ⁹ Ba tuna nu, ka padeningu hala nanyaka na papanina hi wunangu Yeremia: Halaka, nyuda hida piti 30 amahu bara. Nuna djiama yaka na wili-Na napa mbada buata da bada pahamangu da tau Israel. ¹⁰ Nyuda da panggunanja da 30 amahu bara ndumangu la pakei wangu tana lama pipi wurungu, hama djangu na pareta nai Miri na pambada wuanangga. ¹¹ Nu, hi Yesus na ndualaku la hanggana na Gubernur hala na Gubernur hina paara-Nya, mala Nyumu hanganji tau Yahudi kau dumu? Na hiama hi Yesus, Uu, hamana ba wamu. ¹² Taka ba tuna, Nyuna bada kalaya pariada ratu kapala dangu da ama bokul, Nyuna nda nggara ma pahiama wana. ¹³ Hala, hi Pilatus hina pani-Nya, mala Nyumu ndau rongu maya bana dangu tau nama kalakau Nyumu? ¹⁴ Taka, hi Yesus ndana wangu pa hiama maya hi Pilatus, mili ana hau pakala wadanya kana hiama ndiama ka hangataru nanya na Gubernur. ¹⁵ Nu, rehi lodu bokul yaka, na Gubernur na kali pahala nduma tau dangu, haatu tau tahangu na pawukuda nyuda. ¹⁶ La rehi nu, ninya na haatu tau tahanguda nama wuwa, Barsabas ba wadanya. ¹⁷ Djia duyaka, bana pauhika na tau dangu, hi Pilatus na pa aranja nyuda, nggamuyaka na pambuhami kaku pahala nggainya, Barabas djaka ndia hi Yesus, Kristus ba wadanya? ¹⁸ Kanadu, hi Pilatus bana pinya ba karau danya eti, nyuda hida wuaya hi Yesus lai nyuna. ¹⁹ Ba na uhukuka la kanjaka pengadilan, na kuru umana na pangandinya kareuku, Ambu djia nggara ula munyaka na tau na manda ningu jalangu nuna. Kanadu, nyungga ba mbada mayila ngguka kamodu baku manggadipanya Nyuna. ²⁰ Taka, da ratu kapala dangu da ama bokul da rundaya na tau dangu kada karaiya hi Barabas dangu ka pametiya hi Yesus. ²¹ Ka pa arangu nanyaka na Gubernur lai nyuda, nama ngginiyaka welingu la tau madua yiada napa mbuhami kaku pahala nggainya? Hala, hi wada nyuda, Barabas! ²² Hala wana kai Pilatus, djaka tuna nu nggiki wanggu nyaka badi hi Yesus, Kristus ba wadanya? Da hiama nyuda mbu halada, Harikanya Nyuna! ²³ Hala, hina pa arangu hi Pilatus, mala? Nggara maakatu mayaka na papalakuna? Taka batuna, ka tamba wara madua daka, Harikanya Nyuna! ²⁴ bana ngitayaka nuna mbu halana hi Pilatus nda hili nggiki wana apa, ka tamba pariu raungu ma anaka na tau, ka piti nanyaka wai hina baha limana la hangga tau dangu hala hi wana, nda ningua njalanggu Nyungga la wai riana na Tau yiana Mata ka nyimi dimi mahiamaya! ²⁵ Hala, hiama danyaka da tau dangu, na Wai riana mata kama hiama nyuma lupa da ana maka! ²⁶ Halaka, hi Pilatus hina pahalaya hi Barabas ndumada nyuda dangu bana halaka pa paluya hi Yesus, hala hi Pilatus hina wuaya Nyuna la paharikanya. ²⁷ Ba tunaka nu, da tentara Gubernur da karianya hi Yesus la umana na Gubernur hala hida pa uhi winggirunya Nyuna. ²⁸ Da alinja da katarina hala hida pa paki-Nya katari umba au. ²⁹ Dangu, bada halaka nyuda pa pandoinya nggubi rii madaka, hida pa pakinya la katiku nai Yesus, dangu hapungu tokungu la lima kawanana, hida patika la hangga-Na, hala hida pa akanya Nyuna, hiwada, tabi, Maramba tau Yahudi. ³⁰ Hida panganji-Ya, da pitiya na tokung nuna, hala hida paluya na katiku-Na. ³¹ Bada halaka pa paakanya Nyuna, hala hida alinya na kalembi umba au nuna welingu lai Yesus, hida pa paki belinya da paki wiki-Na, hala hida karia-Nya la paharika-Nya. ³² Batalanga luhuda da tantara,tabukudanyaka na haatu na tau welingu la Kirene na matamungu Himungu.da pambanaya na tau nuna padukuya na harikana i Yehu. ³³ Dangu, tunaka nu takadanyaka la hau pangiangu nama tamungu golgota,pangia Kabakotu bawadanya, ³⁴ Wuadanyaka i Yehu pa unungu Angguru papakorungu mapaita,dangu banatupukuya i Yehu na angguru nuna,ndana bihu a pa ununya. ³⁵ Tunaka nu bada harikanyaka i Yehu,hida pabe-berinja da pakina badawangu undi. ³⁶ halaka nu,mandapu danyaka dangu hida daiya Nyuna lai nu. ³⁷ Dangu,dita la pinu katikuNa, datuya na patulihu na papanjala wadanya,Yianaya i Yehu, Hanganji Tau Yahundi. ³⁸ Larehi nu,nimbunja da paharika angunya i Yehu ba tau maduaha da ma pandoi manjala.na haatu la kawana dangu na haatu la kalaina. ³⁹ Dangu,datauka da malaku li lai nu da pi-pimbilingu katikuda bada pa akanya iYehu. ⁴⁰ Dangu dapani, Nyumu mapani Kunyanggaru-ya na Uma Ala,hiku pahada belinya la tailu mbua loduna bawamu,Malapa jaka Ana Ala dukau, puruwa nu welingu la harikangu Kau pamara wikimu'. ⁴¹ Malamai duda da ratu kapala,da ngguru anggama dangu da ama bokulu Yahundi bada pa akanya i Yehu.ba dapani, ⁴² Na pamara bia na tau hawingu,taka na wikina Nyuna ndana namaka papamaraya.Nyuna jaka Hanganji Ihirailu duya,na puruwa nu welingu la ai harikangu, hina nyuna ma perhaya. ⁴³ Nyuna na perhaya i Ala,dangu Ana Alaka bawana,matawa nu kataitaya jaka na pamara duya paraina i Ala. ⁴⁴ Da tau nda hamu da pa harika angunya Nyuna mala mai duda bada pa aka tudanya nu. ⁴⁵ Nahu, lapa nomu wana na jam, na kapatangu la nggubulu tana lai nu, lupa taka la pahiwa wana na jam. ⁴⁶ Talanga wanguna, la pahiwa wana na jam, ka wara nanyaka hi Yesus, hi wana, Eli, Eli, lama sabakhtani? Nama wana, Allah-Nggu, Allah-Nggu, kanggikina Nyumu hu dunjakun-Ngga? ⁴⁷ Hala, da tau dama ndualaku lai nu, bada ronguyaka nuna, kawadaka nyuda, na Tau yiana pa aunanya hi Elia. ⁴⁸ Ndapa mbuti anya, na haatu welingu lai nyuda na palai, hina pitiya na lumutu, hina baha wanya angguru mayilu, hala hina honduya la ai tokungu, hina wuanya kana unungu wana. ⁴⁹ Taka batuna, wada hawiangu, Mala kata ngitaya, napa hi namunya hi Elia ndumangu la papahala-Ya. ⁵⁰ Hala, hi Yesus hina hili wara hina pahalanya na kayeku-Na. ⁵¹ Hala, ngitaya, na tiara la Uma Allah na kahira pademi paduangu, weli ditangu taka huwawa, na tana na ngguada, da watu da mbiara. ⁵² Da reti da tabunggahu, dangu da tolu tau Yahangu dama mbada meti hi paluri beliha. ⁵³ Dangu, bada luhuka welingu la retida, bana halaka paluri beli hi Yesus, hida tama la paraingu yahangu dangu hida pangitangu wikida la tau dangu. ⁵⁴ Nahu, da kapala tentara, dangu nyuda da anguda padaiya hi Yesus, nyuda ba da ngitayaka na upungu dangu mbu halana na matumbu, dira mangadatuha hala hi wada, deningu mana Nyuna ba Ana Allah ya! ⁵⁵ Lai nu, ninja da tau kawini dangu dama tangaru marau, dama kikunyai Yesus welingu la Galilea ndumangu la pandulaya Nyuna. ⁵⁶ La njuanga da nyuda ninja hi Maria Magdalena, Maria ina nai Yakobus dangu hi Yusuf, dangu na inada da ana nai Zebedeus. ⁵⁷ Nu bana rudunguka, na haatu tau nama wulu welingu la arimatea nama tamungu Yusuf, nama mbada kikungu lai Yesus. ⁵⁸ Nyuna na lua lai Pilatus hina karaiya na metina hi Yesus. Taka, hi Pilatus hina wuangu pareta mata na metina hi Yesus ka wuanya hi Yusuf. ⁵⁹ Hala, hi Yusuf hina pitiya na metinai Yesus, hala hina kawubuhu wanya tiara bara ma manadangu, ⁶⁰ Hala, hina pakatuda-Ya la reti nama bidi, mangu wiki mana, na pambada akina la palindi watu. Hala, hi Yusuf hina kulinya na hau watu bokul la pindu reti nuna hala hina laku ⁶¹ Hala, lai nu, ninya hi Maria Magdalena dangu da Maria hawiangu dama uhuku la hangga reti nuna. ⁶² La hauna na lodu, na lodu ba halaka pahawanjiru nduma na Sabat, da ratu kapala dangu da tau Farisi hi da pauhi la hangganai Pilatus. ⁶³ Hiwada nyuda, Umbu, nyuma ma namu mayapa na pa panina bana luripa nahu, Nyuna nama kambaliku, palangangu tailu mbua lodu, napa luri beli manggu-Nya. ⁶⁴ Jiaba tuna nu, wuangu pareta mata na reti nuna ka daiya lundu taka la lodu na patailu wana, napa da maidu dama kiku-Nya lapa bohu-Ya, hala hida pani la tau dangu, mbada luri beli naka Nyuna welingu la njuanga tau meti hi wada. Na kambaliku yiana nama malamiri na rihipa panda hamu welingu nama mangilu. ⁶⁵ Na pani hi Pilatus lai Nyuda, ba ningu madu lai nyimi matanggu dai. Lakuwa, kai daiya hama djangu na pambada pimi. ⁶⁶ Hala, nyuda hida laku pa rimanya na reti nuna pakariangu dama tanggu dai, hala hida henggeluya na watu ndabina reti.