NA LURI BELINA HI YESUS ¹ Nu, bana lapahuka na lodu Sabat, la mbaru hada rudungu, la kawunga lodu la minggu nuna, Maria Magdalena dangu da Maria hawiangu da laku la reti ndumangu la patangaruya na reti nuna. ² Hala, ngitaya, hi djia tungu biana na upungu bokul kanadu na papaliawa nai Miri na puru welingu la Surga, na mai pa kulinya na watu nuna, halaka hina uhuku la pinuna. ³ Na matana hama djangu na kabilakuya dangu da pakina da bara hama djangu salju ha. ⁴ Ka bama mangadatu madanya, nyuda dama dai nuda ba ta tatada djangu na tau nama mbuhang pa metiha. ⁵ una hina paninja da tau kawini nuda, ambi mangadatu du kanadu baku pimanya ba himbu minya hi Yesus na pambada harikangu. ⁶ Nyuna nda ni anyapa lai yohu kanadu Nyuna ba mbada luri beli naka hama djangu na pambada pani Wana. Mainguwa, kai tangaruya na ngia paka tudana. ⁷ Beli pariangganguwa kai paninja dama kiku-Nya kanadu Nyuna ba mbada luri belinaka welingu la njuanga tau meti, dangu ngitaya, Nyuna bana mangilu nggai la Galilea. Lai nu, nyimi napa kai ngita niya Nyuna. Namuya, na pambada paninggu nggai nyimi. ⁸ Hala, ka parianggangu danya bada laku warunya na reti nuna ba dangu mangadatu da dangu mbaha eti nama bokulu; hala hida palaingu pa paninja nyuda dama kiku-Nya. ⁹ Hala, ngitaya, hi djia ni bianya hi Yesus bana tabukuha nyuda hala hi wana, tabi! Kamai danyaka lai Yesus, hida dama ha da wihi-Na, hala hida marubuku-Nya. ¹⁰ Hala, hi Yesus hina paninja nyuda, ambi mangadatu du; lakuwa kai paninja da angu dedi-Nggu kada laku la Galilea, taka lai nu, napa nyuda da ngitaka Nyungga. ¹¹ Ba talanga laku daka nyuda, ba tau mapiraha dama dai da laku la paraingu hida paninja da ratu kapala rukuna mbu halana nama tumbu. ¹² Taka, ka pauhingu danyaka dangu da ama bokul. Bada halaka pa pahamangu, hala hida wuanja ndui dangu nuda dama dai. ¹³ hala hi wada, dama kikunyai Yesus da mai la rudungu lapa piti-Ya ba talanga katuda ma mata kawami. ¹ ¹⁴ Taka, djaka na ronguka na Gubernur, nyumaka duma mapa mandanya mata nyimi ka ambu nggara ulami. ¹⁵ Hala, ka kei daha da ndui nuda hida palakuya napa mbada ajaru wadaha nyuda; dangu na kareuku nuna na kada hala nyaka la huanga da nyuda da tau Yahudi lundu la lodu nahu. ¹⁶ Halaka, dama hakambulu haatu dama kikungu da laku la Galilea la palindi na pambada patuji naha hi Yesus lai nyuda. ¹⁷ Taka, bada ngita-Yaka, hala nyuda hida marubuku-Nya. Taka batuna, hawiangu da ndua ndandi mapa. ¹⁸ Hala, hi Yesus hina pamaingu hala hi wanja, mbu halana na kuaha la awangu dangu la tana, mbada lai Nyungga halayaka. ¹⁹ Djiaba tuna, lakuwa kai panjadi yawa makikung mbu halana na banjaru, dihu hawa nyuda la tamu nai Ama, dangu hi Ana, dangu hi Ngahu Matua, ²⁰ Pa piakanjawa nyuda kada tuturunya mbu halana na pambada pareta wang-Nggu nggai; dangu ngitaya, Nyungga daingu karia manu manggai, lupa taka la hupu njapu rehi.